Daily news
Суперкуп: Скопје изминативе денови го посетиле 100.000 луѓе од земјата и странство
![](https://makfax.com.mk/wp-content/uploads/2017/08/skopje.jpg)
Според првичните информации, во Скопје во фан-зоната на плоштадот Македонија и на најфреквентните локации овие неколку дена, пред и за време на одржувањето на Суперкупот, биле присутни над 100.000 лица.
Вчера Скопје беше домаќин на голем спортски спектакл, каде што на националната арена „Филип Втори“ силите ги одмерија двата најголеми фудбалски клуба во светот, Реал Мадрид и Манчестер јунајтед.
Скопје се покажа како одличен домаќин на оваа голема манифестација, која помина во најдобар ред, а за впечатоците и организацијата на настанот се обратија градоначалникот на Скопје, Коце Трајановски, и секретарот на Фудбалската федерација на Македонија, Филип Поповски.
„Сметам дека бевме на ниво на задачата и дека Скопје се покажа како одличен домаќин и ги исполнивме сите барања и стандарди што УЕФА ни ги постави за одржувањето натпревар од овој ранг. Изминативе неколку дена Скопје го посетија голем број туристи и љубители на фудбалот, кои имаа можност да се запознаат со нашиот град, неговите убавини и култура и сигурен сум дека не останаа рамнодушни на сѐ она што имаме да им го понудиме“, рече Трајановски.
Генералниот секретар на ФФМ, Филип Поповски, ја искажа својата благодарност до сите страни што беа вклучени во проектот.
„Она што се случи вчера ни дава мотив и поттик да работиме и понатаму, дека ФФМ ќе аплицира и за други проекти за во иднина повторно да сме домаќини на големи натпреварувања. Ние како ФФМ, како социјално одговорна организација, се погриживме тоа да биде дел од свечената церемонија на отворањето на настанот, каде што со свој настап учествуваа учениците од „Партение Зографски“ со нивната интерпретација на хитот од Колдплеј“, рече Поповски.
Градоначалникот Трајановски најави дека активностите на градот во насока на збогатувањето на содржините за жителите на Скопје и посетителите ќе продолжат во наредниот период преку проектот „Супер Скопје“.
„Како што најавивме пред неколку недели, во соработка со менаџерите и сопствениците на угостителските објекти наредните неколку викенди, поточно секој петок и секоја сабота, на повеќе локации во Скопје ќе организираме настани и концерти на познати пејачи со цел на подобрување на понудата и ноќниот живот за време на летниот период“, рече Трајановски.
Оваа година „Супер Скопје“ започна со манифестацијата „Пиволенд“, а потоа таа ќе се префрли и на други локации. На 18 и 19 август забавата ќе се организира на Кејот 13 Ноември, на 25 и 26 август во Старата скопска чаршија, на 1 и 2 септември на улицата Македонија и на 8 и 9 септември на Боемската улица во Дебар Маало. Изготвувањето на програмата е во завршна фаза и сè уште се потврдуваат изведувачите и ќе бидат соопштени во наредните денови.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Daily news
Награда за „Бизнисот на задоволството“ на фестивалот во САД, кој ги откри Спилберг и Џорџ Лукас
![](https://makfax.com.mk/wp-content/uploads/2024/05/thumbnail_The_Business_of_Pleasure_2.jpg)
Долгометражниот филм „Бизнисот на задоволството“ на Гоце Цветaновски е добитник на наградата „Сребрено реми“ на „Хјустон интернешнал филм фестивал“ (WorldFest-Houston International Film Festival) во САД.
Овој значаен фестивал, кој постои цели 57 години е еден од најстарите во Америка и најстар во светот за независни филмови. Се гордее со тоа што во својата историја им ги доделил првите награди на легендарни режисери како што се Стивен Спилберг, Џорџ Лукас, Анг Ли, браќата Коен, Ридли Скот, Брајан де Палма, Оливер Стоун, Роберт Родригез, Спајк Ли, Дејвид Линч и уште многу други.
„Ова е голем успех. Да бидеш награден во конкуренција од над 4.000 филмови од 70 држави, е признание кое ја потврдува естетската вредност на филмот. Дефинитивно влеговме во убаво друштво, со оглед на тоа кој се’ е добитник на „Реми награда“ во историјата на фестивалот. И’ честитам на целата екипа којашто допринесе за меѓународниот успех на филмот и едвај чекам сите да се собереме повторно и во септември да го претставиме филмот пред македонската публика.“, рече режисерот Гоце Цветановски.
Наградата е деветта по ред на филмските фестивали во светот, а трета во САД, откако претходно „Бизнисот на задоволството“ го доби признанието за најдобар филм на „Риверсајд филм фестивал“ во Калифорнија и за највпечатлив филм во Седона, Аризона.
Улогите ги толкуваат Муса Исуфи, Слаѓана Вујошевиќ, Исмаил Касуми, Дамјан Цветановски, Осман Ахмети, Елени Декидис, Мендим Муртези, Егзона Салиху, Авни Далипи и Катерина Коцевска, а Цветановски го потпишува и сценариото. Продуценти на филмот се Дритон Рамадани, Богдан Јончевски и Гоце Цветановски.
Снимен е со поддршка на Агенцијата за филм.
Daily news
Прва правна конференција Tres Partes
![](https://makfax.com.mk/wp-content/uploads/2018/03/1-1-3.jpg)
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
![](https://makfax.com.mk/wp-content/uploads/2018/08/gruevski-sud.jpg)
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.