Daily news
(ГАЛЕРИЈА) „Секси”, „спектакуларнa”, „импресивна” – 64-годишната Биби Макрон на првите страници од Пекинг до Њујорк
„Секси”, „спектакуларна”, „импресивна” – вака изгледа Биби Макрон, која е обожавател на Луј Витон. Таа носи кратки фустани и високи потпетици, а исто така има тенка половина, што ѝ овозможува да носи тесни панталони. Секој нејзин чекор веќе е следен од Пекинг до Њујорк.
Вечно насмеаната 64-годишна Брижит Макрон, која блиските ја нарекуваат „Биби”, веќе ги презеде првите страници на весниците, фотографирани со сопругот по улиците на Париз, по капење на плажа или вечерта по победата, кога двајцата се држеа за рака, пишува АФП во посебен преглед.
Љубопитноста кон антиконформистичкиот стил на нејзиниот брак веќе ги храни сите страници со нејзината љубовна приказна и со вкусот кон облеката. Кога се сретнала со Емануел на почетокот на 90-тите години на минатиот век била мажена и имала три деца – тинејџери. Тогаш Биби имала 39 години, предвала француски јазик, водела театарски клуб во гимназијата.
„Покорена“ е од интелигенцијата на својот 15-годишен ученик. Следната година тој ги крши сите табуа и ѝ објавува љубов.
„Емануел ми рече:’Што и да правиме, ќе се оженам за тебе!’, се сеќава Брижит.
Во провинциското гратче Амиен љубовната афера е прифатена лошо. Брижит, сепак, не потклелкнува на барањето на родителите на Емануел, кои инсистираат таа да престане да се гледа со него. „Одлуката да него правам тоа беше донесена по голема дилема“, вели таа.
Во 2006 година Брижит се разведува од сопругот банкар и следната година се мажи за својот поранешен ученик, кој станал главен службеник. Таа оди кај него во Париз и предава на приватен лицеј. „Брижит не ме сакаше поради тоа што го имам, поради финансиската состојба, удобноста или безбедноста кои ѝ ги давам. Таа се откажа од сето тоа заради мене”, пишува Емануел во книгата „Револуција”. Безмилосно исмејувана и на моменти поради разликата во годините, 64-годишната Брижит, баба на седум внуци, трпеливо ги поднесува зајадливите коментари и го остава Емануел Макрон да ја брани осудувајќи ја „најобичната омраза”, во која таа е жртва.
Верен сојузник на својот сопруг во освојувањето на власта, Брижит Макрон размислува за улогата на прва дама на Франција далеку пред тоа да се случи.
„Како професорка добро ги познавам младите и знам дека најважно е да ги почитуваш. Мојата битка ќе биде во областа на образованието за да им понудам нешто различно од тоа да стојат казнети во аголот.Ако ги оставиме настрана, тоа ќе доведе до експлозија “, рече таа минатата година за списанието „Пари меч “.
Брижит е свесна за ризиците што ги носат погрешните чекори. „Да си мажена за политичар не е лесно. Многу ги почитувам нивните сопруги бидејќи тоа значи дека поднесуваме удари. Сепак, не ме мачи тоа што сум ‘жената на…’”, изјави таа за списанието. Крај/мф/кс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Награда за „Бизнисот на задоволството“ на фестивалот во САД, кој ги откри Спилберг и Џорџ Лукас
Долгометражниот филм „Бизнисот на задоволството“ на Гоце Цветaновски е добитник на наградата „Сребрено реми“ на „Хјустон интернешнал филм фестивал“ (WorldFest-Houston International Film Festival) во САД.
Овој значаен фестивал, кој постои цели 57 години е еден од најстарите во Америка и најстар во светот за независни филмови. Се гордее со тоа што во својата историја им ги доделил првите награди на легендарни режисери како што се Стивен Спилберг, Џорџ Лукас, Анг Ли, браќата Коен, Ридли Скот, Брајан де Палма, Оливер Стоун, Роберт Родригез, Спајк Ли, Дејвид Линч и уште многу други.
„Ова е голем успех. Да бидеш награден во конкуренција од над 4.000 филмови од 70 држави, е признание кое ја потврдува естетската вредност на филмот. Дефинитивно влеговме во убаво друштво, со оглед на тоа кој се’ е добитник на „Реми награда“ во историјата на фестивалот. И’ честитам на целата екипа којашто допринесе за меѓународниот успех на филмот и едвај чекам сите да се собереме повторно и во септември да го претставиме филмот пред македонската публика.“, рече режисерот Гоце Цветановски.
Наградата е деветта по ред на филмските фестивали во светот, а трета во САД, откако претходно „Бизнисот на задоволството“ го доби признанието за најдобар филм на „Риверсајд филм фестивал“ во Калифорнија и за највпечатлив филм во Седона, Аризона.
Улогите ги толкуваат Муса Исуфи, Слаѓана Вујошевиќ, Исмаил Касуми, Дамјан Цветановски, Осман Ахмети, Елени Декидис, Мендим Муртези, Егзона Салиху, Авни Далипи и Катерина Коцевска, а Цветановски го потпишува и сценариото. Продуценти на филмот се Дритон Рамадани, Богдан Јончевски и Гоце Цветановски.
Снимен е со поддршка на Агенцијата за филм.
Daily news
Прва правна конференција Tres Partes
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.