Daily news
Што прават 2 банани дневно за вашиот организам?
![](https://makfax.com.mk/wp-content/uploads/2017/08/12-1.jpg)
Бананите се користат како природен лек за многу заболувања
Една студија открила дека две банани можат да го снабдат организмот со доволно енергија за дури 90 минутно напорно вежбање. Тоа е причината зошто бананите се омилено овошје на бројни спортисти.
Покрај тоа, во однос на јаболката, бананата содржи:
-трипати повеќе фосфор
-двојно повеќе јаглехидрати
-двапати повеќе од останатите витамини и минерали.
Ова се некои од предностите:
Чир
Бананите се користат како природен лек за цревни проблеми, главно поради мазноста и мекиот состав. Има способност да ја обложи слузокожата на желудникот а со самото тоа ја намалува иритацијата и киселоста.
Анемија
Благодарение на високата содржина на железо, редовното консумирање на банани може да ви помогне да се изборите против анемија. Железото стимулира производство на црвени крвни зрнца и со тоа го зголемува нивото на хемоглобинот во крвта.
ПМС
Бананите се богат извор на витамин Б6 кој има способност да го регулира нивото на шеќер во крвта и да го подобри расположението.
Крвен притисок
Бананата е богата со калиум што ја прави совршена за здрав крвен притисок. Потврдено е дека бананите имаат способност да го намалуваат крвниот притисок и да заштитуваат од мозочен удар.
Терморегулација
Поради својот природен ефект на ладење, во Тајланд и многу други култури ширум светот, бананите се користат за снижување на температурата на идните мајки.
Зголемени киселини во желудникот и ждригавица
Бананите содржат антацид кој помага при ждригавица. Доволна е само една банана за да ги смири симптомите.
Депресија
Бананите се богати со триптофан кој се претвора во серотонин, невротрансмитер кој помага да се опуштите, да го зголемите расположението и да ја надминете депресијата. Според студијата, многумина од луѓето кои патат од депресија доживуваат значителен напредок после консумирање на бананите.
Опстипација
Бананите стимулираат редовно празнење на цревата и ослободуваат од опстипацијата, поради високото ниво на диетални влакна кои ги содржат.
Утринска мачнина
Спречете ја утринската мачнина јадејќи ја бананата како ужина, бидејќи ова овошје го одржува нивото на шеќерот во нормални граници.
Мамурлак
Бананите можат да бидат од голема помош во случај на мамурлак, особено ако се помеша со мед и млеко. Пригответе милшејк со мед, млеко и банана. Медот ќе го зголеми нивото на шеќер во крвта, млекото ќе го рехидрира и освежи телото а бананите ќе ја ублажат болката во стомакот. Мамурлакот брзо ќе исчезне.
Убод од комарец
Бананите и во овој случај се корисни. Врз убодот протријте со внатрешноста од кората на банана, па брзо ќе се намали отокот и иритацијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Daily news
Награда за „Бизнисот на задоволството“ на фестивалот во САД, кој ги откри Спилберг и Џорџ Лукас
![](https://makfax.com.mk/wp-content/uploads/2024/05/thumbnail_The_Business_of_Pleasure_2.jpg)
Долгометражниот филм „Бизнисот на задоволството“ на Гоце Цветaновски е добитник на наградата „Сребрено реми“ на „Хјустон интернешнал филм фестивал“ (WorldFest-Houston International Film Festival) во САД.
Овој значаен фестивал, кој постои цели 57 години е еден од најстарите во Америка и најстар во светот за независни филмови. Се гордее со тоа што во својата историја им ги доделил првите награди на легендарни режисери како што се Стивен Спилберг, Џорџ Лукас, Анг Ли, браќата Коен, Ридли Скот, Брајан де Палма, Оливер Стоун, Роберт Родригез, Спајк Ли, Дејвид Линч и уште многу други.
„Ова е голем успех. Да бидеш награден во конкуренција од над 4.000 филмови од 70 држави, е признание кое ја потврдува естетската вредност на филмот. Дефинитивно влеговме во убаво друштво, со оглед на тоа кој се’ е добитник на „Реми награда“ во историјата на фестивалот. И’ честитам на целата екипа којашто допринесе за меѓународниот успех на филмот и едвај чекам сите да се собереме повторно и во септември да го претставиме филмот пред македонската публика.“, рече режисерот Гоце Цветановски.
Наградата е деветта по ред на филмските фестивали во светот, а трета во САД, откако претходно „Бизнисот на задоволството“ го доби признанието за најдобар филм на „Риверсајд филм фестивал“ во Калифорнија и за највпечатлив филм во Седона, Аризона.
Улогите ги толкуваат Муса Исуфи, Слаѓана Вујошевиќ, Исмаил Касуми, Дамјан Цветановски, Осман Ахмети, Елени Декидис, Мендим Муртези, Егзона Салиху, Авни Далипи и Катерина Коцевска, а Цветановски го потпишува и сценариото. Продуценти на филмот се Дритон Рамадани, Богдан Јончевски и Гоце Цветановски.
Снимен е со поддршка на Агенцијата за филм.
Daily news
Прва правна конференција Tres Partes
![](https://makfax.com.mk/wp-content/uploads/2018/03/1-1-3.jpg)
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
![](https://makfax.com.mk/wp-content/uploads/2018/08/gruevski-sud.jpg)
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.