Контакт

Daily news

ММДЧП: Привремената влада на Македонија да спречи формирање коалиција СДСМ/ДУИ и да објави датум за нови избори

Објавено пред

Македонското меѓународно движење за човекови права (ММДЧП), согласно Уставот на Република Македонија  бара од привремената влада на Македонија да спречи доделување мандат за формирање влада, на коалицијата СДСМ/ДУИ, да спречи преземање на Собранието во нивни раце и веднаш да одреди датум за нови избори – слободни и без надворешни влијанија. Овие мерки се во надлежност на привремената влада и гарантирани со македонскиот устав, додаваат од ММДЧП.

dobivaj vesti na viber

 

„На коалицијата којашто има поддршка од Западот не смее да ѝ се дозволи да владее врз основа на анти-уставна и анти-македонска платформа. Нелегалното именување на претседател на собранието не смее да биде прифатено бидејќи е спротивно на сите парламентарни правила, вклучувајќи го и недоволниот број гласови и сето тоа одлуката ја прави неуставна. Не смее да се дозволи денационализацијата на Македонија, којашто претставува закана за промена на името, идентитетот, знамето, химната и грбот, сè во име на барањата на Тиранската платформа, којашто беше изработена во Албанија, под патронат на албанскиот премиер. САД и ЕУ бесрамно се мешаат во внатрешните работи на Македонија. На странски влади не смее да им се дозволи да владеат во друга држава“, порачуваат од организацијата.

 

„Уште откако Македонија стекна независност, ММДЧП им забележуваше на двете најголеми политички партии што му дозволуваа на Западот да ја диктира внатрешната политика, но му забележуваше и на Западот да ја контролираат Македонија заради свои интереси. ММДЧП отфрла секаква квалификација дека станува збор за избор на ‘левица или десница’, односно ‘СДСМ или ВМРО’. Овде станува збор за македонски национални и човекови права. Од нашите извештаи за спорот со името произлегува дека ние сме против ВМРО, а последните наши извештаи звучат дека сме против СДСМ. Не е точно, ниту едното, ниту другото. Ние сме против  која било партија која не дејствува на начин кој е во најдобар интерес на Македонија и на македонскиот народ“, велат од ММДЧП.

 

„ММДЧП повторно бара од привремената влада во Македонија да го протера американскиот амбасадор Бејли и секој друг што се меша во внатрешните работи на Македонија. Го повторуваме и нашиот апел до Македонија да престанат да бараат ‘дозвола’ од САД и Европската Унија за секоја политичка одлука, затоа што токму тие држави и институции го поткопуваат суверенитетот и опстојувањето на независноста на државата. Го повторуваме и нашето барање за нелегално избраниот претседател на собранието, Талат Џафери, и за сите други кои беа амнестирани од гонење за воени злосторства, веднаш да се покрене постапка и да одговараат за злосторствата што ги направиле. ММДЧП го повторува барањето до администрацијата на Трамп веднаш да ја примени политиката која самите тие ја пропагираа – да се стави крај на странскиот интервенционизам – што би значело и ставање крај на мешањето во Македонија и на кризата која беше создадена од Стејт департментот и од американската амбасада во Македонија“, додаваат од организацијата.

 

„ММДЧП бара од Западот и од западните медиуми коректно да известуваат за кризата во Македонија и, наместо да го оспоруваат легитимитетот на Македонија и македонскиот народ, да ги бранат и да ги поддржат нашите права како Македонија и како Македонци. Независно дали се работи за мрзливост, за наивност или за неинформираност, извештаите на западните медиуми ги третираа едните протести како про-западни, одбивајќи објективно да известат за кризата за Македонија и за непартиските масовни протести. Здравиот разум вели дека секој етникум би се бранел од напади коишто го загрозуваат неговото постоење. Во конкретниов случај, Македонците се тие што се бранат себеси од нападите на нашите „традиционални“ угнетувачи и, за жал, од САД и Западна Европа. Здравиот разум и одговорни новинари би ги принудиле западните медиуми да информираат за вистината за македонската криза“, заклучуваат од ММДЧП, додавајќи дека „привремената влада на Македонија има моќ да стави крај на оваа криза и ММДЧП ја повикува да реагира веднаш и без колебање“./крај/мф

 

Daily news

Прва правна конференција Tres Partes

Објавено пред

На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.

dobivaj vesti na viber

Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.

Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.

Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.

Предвиден е и интерактивен дел со публиката преку поставување прашања и коментари од учесниците.

 

Прикажи повеќе...

Daily news

Груевски оди во затвор – Апелација му ја потврди казната

Објавено пред

Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.

dobivaj vesti na viber

Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.

За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.

Прикажи повеќе...

Daily news

Бизнисменот Минчо Јорданов треба да сведочи дали бил уценет со пари во шпионската афера

Објавено пред

Spion

Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.

dobivaj vesti na viber

Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.

„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.

Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.

Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.

Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.

Прикажи повеќе...

Најново

Топ9 часа

Со нож убил малолетник: притвор за 15-годишникот од Прилеп бара обвинителството

Основното јавно обвинителство Прилеп поднесе барање за поведување подготвителна постапка со предлог за определување мерка притвор за 15-годишник од прилепското...

Свет9 часа

(Видео) Апсења по погребот на Навални, присутните со извици: „Путин е убиец“

Голем број Руси го скандираа името на Алексеј Навални додека лидерот на опозицијата беше погребан денеска во Москва и им...

Македонија11 часа

Палевски ќе биде екстрадиран од Турција по завршувањето на административните процедури, вели Аврамовска-Мадиќ

Заменик министерката за правда, Викторија Аврамовска Мадиќ, очекува Љупчо Палевски од Турција да биде екстрадиран веднаш по завршување на административните...

Македонија12 часа

Зибери јавно им одржа лекција на извршителите и на судиите: Член 93 од Законот за извршувањето е правниот основ за бришење на долговите

Народниот правобранител Насер Зибери јавно им одржа лекција на извршителите и судиите, кои седум месеци одбиваат да ги применуваат измените...

Македонија14 часа

Пендаровски: Ако бев избран во парламентот во 2019, ќе бев сменет истото попладне кога ѝ се спротивставив на власта за „Рекет“

На денешната прес-конференција претседателот Стево Пендаровски рече дека не може да знае дали некои од неговите поддржувачи ќе го дадат...

Топ17 часа

Расчистено убиството на 14-годишното момче во Прилеп, приведени двајца

Денеска, во 4 часот, во село Сенокос, општина Долнени, полициски службеници од ОВР Прилеп ги лишиле од слобода малолетник и...

Топ17 часа

14-годишно момче убиено среде Прилеп

14-годишно момче, вчеравечер, околу 19.30 часот, е пронајдено без знаци на живот со повеќе убодни рани и надворешни крвавења во...

Македонија17 часа

ДИК со нов пресек: Ванковска собра 9.722, Јакимовски 9.265 потписи, за Томе Николоски сè уште никој не се потпишал

Професорката Билјана Ванковска, која е предложена од политичката партија Левица, заклучно со вчерашниот ден има собрано 9.722 од потребните 10.000...

Економија18 часа

Нема повеќе гарантирани цени во маркетите, секое нелогично зголемување ќе биде санкционирано

Од денеска нема повеќе гарантирани цени на производите во маркетите. Како што порача претходно вицепремиерот за економски прашања, Фатмир Битиќи,...

Македонија18 часа

МНР го осуди нападот во Газа: Ваквиот чин претставува сериозно кршење на меѓународното право

Министерството за надворешни работи најостро го осудува нападот во Газа, кој однесе животи на голем број невини луѓе додека чекаа...

Македонија18 часа

МВР воведе нова секција на веб-страницата за побрзо закажување термин за лични документи

Министерството за внатрешни работи информира дека од вчера е воведена уште една нова секција на веб-страницата https://termin.mvr.gov.mk/, која има цел да...

Свет19 часа

(Видео) Пожар зафати зграда во Бангладеш, загинаа најмалку 43 лица

Најмалку 43 лица загинаа, а десетици се повредени во пожар што вчера уништи седумкатница во Дака, главниот град на Бангладеш,...

Свет19 часа

(Видео) Не стивнуваат реакциите за масакрот во Газа; сведок: Камиони со храна газеа луѓе

Според последните информации од Газа, најмалку 112 Палестинци се убиени, а 760 се повредени додека очајнички се обидувале да ја...

Македонија2 дена

(Видео) Бунарите пресушуваат, изворите се повлекуваат; наместо над 400, УХМР има 40 станици за следење на подземните води

Секнати кладенци, пресушени бунари, повлечени изворишта на вода и суви поила за стока станаа главна мака во речиси сите региони...

Европа2 дена

(Видео) Путин: НАТО подготвува напад врз Русија, но мора да разберат дека и ние имаме оружје што може да ги порази на нивна територија

Владимир Путин го почна своето годишно обраќање за состојбата на нацијата пред Федералното собрание на Русија. Кремљ не ги објави...

Македонија2 дена

Демири: Ќе најдеме решение да му се помогне не само на Лео, туку и на секој друг пациент што има потреба

Владата и Министерството се комплетно посветени и ќе се изнајде решение со кое ќе му се помогне на Леонид Индов,...

Македонија2 дена

Во дел од општините ГУП-от не е сменет над 20 години, има голем број дивоградби и неефикасен инспекциски надзор, објави Центарот за граѓански комуникации

Центарот за граѓански комуникации го објави истражувањето на тема „Застарени ГУП-ови, често менување ДУП-ови и голем број дивоградби“ и ова,...

Македонија2 дена

Ванковска на чекор до претседателска кандидатура, собра 9.085 потписи

Професорката Билјана Ванковска која е предложена од политичката партија Левица, заклучно со вчерашниот ден има собрано 9.085 од потребните 10.000...

Македонија2 дена

Пендаровски: ВМРО-ДПМНЕ продолжува да се служи со уличен жаргон и излитени фрази

ВМРО-ДПМНЕ во недостиг на суштински идеи и понуда за граѓаните, продолжува да се служи со уличен жаргон и излитени фрази,...

Топ2 дена

(Видео) Полицајци истепале лице вработено како обезбедување во казино во Куманово

Одделот за внатрешна контрола, криминалистички истраги и професионални стандарди при МВР поднесе кривична пријава против Д.П., полициски службеник во Полициската...