Daily news
Кан: Погледот на Ума Турман вечерва во правец кон „Насоки“- проекција на филмот со учество на македонска продукција
![](https://makfax.com.mk/wp-content/uploads/2017/05/uma-turman-1.jpg)
Логистиката за овој значаен настан и за македонската кинематографија, и промоција на уште неколку наши филмски проекти веќе седми ден се „подгрева“ на македонскиот павилјон каде што секојдневно се остваруваат меѓу продукциски контакти, промоции и неформални средби.
![](http://makfax.com.mk/wp-content/uploads/2017/05/producenti-432x324.jpg)
Продуценстки средби: Владимир Анастасов, Ангела Несторовска од „Сектор филм“
Под будното око на маестралната актерка Ума Турман, која преседава со високо стручното жири, што ќе награди еден од 15-те филмски остварувања селектирани во програмата „Un Certain regard“ на годинешниот Кански филмски фестивал, вечерва ќе биде прикажан Филмот „Насоки“ на Стефан Командарев со учество на македонски копродуценти Владимир Анастасов и Ангела Несторовска од „Сектор филм“.
Логистиката за овој значаен настан и за македонската кинематографија, и промоција на уште неколку наши филмски проекти, веќе седми ден се “подгрева“ на македонскиот павилјон каде што секојдневно се остваруваат меѓу продукциски контакти, промоции и неформални средби.
![](http://makfax.com.mk/wp-content/uploads/2017/05/mimi-canes-432x324.jpg)
Директорката на Агенцијата за филм Мими Ѓоргоска, на средби на македонскиот павилјон
Очекувањата за можното освојување на статуетка во оваа компетитивна програма се извесни, ако се земе предвид сензибилитетот на филмот „Насоки“, кој според проценката, во филмските критичарски кулоари, е сосема модерен и актуелен, соодветен на трендовите на актуелната европска кинематографија, особено онаа која доаѓа од југоисточна Евопа.
![](http://makfax.com.mk/wp-content/uploads/2017/05/evropska-asocijacija-za-audivizulna-mreza-486x324.jpg)
Од средбите со членови на Евроспката асоцијација на аудиовизуелни мрежи на македонски „терен“ во Кан
За „Насоки“ …
Филмот „Насоки“ е во режија на Стефан Командарев, а во снимањето како дел од целата филмска екипа се и македонската костимографка Жаклина Крстевска и потписникот на шминката Мартин Павловски.
![](http://makfax.com.mk/wp-content/uploads/2017/05/nasoki-6-576x320.jpg)
Од филмот „Насоки“
Жанровски, „Насоки“ е современа драма, снимена на бугарски јазик. Филмот е поддржан и од Македонската агенција за филм.
Во конкуренција со филмот „Насоки“ се селектирани уште петнаесет филмски остварувања, меѓу кои на режисерите Мишел Франко, Куросава Кијоши, Анарита Замбрано.
![](http://makfax.com.mk/wp-content/uploads/2017/05/nasoki5-576x305.jpg)
Од филмот “Насоки“
За „Златната палма“ трка на 18 филмови
Статуетката „Златна палма“ ќе отиде во рацете на еден од 18 филмови селектирани во главната програма. Во оваа програма има по четири филмови од Франција и САД, два од Јужна Кореја и по еден од Унгарија, Велика Британија, Австрија, Русија, Украина, Грција, Германија и Јапонија. Меѓу фаворитите се филмот на Софија Копола „Измамената“ со Никол Кидман и Кирстен Данст, новите филмови на Франсоа Озон, Михаел Ханеке и Фатих Акин.
Со жирито преседава големиот шпански режисер Педро Алмодовар.
Фестивалот што годинава слави 70 години постоење, беше отворен на 17 мај со проекцијата на филмот “Les Fantômes d’Ismaël” (Духовите на Исмаил), новиот филм на режисерот Арноа Деплешен (Arnoa Deplešena). Домаќин на престижната церемонија е италијанската актерка Моника Белучи, а до крајот на фестивалот на 29 мај, вкупно во сите фестивалски денови ќе бидат прикажани 49 филмови од 29 земји, меѓу кои 12 режисери од понежниот пол. крај/мф/ав
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Daily news
Награда за „Бизнисот на задоволството“ на фестивалот во САД, кој ги откри Спилберг и Џорџ Лукас
![](https://makfax.com.mk/wp-content/uploads/2024/05/thumbnail_The_Business_of_Pleasure_2.jpg)
Долгометражниот филм „Бизнисот на задоволството“ на Гоце Цветaновски е добитник на наградата „Сребрено реми“ на „Хјустон интернешнал филм фестивал“ (WorldFest-Houston International Film Festival) во САД.
Овој значаен фестивал, кој постои цели 57 години е еден од најстарите во Америка и најстар во светот за независни филмови. Се гордее со тоа што во својата историја им ги доделил првите награди на легендарни режисери како што се Стивен Спилберг, Џорџ Лукас, Анг Ли, браќата Коен, Ридли Скот, Брајан де Палма, Оливер Стоун, Роберт Родригез, Спајк Ли, Дејвид Линч и уште многу други.
„Ова е голем успех. Да бидеш награден во конкуренција од над 4.000 филмови од 70 држави, е признание кое ја потврдува естетската вредност на филмот. Дефинитивно влеговме во убаво друштво, со оглед на тоа кој се’ е добитник на „Реми награда“ во историјата на фестивалот. И’ честитам на целата екипа којашто допринесе за меѓународниот успех на филмот и едвај чекам сите да се собереме повторно и во септември да го претставиме филмот пред македонската публика.“, рече режисерот Гоце Цветановски.
Наградата е деветта по ред на филмските фестивали во светот, а трета во САД, откако претходно „Бизнисот на задоволството“ го доби признанието за најдобар филм на „Риверсајд филм фестивал“ во Калифорнија и за највпечатлив филм во Седона, Аризона.
Улогите ги толкуваат Муса Исуфи, Слаѓана Вујошевиќ, Исмаил Касуми, Дамјан Цветановски, Осман Ахмети, Елени Декидис, Мендим Муртези, Егзона Салиху, Авни Далипи и Катерина Коцевска, а Цветановски го потпишува и сценариото. Продуценти на филмот се Дритон Рамадани, Богдан Јончевски и Гоце Цветановски.
Снимен е со поддршка на Агенцијата за филм.
Daily news
Прва правна конференција Tres Partes
![](https://makfax.com.mk/wp-content/uploads/2018/03/1-1-3.jpg)
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
![](https://makfax.com.mk/wp-content/uploads/2018/08/gruevski-sud.jpg)
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.