Daily news
Лекај: Екстрадицијата на Харадинај значи дестабилизација на Балканот
Српското обвинителство го товари Харадинај за бројни воени злосторства извршени во Косово кон крајот на деведесетите, а Апелациониот суд во Колмар утре ќе ја соопшти одлуката за барањето на Србија за негово екстрадирање.
Заменикот-претседател на Алијансата за иднината на Косово (ААК), Пал Лекај, тврди дека екстрадицијата на поранешниот косовски премиер и некогашен лидер на Ослободителната војска на Косово (ОВК), Рамуш Харадинај, во Белград би значело дестабилизација за Косово и Балканот, пишува денеска приштинскиот весник „Епока е Ре“.
Српското обвинителство го товари Харадинај за бројни воени злосторства извршени во Косово кон крајот на деведесеттите, а Апелациониот суд во Колмар утре ќе ја соопшти одлуката за барањето на Србија за негово екстрадирање.
Синоќа Лекај на својот Фејсбук профил напиша дека „тоа не ѝ оди од рака на ниту една заедница“.
-Предупредувањето на пратеникот Даут Харадинај не беше насочено кон ниту една од заедниците што живеат во Косово. Неговата реакција беше само предупредување дека преку случајот на Рамуш Харадинај во Франција некој се обидува во Косово да предизвика нешто што не е добро, тврди Лекај.
Тој смета дека предупредувањата за кривичните обвиненија против Даут Харадинај не се ништо повеќе од нечија тенденција да се сведат на нула сите постигнувања на полето на интеграција на српската заедница, пренесува Танјуг.
Лекај истакна дека српските граѓани во Косово не би требало да дозволат да станат „жртви на Белград“. крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
