Daily news
Според германските медиуми: Самитот Г7 пропадна поради Трамп
По завршувањето на Самитот Г7, германските медиуми се согласни во оценката дека тој пропадна, пред сè поради „блокадата“ која насекаде ја постави претседателот на САД, Доналд Трамп, а посебно им пречи неговото „одбивање за заштита на климата“, пренесува денеска “Дојче веле“.
Така, „Франкфуртер алгемајне цајтнуг“ во својот коментар по тој повод, со наднаслов „Канцеларката му штети на Трамп“ пишува дека канцеларката Ангела Меркел е разочарана од „слабите резултати од самитот Г7 – и пред сè од Доналд Трамп“.
Затоа и како гостинка на конкресот на Христијанско-социјална унија (ЦСУ) во Минхен испратила јасна порака дека времињата во кои можевме во потполност да имаме доверба во другите поминаа и дека Европејците навистина мораат да ја земат судбина во свои раце – посочува весникот.
Истовремено, берлинскиот „Тагешспигел“ наведува дека на многу политички полиња Европејците ќе останат упатени на САД, а за заштитата на климата вистинскиот напредок нема да биде возможен без земјите кои се најголемите загадувачи – како Кина.
Сега е доста – оценува на истата тема „Алгемајне цајтнуг“ од Мајнц, истакнувајќи дека Европејците веќе доволно се занимавале со прашањето како новиот човек во Белата куќа воопшто може до таму да достигне.
Крајно време е Запад и пред сè земјите од ЕУ да го притиснат копчето ‘ресет’ и повторно да ги средат своите меѓуспособни односи со САД. Последните денови тоа јасно го покажаа доколку НАТО и самитот Г7 можат да обележат крај на досегашното партнерство – а за Европа тоа е истовремено нов старт – заклучува германскиот весник.
“Штутгартер цајтунг“ во својот коментар наведува дека поуките од првото патување на Трамп во странство се јасни.Се оценува дека „неговото робусно настапување,недостиг на интересирање за надворешно-политичките прашања, како и негова листа на приоритети се сомнителни“.
“Европејците овој пат дозволиле буквално да бидат прегазени. Американскиот претседател, не осврнувајќи се на тоа кој е пријател, а кој непријател, ги згазил досегашните односи, а партнерите во разговорите ги третирал како статисти на своите настапи“ – пишува „Фленсбургер тагеблат“.
Весникот оценува дека нема да остане така бидејќи ЕУ, НАТО и Г7 сега знаат со кого имаат работа во наредните години од Вашингтон и нема да може да се направи ништо, а земјите како Европа, Јапонија и Канада и Кина ќе се зближат“.
„Ако Трамп мисли дека успеал во тоа што сакал – се лаже. Изгуби сојузници, долгогодишни пријатели и можност да се прави коалиција која би им користела на САД – заклучува германскиот весник.
Сличен осврт на самитот Г7 имаат и „Хановерше алгемајне цајтниг“ и „Манхајмер морген“.Првиот оценува дека САД очигледно ја отфрлаат својата традиционална водечка улога и својата глобална одговорност, додека другите заклучуваат дека стратегијата на Трам, спрема која е доволно да биде доволно насилен, не успеала.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Прва правна конференција Tres Partes
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.
Daily news
Бизнисменот Минчо Јорданов треба да сведочи дали бил уценет со пари во шпионската афера
Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.
Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.
„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.
Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.
Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.
Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.