Daily news
Не користете посредници во вашиот љубовен живот
Критичарите немаат милост за Лични асистенти за љубовни состаноци (Personal Dating Assistants), новата онлајн платежна услуга која им овозмжува на мажите да користат посредници, мажи-свеќи кои светат додека заведувате некоја дама, локални потенцијални кандидатки и тајни пишувачи на пораки. ЏиКју ги нарекува „морничави“. СиНет вели дека корисниците на крајот ќе треба да признаат дека се голема лажга. А Џезибел, момците кои ја искористуваат л`жгата ги нарекува „машко ѓубре“.
За несреќа, личните асистент за љубовни состаноци се знак за нештата кои допрва ќе се појават. Благодарение на технологиите, ќе бидеме сведоци на повеќе шанси да се деградираме себеси и другите преку активности со користење посредници кои се основата на нашата човечност.
Посредништвото не е во основа проблематично. По се, се работи за распоредување на задачите. Се додека луѓето ја делат работата и користат алатки, ние користиме посредници. Корпорациите одамна го прават тоа. Размислете колку многу луѓе кои работат за вас се од странство.
Но, во последниве години има промена во однесувањето. Некои луѓе тврдат дека можеме подобро да живееме ако користиме посредници во многу аспекти од нашите животи.
Да речеме дека сакате да готвите, но дека подготовките тешко ви паѓаат. Само следете ги препораките на „животниот хакер“ и користете посредници за непријатните делови од задачата – нека некој друг ви одбере што да зготвите и автоматизирајте ги вашите набавки на продукти преку онлајн службите, како што с Претплатете се и заштедете на Амазон.
Економскиот принцип на компаративната предност прави посредувањето да изгледа како рационален пристап за поставување на приоритети. Кога и да треба да се потроши време на задачи кои вие не ги цените, или ги сметате за фрустрирачки, се генерираат трошоци на можностите. Ова значи дека ги двоите вниманието и средствата од активностите кои ги сметате за важни и уживате да ги правите.
Посредувањето во следните години ќе стане уште полесно. Веќе можеме да одиме онлајн и да нарачаме писмо-благодарница напишанио од робот. Или ако повеќе ви се допаѓа човечкиот момент, можеме да го купиме ефтино во fivver.com. Можеме да симнеме апликација која автоматски им испраќа текстуални пораки на луѓето со кои се забавуваме. Во иднина, Гугл може да исфрли софтвер кој препорачува како да одговориме на постовите на социјалните медиуми.
Ќе постои технологија која ќе ги антиципира нашите потреби и ќе препорачува што да сториме за да ги освариме нашите цели. Најверојатно ќе имаме алгоритими кои ќе нудат совети откако ќе ги истражат и ќе ги анализираат трагите од податоци за други луѓе, меѓу кои и на нашите романтични или деловни партнери. Можеби и ќе можеме да избегнеме самосаботирачко однесување заобиколувајќи ја нашата воља преку користење посредници. Вече денес можеме да избегнеме да пратиме пораки ако сме во ситуација на „зовриен мозок“. Утре ќе постои апликација која ќе им помогне на зависниците кои се лекуваат да избегнуваат повторно да паднат во искушение.
Што повеќе тешка и нервозна работа посредништвото може да оттргне од нашите животи, ќе биде уште поголем предизвикот да го искористиме тоа. Но сепак, токму тука треба да бидеме истрајни.
Оние кои го бранат посредништвото велат дека етиката „направи сам“ има преголемо културно значење и е погрешно „прифатена како доказ за штедливост па дури и морална доблест“. Тие им ја припишуваат ова грешка на луѓето на кои им е тешко да направат исправна проценка за нивното време. Сепак, одредувањето вредност за времето е покомплицирано отколку што бранителите на посредувањето не тераат да мислиме дека е така.
Прво, посредувањето може да влијае на одговорноста. Календарот (распоредот на задачи) не е само алатка за натрупаното помнење на обврските. Таа може да биде многу корисна во организрањето на нашиот пребукиран живот, и да овозможи да ги исполниме обврските. Но распоредувањето може да биде негативно. Ако мислите на вашиот љубовник затоа што вашот телефон ве тера на тоа, можеби сепак не сте зрел за вашиот љубовник. Второ, посредувањето може да влијае на квалитетот. Се разбира, асистентите за љубовни состаноци можат да направат да изгледате покул отколку што сте. Но, манипулативно е и самото нивно користење. Овие наводни помошници всушност ја замаглуваат комуниакцијата. Тие сведуваат се на инструментална цел – идеализирано и лажно прикажување на тоа кој сте.
На крајот, посредувањето е стапица затоа може да биде тешко да се знае кога квалитетот и одговорноста ќе исчезнат. Тука имаме слеп агол. Лесно е да се гледаат активностите полни со неефикасност, судири и тешка работа како здодевни и бесмислени, наместо како момент да се покаже грижа и да се развие карактер со кои можеме да бидеме горди.
На пример, ако други луѓе или машини пишуваат пораки-благодарници, тоа е исто како да верувате дека убавиот гест е сето она што е важно. Но кога лично ќе го направиме тоа – без разлика дали е тоа рачно напишана порака или дигитално компонирана песна – самиот обид уверува за вашето концентрирано внимание и грижа. Одвојувањето време да составите порака-благодарница не е само секојдневна ситна обврска, туку е израз на длабочината на нашите чувства кон друго лице. Роботите кои пишуваат за благодарноста всушност не мислат на великодушноста или пак се однесуваат великодушно. Тие сигурно не ја ценат изреката „времето е скапоцено“.
За да ги прифатиме вредностите и да развиеме доблести кои му даваат смисол на човековиот живот, не треба да ја издвојуваме свесноста, независното мислење, самоконтролата и куп други важни способности. Сепак, да се биде човек е да се користат посредништва. Но не треба да претеруваме до степен да ја збришеме нашата човечност.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Прва правна конференција Tres Partes
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.
Daily news
Бизнисменот Минчо Јорданов треба да сведочи дали бил уценет со пари во шпионската афера
Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.
Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.
„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.
Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.
Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.
Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.