Daily news
Николовски: Ќе ги зголемиме субвенциите за оризот
Министерот за земјоделство, Љупчо Николовски денеска од Кочани најави зголемување на субвенциите од 18 илјади денари по хектар засеана површина со ориз, односно дополнителни 18 илјади денари на постоечките субвенции по хектар.
„Со ваквото значително зголемување на субвенциите сакаме да ги мотивираме оризопроизводителите, но и покажуваме колку ни е важна оваа култура за овој регион и за Македонија. Освен зголемувањето на субвенциите, во наредниот период ќе работиме на обезбедување непречен пласман на оризот, но и изнаоѓање на нови пазари – рече Николовски.
Министерот информира дека досега за мерката засеана површина со ориз се исплатени 80 милиони денари субвенции, и дополнителни 15 милиони денари за произведена и предадена арпа.
Зборуваше и за мерките кои се преземаат во насока на развој на производството на ориз, при што нагласи дека во рамки на соработката на земјите од Централна и Источна Европа со Народна Република Кина формирана е асоцијација за промоција на земјоделството со седиште во Софија, во која членува и Република Македонија.
Токму преку асоцијацијата, рече тој, во наредниот период се планираат неколку проекти меѓу кои за нас е многу значаен проектот за поставување демонстративно поле за одгледување нови хибридни сорти ориз со потекло од Кина, кои се карактеризираа со висок квалитет и значително поголеми приноси.
Според него, подобрувањето на сортниот однос на оризот како важна житна култура за Република Македонија согласно барањата на пазарот е неопхподно, доколку сакаме да го зголемиме пласманот и неговата конкурентска способност. За таа цел, додаде Николовски, ќе отпочне со работката помеѓу Националниот истражувачки центар за хибриден ориз од Кина од каде ќе биде пренесена оваа напредна технологија за производство, заедно со земјоделскиот факултет од Пловдив, Републикиа Бугарија и Институтот за ориз од Кочани, во чии рамки се планира реализацијата на овој прокет.
Николовски истакна дека во втората половина на октомври преставници од Кина и Бугарија ќе престојуваат во посета на Кочани и на Институтот за ориз, за да ја согледаат состојбата и да ги утврдат понатамошните активности.
Наш приоритет е, истакна Николовски, да создадеме производство со висока додадена вредност кој ќе биде конкурентен на странските пазари.
„Тоа можеме да го постигнеме во производството на ориз и да го направиме кочанскиот ориз со препознатлив квалитет ширум светот. За постигнување на оваа цел од значење е подршката на научните проекти за примена на напредните технологии – рече Николовски, кој присуствуваше на зажнејување на оризот во Кочани во рамки на манифестацијата „Денови на кочанскиот ориз“.
Според него, оваа манифестација е добар начин да се потсети на добриот квалитет на кочанскиот ориз и да се даде подршка на неговиот пласман во и надвор од границиуте на джавата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Награда за „Бизнисот на задоволството“ на фестивалот во САД, кој ги откри Спилберг и Џорџ Лукас
Долгометражниот филм „Бизнисот на задоволството“ на Гоце Цветaновски е добитник на наградата „Сребрено реми“ на „Хјустон интернешнал филм фестивал“ (WorldFest-Houston International Film Festival) во САД.
Овој значаен фестивал, кој постои цели 57 години е еден од најстарите во Америка и најстар во светот за независни филмови. Се гордее со тоа што во својата историја им ги доделил првите награди на легендарни режисери како што се Стивен Спилберг, Џорџ Лукас, Анг Ли, браќата Коен, Ридли Скот, Брајан де Палма, Оливер Стоун, Роберт Родригез, Спајк Ли, Дејвид Линч и уште многу други.
„Ова е голем успех. Да бидеш награден во конкуренција од над 4.000 филмови од 70 држави, е признание кое ја потврдува естетската вредност на филмот. Дефинитивно влеговме во убаво друштво, со оглед на тоа кој се’ е добитник на „Реми награда“ во историјата на фестивалот. И’ честитам на целата екипа којашто допринесе за меѓународниот успех на филмот и едвај чекам сите да се собереме повторно и во септември да го претставиме филмот пред македонската публика.“, рече режисерот Гоце Цветановски.
Наградата е деветта по ред на филмските фестивали во светот, а трета во САД, откако претходно „Бизнисот на задоволството“ го доби признанието за најдобар филм на „Риверсајд филм фестивал“ во Калифорнија и за највпечатлив филм во Седона, Аризона.
Улогите ги толкуваат Муса Исуфи, Слаѓана Вујошевиќ, Исмаил Касуми, Дамјан Цветановски, Осман Ахмети, Елени Декидис, Мендим Муртези, Егзона Салиху, Авни Далипи и Катерина Коцевска, а Цветановски го потпишува и сценариото. Продуценти на филмот се Дритон Рамадани, Богдан Јончевски и Гоце Цветановски.
Снимен е со поддршка на Агенцијата за филм.
Daily news
Прва правна конференција Tres Partes
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.