Daily news
(Видео) Лажна порака за ракетен напад предизвика хаос на Хаваите

Голем број граѓани на Хаваи добиле текстуална порака во која се предупредувало на закана од напад со балистички проектил. Во меѓувреме, официјалните лица потврдија дека заканата е лажна.
Во пораката, граѓаните се предупредувале на закана од балистички проектил и се повикувале итно да побараат засолниште.
Ваквата порака предизвика општа паника меѓу населението на Хаваи, а некои велат дека објавата дека станува збор за лажна тревога следувала дури по 38 минути откако пораката дошла до граѓаните.
Students at University of Hawaii at Manoa panicking after missile threat was issued #hawaii pic.twitter.com/NfDkt1L5TQ
— Joe Walker (@_JoeWalker) January 13, 2018
Како што пренесуваат светските медиуми, во тој период жителите на Хаваи барале засолниште секаде каде што можат – во канализација, кади и подруми…
Жител на Сан Диего објавил гласовна порака што ја добил од неговата мајка:
„Само што добивме предупредување дека ракетата доаѓа накај нас… Велат дека не станува збор за вежба и дека треба да најдеме засолниште. Не можеме да направиме многу и ако ова е вистина јас само сакав да ти кажам дека те сакам“.
Here’s the (remarkably calm in hindsight) voicemail I woke up to from my mom in Hawaii and the texts my brother received. When the message started I braced for bad news about a family member but then went numb with shock and started frantically googling as I called her back pic.twitter.com/uv2tAOld5B
— ✖ᴥ✖ (@emspeak) January 13, 2018
Покрај тоа, еден човек објави видео од терен за голф велејќи дека само што завршил со последната дупка: „Ве сакам сите, но сакам и голф… Тоа ќе биде последното нешто што ќе го сторам“.
Видео клипот на Твитер го објави ќерката на човекот со коментар „Мојот татко ќе живее и ќе умре играјќи голф“.
My father will live and die golfing. #missile #hawaii pic.twitter.com/BT4cPvwt1O
— Alohi Gardner (@GardnerAlohi) January 13, 2018
Се уште не е точно познато што ја предизвикало оваа грешка, а Гувернерот на Хаваи, Дејвид Ајг, за „Си-ен-ен“ изјави дека најверојатно некој вработен во безбедносните служби „притиснал погрешното копче при промена на смените“.
Предупредувањето не било испратено само преку мобилни телефони, туку и преку локалните радио и телевизиски канали.
Во декември минатата година, Хаваи тестираше сирени за предупредување од нуклеарен напад за првпат по крајот на Студената војна.
Тестирањето следеше по растечките закани од ракетната и нуклеарна програма на Северна Кореја.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Daily news
Бислимовски – Лорковски: Реформите во енергетиката мора да продолжат

Претседателот Марко Бислимовски, заедно со членовите и раководителите на секторите на Регулаторната комисија за енергетика, водни услуги и услуги за управување со комунален отпад (РКЕ) остварија средба со Артур Лорковски, директорот на Енергетската заедница.
Реформите во енергетиката мора да продолжат, континуитетот е клучен – фокусот да се задржи на активностите поврзани со интегрирање на пазарите за електрична енергија, нивна транспарентност и интегритет, како и неопходните реформи на пазарот со природен гас, што ќе обезбедат фер пристап за сите учесници, согласно новите европски мрежни правила – се сложија соговорниците.
Претседателот Бислимоски му се заблагодари на директорот Лорковски за позитивниот наратив за работата на РКЕ при презентацијата на Извештајот за имплементација на законодавството на Енергетската Заедница за 2024 година за државава во Собранието.
„Во очекување на новиот Закон за енергетика, РКЕ во соработка со Министерството за енергетика континуирано работи на подготовка за имплементација на новиот енергетски пакет. Интегрираниот пристап помеѓу сите чинители досега покажа дека е клучен за квалитетна и успешна регулатива, која ќе биде основа за развој на енергетските пазари . Капацитетите со кои располагаме, професионалниот тим кој се гради со години наназад и овој пат може да одговори на сите предизвици кои претстојат. “ изјава Марко Бислимоски, претседател на РКЕ
Лорковски посочи дека Енергетска Заедница ќе остане партнер во понатамошните процеси и дека стојат на располагање за поддршка во делот на креирање на подзаконските акти, откако ќе се донесе новиот закон за енергетика. Процесот на транспонирање на ЕУ правилата е клучно за да осигура работата на РКЕ за стратешките прашања поврзани со обезбедување на сигурна, стабилна и континуирана испорака на енергија.
Daily news
Измамници се претставувале како Бред Пит и навеле обожавателки да веруваат дека почнале романтична врска со него

Во Шпанија уапсени се пет лица кои изнудиле 325.000 евра од две жени претставувајќи се како познатиот американски актер Бред Пит, соопшти денеска МВР на таа земја на својата официјална веб-страница.
Во текот на истрагата се покажа дека криминалците контактирале со своите жртви преку веб-страница за обожаватели на американскиот актер, ја добиле нивната доверба и ги навеле да веруваат дека почнале романтична врска со Бред Пит.
Потоа со лажно претставување ги натерале жртвите да инвестираат во комерцијални проекти.
Daily news
Спаси жена што сакаше да скокне од мост, а со години бесплатно ги хранеше бездомниците: Џон Бон Џови ја враќа вербата во човештвото

Познатиот рокер Џон Бон Џови пред десетина дена беше тема на сите светски медиуми кога убеди непозната жена да не скокне од мост. Овој потег не е единствениот што ја докажува неговата емпатија и хуманост кон луѓето што не ги познава.
Џон Бон Џови, американскиот музичар и фронтмен на познатиот бенд „Бон Џови“, на пешачкиот мост го снимал спотот за песната The People’s House кога од другата страна на оградата забележал жена.
На снимките од надзорните камери што ги сподели локалната полиција може да се види како Џон со член на својата екипа ѝ приоѓа на потресена жена. Потоа се потпрел на оградата и почнал да разговара со неа повикувајќи ја да се врати на безбедно по што ѝ помогнал да се прекачи преку оградата.
Бон Џови потоа ја прегрна и тие стоеја така околу една минута пред заедно да одат по мостот.
Полицискиот оддел Метрополитен во Нешвил го сподели видеото на нивниот канал на „Јутјуб“ и рече дека пејачот ѝ помогнал на очајна жена.
Секоја чест за Џон Бон Џови и неговиот тим што ѝ помогнаа на една жена на пешачкиот мост „Сејгенталер“ во вторникот вечерта.
„Бон Џови успеа да ја убеди да се симне од платформата на мостот на реката Камберленд на безбедно“, објави полицијата на платформата X.
Обожавателите на рокерот не беа изненадени од неговиот потег. Имено, тој во 2011 година основал непрофитна организација, односно синџир ресторани, каде што немало ценовници, а плаќањето на сметката било опционално.