Daily news
Свој леб по свој вкус
Како се приближуваат празниците така домот полека оладува. Секој во семејството има свои планови и модерниот начин на живеење полека ја нарушува семејната атмосфера. Тоа не се должи на луѓето туку на промените кои новиот динамичен свет ги носи со себе. Постои еден начин како топлината повторно да се врати. Домашниот леб го побудува секое сетило и вдахнува нова димензија низ целиот дом.
Секој го обожава мирисот и вкусот на домашниот леб, но скоро никој веќе нема доволно време со часови да припрема теста и да пече. Затоа купувањето на некоја од новите машини за правење на леб е одлична инвестиција. Ваквата машина прави се што е потребно без многу време поминато во подготовка. Машината за печење на леб полека прераснува во една најбараните апарати за домаќинство. Со неа нема потреба од грижи за адитивите кои се ставаат во комерцијалниот леб. Секој знае што се става во машината за да се направи лебот. Тие кои се запознаени со работата на овие машини може да сведочи за сигурноста која ја има во исхраната, гордоста од направениот леб, слободата во изборот на состојките и незаменливиот вкус и мирис.
Како и кај секоја храна потребно е малку внимание и време за подготовка на совршената комбинација на вкусови. Како и сите други почетоци секој треба да си поигрува со состојките и евентуално да создаде леб во кој ќе ужива. Повеќето се задоволуваат со тоа што на кратко ги подготвуваат состојките, ги ставаат да се печат и со тоа имаат домашно подготвен леб. Сепак, за некои постои високо ниво на задоволство во тоа што подготвуваат леб со состојки по сопствен вкус кој ги задоволува сите нивни сетила и со тоа го внесува интензитетот на чувства кој го дава домашниот леб.
За да ги олеснат почетоците на секој кој за прв пат се запознава со машините за леб произведувачот Vivax нуди и неколку рецепти со своите машини. Тие се одличен начин како побрзо да се разберат командите на фурната и ги олеснуваат чекорите за креирање на совршениот домашен леб.
Најлесен начин за да се започне со припремата на првиот леб е да се направи класичен бел леб или леб со ореви и суво грозје. За спремање на бел леб потребно е да се стават 300 милилитри на вода, 2 лажички сол, 2 и пол лажички шеќер, 150 грама гриз од пченица, 350 грама лебно брашно, 1 и пол лажица сув квасец и 2 и пол лажици масло. Се селектира програмата French на машината и за некое време домашниот леб е готов. Кај лебот со ореви и суво грозје се ставаат 330 милилитри вода или млеко, 2 и пол лажици маргарин или путер, 2 лажици сол, 2 и пол лажици шеќер, 520 грама лебно брашно, 1 и пол лажица сув квасец, 75 грама суво грозје и 40 грама кршени ореви. Овој леб се пече на програмата Basic и препорачливо е оревите и сувото грозје да се додадат по звучниот сигнал за време на втората фаза на мешање.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Прва правна конференција Tres Partes
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.
Daily news
Бизнисменот Минчо Јорданов треба да сведочи дали бил уценет со пари во шпионската афера
Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.
Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.
„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.
Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.
Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.
Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.