Daily news
Откријте го најдобриот „издувен вентил“ на вашиот знак
Овен – Физичка активност
Енергијата на Овенот може да гори сјајно и жешко. Кога проблемите ќе се натрупаат, овој оган може да излезе надвор од контрола. Решението за овој проблем е еднакво пропорционално на проблемот – кога нештата ќе се вжештат, подигнете ја температурата на телото за да одговара на онаа која ја носите духовно во себе.
Физичката активност која вклучува поголем напор и повеќе потење ги одржува Овните во одлична форма, а енергијата на високо ниво.
Бик – Здрава исхрана
Кога стресот ќе ги вкопа своите канџи во Бикот, тој махинално се врти кон брзата храна и своите пороци. Најдобар начин да се анулира оваа состојба е да се слуша своето тело, бидејќи тоа самото ќе каже кога чувствува глад, а кога досада или стрес.
Подготвувајте си оброци со време, а кога излегувате на вечера планирајте што ќе јадете. Кога изборот на храна е квалитетен и здрав, Бикот зрачи со својата виталност и живост, а смиреноста следува веднаш потоа.
Близнаци – Квалитетни информации
Близнаците обожуваат да учат и да зборуваат. Нивниот знак е предводен од Меркур, планетата на размислувањето и комуникацијата. Кога стресот ќе ги стигне, нивниот мозок започнува да чади.
Круцијално е да добијат што е можно повеќе одговори и информации за да ја смират оваа состојба. Дискусија со пријателите, истражување во библиотека или на интернет како и консултација со доктор ќе им го врати балансот.
Рак – Комфорно гнездо за одмор
На емотивните ракови им е потребно специјално скривалиште во кое ќе одмараат. Тие се приврзани за домот, а идеалната релаксација е во простор во кој има луѓе и предмети кои им се блиску до срцето.
Тие заздравуваат од стресот кога се внесени во некој домашен проект или грижа околу некој близок, но подеднакво важно е да си одвојат време за себе. Одморот во самотија и во омиленото комфорно гнездо кое си го создале најдобро ги закрепнува од стресот и проблемите.
Лав – Создавање
Лавот е креаторот или создавачот во зодијакот. Тој сака да ја споделува својата уникатна индивидуалност со светот, а за возврат да го добие неговото признание. Перфектниот начин да се смират е да создадат или да креираат нешто.
Без разлика дали е пеење песна, сликање или готвење оброк, Лавот започнува да се чувствува подобро во моментот кога создава нешто ново кое може да го сподели со светот. Ништо не е полошо за Лавот од заглавувањето во ситуација кога беспомошно зјапа во телефонот и чека да заѕвони.
Девица – Чистење
Девицата се води по девизата дека сака да го направи светот едно подобро место за живот. Кога проблемите натежнуваат, Девиците беснеат. Тогаш ги вадат своите ракавици и средства за чистење и започнуваат со детално средување на домот. Тие веруваат дека чистиот дом ги чисти и мислите и телото, и на тој начин се опуштаат најдобро, кога создаваат ред и перфектна хармонија.
Терезија – Разговор
Знакот на партнерството секогаш сака да има личност од доверба во близина, на која ќе може да ѝ се исповеда и да се консултира кога стресот ќе започне да надвладува.
Терезиите се високоинтелектуални и голем дел од времето го поминуваат во размислување и пронаоѓање решение за проблемите. Кога дискутираат со доверлива личност, тоа им помага полесно да го отплеткаат клопчето со проблеми, а нивото на стрес полека се симнува. Најдобрата терапија за нив е шолја чај и искрен разговор.
Скорпија – Секс и фантазија
Поврзувањето на духовното, емоционалното и физичкото е одлика на силните Скорпии. А постои ли подобар начин од сексот за ослободување од стресот? Кога сексот не е достапен како опција во моментот или не им е дојдејно баш до тоа, Скорпиите го скокнуваат физичкиот момент и се префрлаат на спиритуалниот – преку фантазирање. Со помош на нивната имагинација, тие го визуелизираат проблемот и позитивниот исход и на тој начин се репрограмираат за подобро утре, бришејќи го стресот како со гума.
Стрелец – Филозофија
Како последен огнен знак во Зодијакот, Стрелците копнеат да ја сфатат суштината на животот и никогаш нема да престанат да се прашуваат која е целта на човекот и неговото постоење. Овој знак е роден филозоф, кој со помош на своето длабоко анализирање и размислување ќе го пронајде своето сопствено и уникатно разбирање на светот околу него.
На тој начин, Стрелците ја создаваат својата заштитина позитивна аура. Кога стресот е на повидок, книгите и инспиративните цитати се нивниот спас, а неретко знаат да ги искажат своите мисли во личниот дневник.
Јарец – Планирање
Животот на неуморните Јарци е како искачување на планина, тие секогаш сакаат да напредуваат и да го гледаат патот кој се извива до врвот. Кога патеката е темна, а Јарецот несигурен за реализацијата на плановите, проблемите започнуваат да се трупаат. Па најдобар начин за ослободување од стресот е деталното планирање.
За Јарецот никогаш не е доволен еден можен одговор, тие секогаш кријат во ракавот повеќе решенија. Така најдобро се релаксираат, со краткорочно, но и долгорочно планирање во временска дистанца од 10 или 20 години.
Водолија – Позитивно размислување и сонување
Овој знак го води надежта, соништата и копнежот. Со еден збор, Водолијата е голем визионер. Таа нема време за секојдневната баналност. Кога е нервозна, се задлабочува во себе и сопствената визија за иднината. На тој начин се фокусира на позитивно размислување, а стресот испарува.
Најмногу сакаат да ги поврзуваат своите позитивни мисли со фотографии на табла која ќе им стои во непосредна близина и секогаш кога ќе им биде тешко, доволно е само да го насочат погледот кон визијата. Тие исто така се одлични во групни активности, па дружбата им делува како лек.
Риби – Медитација
Сè што е возвишено е во фокусот на романтичните Риби. Како последен знак во зодијакот, Рибите се сумарен збир на одредени карактеристики на сите претходни хороскопски знаци.
Емпатични и чувствителни, понекогаш стресот и проблемите се пресилни за нивната кревка природа и желбата да се поврзат со остатокот од луѓето на спиритуално ниво. Најдоброто решение? Медитација. Таа им го прочистува умот и ги поврзува со внатрешната интуиција, започнувајќи да емитува бранови на смиреност и блаженство.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Прва правна конференција Tres Partes
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.
Daily news
Бизнисменот Минчо Јорданов треба да сведочи дали бил уценет со пари во шпионската афера
Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.
Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.
„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.
Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.
Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.
Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.