Daily news
Димитров: Прашањата за евроатланскиот пат на државата да се решаваат инклузивно
Чесно и транспарентно работење на реформите за приближување на земјата кон ЕУ, отворање на вратите со соседите и инвестирање во добрососедски односи и зголемување на бројот на пријатели меѓу земјите членки во Европската Унија се столбовите поставени како план за Македонија кон постигнување на целите влез во ЕУ и НАТО, рече министерот за надворешни работи, Никола Димитров, презентирајќи го извештајот за надворешна политика и меѓународна положба на државата. Димитров побара поддршка од сите пратеници со цел важните прашања за државата да се решаваат со консензуз.
„Побаравме поддршка од соседите кои веќе се членки на НАТО и ЕУ. Но, нашата цел е да настапиме пријателски и отворено наместо од позиција на комплекс и страв. Пред нас се отвора еден прозорец на предизвици. Ќе биде добро сите заедно да се заложиме и да ги отвориме тие пукнатини кои се подотворени и да поминеме низ нив. Затоа и апелирав кај нашиот сосед во Атина да размисли каков сосед сака да има. Затоа и ја побаравме нивната поддршка, а паралелно со тоа ќе ги градиме тие мерки на доверба“, рече Димитров.
Пратеникот Никола Попоски и поранешен министер за надворешни го праша Димитров на што го темели ставот дека Грција преку ноќ ќе го смени ставот и ќе се согласи Македонија да влезе во НАТО под референцата, без промена на името.
„Доколку Грција сакала, тоа ќе го направела и порано и зошто би ги сменила своите позиции со смена на власта. Во однос на средбата во Софија, не бевте доволно транспарентен и барам да дадете целосна информација за тоа што договорил премиерот Заев по неговата изјава дека договорот за добрососедски односи е испеглан во најголем дел и дека останува мал ‘детаљ’, кој требало да го договорат министрите за надворешни работи на кафе-муабет. Кој е тој мал детаљ? праша Попоски.
Министерот Димитров рече дека во односите со Грција веќе подолго време се праќале иритантни пораки, а во однос на бугарското прашање повтори дека кога договорот ќе биде подготвен ќе биде ставен на маса пред пратениците.
„Подолго време се праќаат иритантни пораки кон нашиот јужен сосед. Како што е на пример фотографијата со знамето од Куклеш, потоа имињата на одредени институции и долгото зборување за процес на антиквизација. Ние сакаме тие пречки да ги надминеме. Не сакаме да праќаме вакви пораки. Во однос на прашањето со Бугарија, можам да кажам дека има разлика помеѓу политичкиот и дипломатскиот израз. Она што е важно е дека деталите во однос на договорот нема да бидат сокриени, ќе бидат ставени на маса, ќе биде отворена дебата и тоа прашање ќе биде затворено со консенсензус“, рече Димитров.
Димитров додаде дека интенцијата на МНР ќе биде за амбасадори да бидат бирани луѓе од дипломатската кариера, не политички, при тоа споменуваќи го примерот со Александар Николовски. Пратеникот Илија Димовски, пак, рече дека парламентарната група на ВМРО-ДПМНЕ е подготвена да учествува инклузивно во процесот, но нема да прифати решенија кои се штетни по идентитетот и интегритетот на државата и нема да учествуваат само да ги покриваат нивните грешки.Тој побара да се свика посебна седница на која ќе се разгледаат во детали сите прашања кои се сензитивни, особено за договорот со Софија. г.д
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Прва правна конференција Tres Partes
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.
Daily news
Бизнисменот Минчо Јорданов треба да сведочи дали бил уценет со пари во шпионската афера
Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.
Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.
„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.
Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.
Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.
Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.