Daily news
Една година пиела лимон, мед и вода секое утро, еве го резултатот
Кристал Дејвис е млада жена која ја сподели својата неверојатна приказна со милиони лица ширум светот кои не веруваат во моќта на природните лекови.
Нејзината приказна започнува пред 1 година, кога се разболела од грип, а лековите од аптека не и помогнале.
„Лековите од аптека воопшто не ми помогнаа, а бев се послаба. Една жена ми препорача да пијам топла вода со мед и лимон секое утро. Се разбира, реагирав скептично, но решив да ја послушам затоа што не гледав попаметно решение. Грипот помина, но пијалакот ми премина во навика.
Започнав да го пијам секој ден и таа традиција веќе трае 1 година. За тоа време организмот ми се трансформираше на неверојатен и неочекуван начин. Еве што сè се промени:
За 1 година ниту еднаш не настинав. Не ме мачат ниту болките во желудникот.
Морам да напоменам дека никогаш не верував во моќта на народната медицина. Бев роб на аптеките. Кога и да ме заболеше стомак – пиев таблети. Хроничен замор – пиев мултивитамини. Знам дека ме разбирате за што зборувам.
За 1 година не кивнав ниту еднаш. Моите главоболки се минато. Сега си носам мед и лимон каде и да тргнам. Го пијам овој пијалак дури и во хотели, на летување и зимување.
Веќе не пијам утринско кафе, а многу лесно се будам.
Мојот лимоно-меден коктел ме ослободи од зависноста од кафе. Сега имам многу повеќе енергија во текот на денот. Одлично спијам и се будам насмеана.
Порано за да се разбудам ми требаше по цел час. Сега не сум нервозна, заборавив кога последен пат чувствував напнатост.
Го убедив целото семејство да го следи мојот пример. Така, изминатава година сите сме ослободени од настинки и грип.
Не знам како делува овој магичен пијалак, но навистина делува. Премногу сум и благодарна на жената која ми го даде советот.
Мојот рецепт:
Обично за 1 чаша пијалак цедам половина лимон и додавам лажица мед. Мешавината ја преливам со зовриена вода. Го пијам пијалакот секое утро откако ќе се разбудам.
Како функционира?
Ги пребарав медицинските сајтови за да откријам за што се работи. И сфатив неколку важни работи.
Овој пијалак ве штити од инфекции на уринарниот тракт. Лимонот и медот ја стимулираат работата на системот за варење, а и го хидрираат дебелото црево. Како резултат добивате одличен лек против запек и циститис.
Медот содржи моќни антибактериски својства, а со самото тоа ве штити од секаков вид инфекции. Исто така, го тера желудникот да произведува повеќе сокови кои овозможуваат организмот поефикасно да ги елиминира токсините. Заради тоа многу полесно може да ја контролирате тежината.
Лимонот има многу позитивни својства кога се работи за здравјето на кожата. Исто така, ја прочистува крвта. Ако организмот го храните со лимон, многу побрзо произведува нови клетки.
Водата пак, го стимулира производството на колаген, што е неопходно за вашата кожа.
Во главно, топло го препорачувам пијалакот. Освен тоа, вкусен е. Едноставно, пробајте.“
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Прва правна конференција Tres Partes
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.
Daily news
Бизнисменот Минчо Јорданов треба да сведочи дали бил уценет со пари во шпионската афера
Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.
Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.
„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.
Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.
Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.
Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.