Daily news
Фактите за терористичкиот напад во Лондон
- Шест лица се убиени за време на нападите во две тесно поврзани области на Лондон, во саботата вечер во напади кои полицијата ги опиша како “терористички инциденти ”.
- Тројцата осомничени напаѓачи, исто така, беше застрелани од полицијата.
- Инцидентите се случија на Лондонскиот мост и во блискиот базар.
- Службата за брза помош соопшти дека превезла најмалку 48 лица до пет болници во главниот град.
- Еден британски транспортен полицаец беше избоден со нож во лице додека одговарал на инцидентот во Лондон Бриџ.
- Првиот инцидентот со напад на бело бело комби кое ги газело пешаците на Лондонскиот мост се случи околу 22:08. часот. Сведоците велат дека комбето возело на тротоарот.
- Полицијата вели дека комбето продолжило кон околниот базар, каде што имало извештаи за повеќе прободувања со нож исто така.
- Циркулираат слики кои го покажуваат осомничениот на теренот на базарот, на кои се гледаат канистри врзани за неговото тело.Полицијата вели дека канистрите биле дел од самоубиствениот елек.
- Властите соопштија и за трет инцидент, прободување во Вауксхол, но тој не е поврзан со настаните околу Лондон Бриџ.
- Тереза Меј, премиер, ги нарече настаните “ужасен инцидент кој се третира како потенцијален терористички чин “.
- Лондонскиот градоначалник Садик Кан ги осуди “варварските” и “ужасни” напади нарекувајќи ги “намерни и кукавички”.
- Гости на некои хотели во близина на нападите биле евакуирани.
- Безбедносни служби изведоа голем број на контролирани експлозии во областа на нападите.
- Полицијата ги повика луѓето да се држат настрана од погодените области.
- Владата соопшти дека ќе се одржи состанок на силите за итни интервенции Кобра веќе утрово.
- Трочлената банда викала “Ова е за Алах” по прегазувањето на толпата на Лондонскиот мост, по што тргнале од бар до бар за да напаѓаат со ножеви.
- Терористите се опишани како лица со медитеранско потекло.
- Едниот од терористите бил облечен во дресот на Арсенал. Биле застрелани за осум минути.
- Еден ужаснат сведок рече дека видел како тројцата терористи колат луѓе на Лондонскиот мост со нож, пред да продолжат да го прават истото по баровите.
- Овој терор се случи само 12 дена по нападот во Манчестер и десет недели по злосторството во Вестминстер.то во Вестминстер.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Награда за „Бизнисот на задоволството“ на фестивалот во САД, кој ги откри Спилберг и Џорџ Лукас
Долгометражниот филм „Бизнисот на задоволството“ на Гоце Цветaновски е добитник на наградата „Сребрено реми“ на „Хјустон интернешнал филм фестивал“ (WorldFest-Houston International Film Festival) во САД.
Овој значаен фестивал, кој постои цели 57 години е еден од најстарите во Америка и најстар во светот за независни филмови. Се гордее со тоа што во својата историја им ги доделил првите награди на легендарни режисери како што се Стивен Спилберг, Џорџ Лукас, Анг Ли, браќата Коен, Ридли Скот, Брајан де Палма, Оливер Стоун, Роберт Родригез, Спајк Ли, Дејвид Линч и уште многу други.
„Ова е голем успех. Да бидеш награден во конкуренција од над 4.000 филмови од 70 држави, е признание кое ја потврдува естетската вредност на филмот. Дефинитивно влеговме во убаво друштво, со оглед на тоа кој се’ е добитник на „Реми награда“ во историјата на фестивалот. И’ честитам на целата екипа којашто допринесе за меѓународниот успех на филмот и едвај чекам сите да се собереме повторно и во септември да го претставиме филмот пред македонската публика.“, рече режисерот Гоце Цветановски.
Наградата е деветта по ред на филмските фестивали во светот, а трета во САД, откако претходно „Бизнисот на задоволството“ го доби признанието за најдобар филм на „Риверсајд филм фестивал“ во Калифорнија и за највпечатлив филм во Седона, Аризона.
Улогите ги толкуваат Муса Исуфи, Слаѓана Вујошевиќ, Исмаил Касуми, Дамјан Цветановски, Осман Ахмети, Елени Декидис, Мендим Муртези, Егзона Салиху, Авни Далипи и Катерина Коцевска, а Цветановски го потпишува и сценариото. Продуценти на филмот се Дритон Рамадани, Богдан Јончевски и Гоце Цветановски.
Снимен е со поддршка на Агенцијата за филм.
Daily news
Прва правна конференција Tres Partes
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.