Daily news
(ВИДЕО) Илија Димовски: Одлуката за 10 пратенички групи е последица на однесувањето на парламентарното мнозинство
![](https://makfax.com.mk/wp-content/uploads/2017/07/ilija-dimovski-mf.jpg)
Сакам да потенцирам дека одлуката ВМРО-ДПМНЕ да има 10 пратенички групи е последица на однесувањето на парламентарното мнозинство, Владата, Талат Џафери. Нивната неконструктивност е главната причина што придонесе да се организираме на овој начин, рече Илија Димовски, координатор на првата пратеничка група на ВМРО-ДПМНЕ, по вчерашната одлука за формирање 10 пратенички групи.
„Прво Владата е пред склучување договор со Бугарија, а сме игнорирани, иако и премиерот Зоран Заев и министерот Никола Димитров бараа инклузивност. Владата изготви некаков план 3-6-9 за забрзување кон ЕУ, без никакви консулации од опозицијата. Трето добивме информација од медиумите дека Владата е пред изготвување на ребаланс и било пракса министерот за финансии да не е во редовна комуникација со претседателот на Комисијата за буџет и финасирање. Сето тоа не се случи. Токму овој негативен однос нè натера да формираме 10 пратенички групи. Дадовме простор од 40 дена да се свестат, но ништо. Сакаме да упатиме добронамерна порака кон владејачкото мнозинство затоа што најавите и говорите за инклузивност засега се само обланда, убаво спакувани зборови беа никакви дела“, рече Димовски.
На новинарско прашање дали оваа поделба на групи, остава простор за расцепкување на партијата, Димовски рече: „Не постои такво нешто, тоа е само пуста надеж на некои центри. Сите пратенички групи си имаат имиња со бројки и сите се единствени “, додава тој.
Што се однесува до признавањето на Талат Џафери, Димовски рече некој тоа погрешно го протолкувал и дека ВМРО-ДПМНЕ и коалицијата декларативно не го признаваат неговиот избор.
„Не го признавме Џафери. Ние се обраќаме до институција, не до личност. Ниту кога пишуваме иницијативи или преписи до него со неговото име, ниту, пак, го адресираме до него туку до институцијата претседател на Собранието. Ова а Собрание, не на Талат или на кој било друг политичар – тоа е на граѓаните. Нашата одговорност не е кон Џафери, туку кон граѓаните“, додаде Димовски.
Габриела Д. Мишевска
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Daily news
Награда за „Бизнисот на задоволството“ на фестивалот во САД, кој ги откри Спилберг и Џорџ Лукас
![](https://makfax.com.mk/wp-content/uploads/2024/05/thumbnail_The_Business_of_Pleasure_2.jpg)
Долгометражниот филм „Бизнисот на задоволството“ на Гоце Цветaновски е добитник на наградата „Сребрено реми“ на „Хјустон интернешнал филм фестивал“ (WorldFest-Houston International Film Festival) во САД.
Овој значаен фестивал, кој постои цели 57 години е еден од најстарите во Америка и најстар во светот за независни филмови. Се гордее со тоа што во својата историја им ги доделил првите награди на легендарни режисери како што се Стивен Спилберг, Џорџ Лукас, Анг Ли, браќата Коен, Ридли Скот, Брајан де Палма, Оливер Стоун, Роберт Родригез, Спајк Ли, Дејвид Линч и уште многу други.
„Ова е голем успех. Да бидеш награден во конкуренција од над 4.000 филмови од 70 држави, е признание кое ја потврдува естетската вредност на филмот. Дефинитивно влеговме во убаво друштво, со оглед на тоа кој се’ е добитник на „Реми награда“ во историјата на фестивалот. И’ честитам на целата екипа којашто допринесе за меѓународниот успех на филмот и едвај чекам сите да се собереме повторно и во септември да го претставиме филмот пред македонската публика.“, рече режисерот Гоце Цветановски.
Наградата е деветта по ред на филмските фестивали во светот, а трета во САД, откако претходно „Бизнисот на задоволството“ го доби признанието за најдобар филм на „Риверсајд филм фестивал“ во Калифорнија и за највпечатлив филм во Седона, Аризона.
Улогите ги толкуваат Муса Исуфи, Слаѓана Вујошевиќ, Исмаил Касуми, Дамјан Цветановски, Осман Ахмети, Елени Декидис, Мендим Муртези, Егзона Салиху, Авни Далипи и Катерина Коцевска, а Цветановски го потпишува и сценариото. Продуценти на филмот се Дритон Рамадани, Богдан Јончевски и Гоце Цветановски.
Снимен е со поддршка на Агенцијата за филм.
Daily news
Прва правна конференција Tres Partes
![](https://makfax.com.mk/wp-content/uploads/2018/03/1-1-3.jpg)
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
![](https://makfax.com.mk/wp-content/uploads/2018/08/gruevski-sud.jpg)
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.