По повод петтиот роденден на „Скопје сити мол“ денеска се одржа прес-конференција на која претставници на менаџментот од трговскиот центар на медиумите им ги претставија досегашното работење и идните планови, како и детаљната роденденска програма.

Генералната директорка на „Скопје сити мол“, Ебру Радевски, на прес-конференцијата ги истакна досегашните достигнувања на трговскиот центар и ги најави новитетите што ќе се случуваат во иднина.

„’Скопје сити мол’ како регионален шопинг-центар е во плановите на сите големи светски брендови кои сакаат да отворат своја продавница и во Македонија и како такви најпрвин се заинтересирани за простор токму тука. Во ‘Скопје сити мол’ моментно има 175 закупци, а годишно се заинтересирани повеќе од 200 бренда за отворање своја продавница. Токму затоа во идните планови ни е зацртано проширување на нашите капацитети за да ги задоволиме нашите заинтересирани клиенти во своите барања“, изјави Радевски.

На прес-конференцијата беше соопштено дека „Скопје сити мол“ од ноември 2016 е дел од „Хајстед лимитед“, кој е водечки специјализиран фонд за трговски центри и работи портфолио на шопинг-центрите во Југоисточна Европа. „Хајпроп инвестментс лимитид“ (REIT рангирани на JSE) поседува 60 отсто од акциите во „Хајтсед“ и ПДИ-компанијата, што ја застапува Луј Норвал, ги поседува преостанатите 40 отсто од акциите. „Хајстед“ поседува четири трговски центри во Југоисточна Европа, „Делта сити“ во Подгорица (Црна Гора) „Делта сити“ во Белград (Србија), „Скопје сити мол“ во Скопје (Македонија) и „Мол“ во Софија (Бугарија).

Стратегијата на „Хајстед“ е да поседува висококвалитетни трговски центри на пазарите во развој каде што таквите средства може да се стекнат или развијат со атрактивни приноси. Трговските центри на „Хајстед“ доминираат во однос на просечната големина, а со тоа привлекуваат нови концепти и водечки продавници и ги прават нашите центри најпосакувани локации за локални и меѓународни брендови. Структурата на компанијата обезбедува цврста основа за извршување на нашата стратегија, со способни и искусни тимови и практичен пристап, кој ни овозможува ефикасно управување со нашите средства за да се постигне тековен приход и раст на капиталот.

Според Дарко Панчевски, претставник од маркетинг-секторот, „Скопје сити мол“ секогаш како и досега ќе продолжи да се грижи за своите потрошувачи и закупци.

„Ми претставува навистина чест и задоволство што сум дел од еден ваков голем објект, кој во изминатите години успеавме да го направиме регионален лидер кога се работи за шопинг-центрите. Од денот на отворањето па сè до денес во молот поминале повеќе од 35.000.000 посетители, сме организирале и поддржале повеќе од 330 хуманитарн проекти и настани, повеќе од 220 кампањи, 12 музички концерти, 4 модни шоуа, како и 4 интернационални патувачки настани. Со сето ова максимално се гордеам и тоа ми дава предизвик за наредниот период. За роденденот обезбедивме богата роденденска програма за сите посетители кои ќе имаат возбудливо шопинг-искуство од 6 до 8 октомври со попусти до 50 отсто. На 7 октомври (сабота) трговскиот центар ќе работи до полноќ и ќе делиме и бесплатни коктели со секоја сметка над 500 денари, а вечерта ќе се одржи ултраспектакуларен концерт „Хит за 5“, со многу познати пејачи и групи од македонската естрада кои ги одбележаа 90-тите години. Организираме и модна потрага, каде што актерите Тино и Атанас ќе ги бараат стилски најдобро облечените во женска и машка категорија, а ќе ги оценуваат Александар Биљановски – Дадар, Сретен Костиќ, Сергеј Варошлија, Марија Илиќ, Андреј Папаз и Елена Стефановска. За крај на вечерта ќе настапи и еден од најголемите диџеи на денешницата, DJ James Zabiela. Како и секогаш, така и овој пат не ги забораваме и нашите најмали посетители, односно на 8 октомври организираме семеен ден со настап на Петко и бендот 5+“, изјави Панчевски.

????????????????????????????????????

Она што со посебен интерес ја привлече јавноста е ретро забавата „Хит за 5“ од 90-тите години каде што по повеќе години „Скопје сити мол“ и Мартин Трпчевски успеаа да ги соберат на сцена изведувачите што имаат оставено голем белег во музиката.

„Навистина ми е многу драго што успеавме во реализација на овој проект, да ги собереме сите македонски изведувачи што својата слава ја доживеаа во 90-тите години, а некои од нив веќе долго време не се на сцената. Ве повикувам сите да дојдете на 7 октомври во „Скопје сити мол“ заедно да запееме со Дарио, Угро, Пере од „Нокаут“, Искра Трпева, Тамара, Александар Митевски, Гиш, Фиц од „Студени нозе“, Верица Пандиловска, Ристо Самарџиев, Ребека, Peace Brothers, како и многу други. Ве очекуваат и неколку изненадувања“, изјави Мартин Трпчевски.

Од „Скопје сити мол“ ги повикуваат сите да дојдат од 6 до 8 октомври во трговскиот центар, да уживаат во богатата програма и заедно да го прослават роденденот на најголемиот трговски центар во Скопје.

Трезор на тајни

Колку изгубени/најдени предмети се вратени – 5.160 предмети,
Пронајдени се изгубени 240 деца и 60 возрасни,
Колку автомобили сме имале – 7.562.927,
Колку километри хартија сме потрошиле – 42.240 км тоалетна харија и 42,2 тони пена за миење раце,
Колку технички операции се извршени – над 5.000 технички операции надвор од редовните,
Секојдневно 50-ина лица се грижат за хигиената, безбедноста, техничките операции,
Годишно се рециклираат 200 тони хартија и 6,5 тони најлон

Статистика за големата слика
Над 35.000.000 посетители,
Над 1.608.316 посетители во киното „Синеплекс“ до средината на септември 2017,
Над 230.000 фанови на facebook.com/skopjecitymall
Над 6.000 потрошувачи наградени за својата лојалност,
Над 330 хуманитарни настани директно се поддржани или иницирани од „Скопје сити мол“,
Над 220 кампањи и настани се огранизирани,
Над 50 дружења со фанови на врвни домашни и странски ѕвезди,
12 музички концерти,
4 модни шоуа,
4 интернационални патувачки настани.

SCM-лична карта
Број на локали: 135
Број на киосци: 40
Годишно над 200 бренда се заинтересирани за отворање продажен простор
Вкупната потрошувачка од 2013 до 2016 се зголемила 51 отсто
Потрошувачката од посетител од 2013 до 2016 се зголемила 32 отсто
Познати интернационални брендови првпат на пазарот во последните две години: MAC, O Bag, Navigare, Tom Tailor, Pandora, Orsay, Us Polo Assn, Skechers, Jack& Jones, Carpisa, Jamamay. Посакавме добредојде и на: Mona, Peko, Adidas, Buzz, Goody’s, Coin Casa, Sigma Jewelry, Altinbas, Bozinovski, Polaris, Lusso Home, Usta Donerci, Meridian food, Star Ocean, Vili fast food, Tritex, Bebe Houm, TAC,
Во локалите директно се вработени речиси 1.460 вработени, од кои 367 машки и 1.094 женски,
Над 300 компании се рекламираа во над 5.000 промоции и закуп на брендинг-позиции.