Daily news
Фотографија од Иран го обиколи светот бидејќи најдобро ги опишува тамошните случувања
![](https://makfax.com.mk/wp-content/uploads/2018/01/iran-demonstracii-hidzab.jpg)
Меѓу сите алармантни вести што пристигнуваат од Иран, каде што масовните протести се одржуваат уште од минатиот четврток, а полицијата и Револуционерната гарда отвораат оган врз демонстрантите, се појави снимка која навистина кажува повеќе од милион зборови за она што се случува во една од најголемите земји на Блискиот Исток.
Снимката покажува млада демонстрантка во Техеран, која го трга својот хиџаб од лицето и го закачува на стап, се качува на платформа и пркосно го вее како знаме. Иако сцената изгледа како веење бело знаме во знак на предавање, симболиката станува сосема спротивна кога ќе се спомене фактот дека ова се случува во земја во која носењето во хиџаб е задолжително според законот.
This woman in #Iran took off her #Hijab to protest the mandatory Islamic dress code imposed on Iranian women. #IStandWithHer #IranProtests #Islam pic.twitter.com/G6oKHIPA68
— Armin Navabi (@ArminNavabi) December 29, 2017
Армин Наваби, ирански репортер кој прв ја објави снимката од која се преземени и фотографиите, подоцна на „Твитер“ напиша дека непознатата девојка била уапсена и притворена.
„Местото во Техеран каде што таа стоеше, сега е покриено со бели цвеќиња“, додаде тој.
Сликата на оваа девојка објавена на Твитер-профилот на Наваби била споделена повеќе од 15.000 пати и набргу се проширила на сите социјални мрежи и медиуми.
Ирачкиот врховен лидер, ајатолахот Али Хаманеи, пак, ги обвини иранските „непријатели“ дека сакаат да ги загрозат властите по шестдневните демонстрации, во кои загинаа 21 лице.
Хаманеи рече дека непријателите на Иран се обединети и ги користат сите средства, пари и оружје, како и нивните безбедносни служби, за да создадат проблеми за иранските власти.
„Тие само чекаат шанса да нанесат удар врз иранскиот народ“, изјави Хаманеи не прецизирајќи конкретно кои се непријателите на Иран.
Во протестите минатата недела во неколку ирански градови досега загинаа повеќе од 20 луѓе, а неколку стотици се уапсени. Протестите започнаа поради економските проблеми во земјата и непотребното вмешување на Иран во конфликтите во регионот, но демонстрантите воедно бараат и оставка од врховниот лидер, ајатолахот Али Хаманеи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Daily news
Награда за „Бизнисот на задоволството“ на фестивалот во САД, кој ги откри Спилберг и Џорџ Лукас
![](https://makfax.com.mk/wp-content/uploads/2024/05/thumbnail_The_Business_of_Pleasure_2.jpg)
Долгометражниот филм „Бизнисот на задоволството“ на Гоце Цветaновски е добитник на наградата „Сребрено реми“ на „Хјустон интернешнал филм фестивал“ (WorldFest-Houston International Film Festival) во САД.
Овој значаен фестивал, кој постои цели 57 години е еден од најстарите во Америка и најстар во светот за независни филмови. Се гордее со тоа што во својата историја им ги доделил првите награди на легендарни режисери како што се Стивен Спилберг, Џорџ Лукас, Анг Ли, браќата Коен, Ридли Скот, Брајан де Палма, Оливер Стоун, Роберт Родригез, Спајк Ли, Дејвид Линч и уште многу други.
„Ова е голем успех. Да бидеш награден во конкуренција од над 4.000 филмови од 70 држави, е признание кое ја потврдува естетската вредност на филмот. Дефинитивно влеговме во убаво друштво, со оглед на тоа кој се’ е добитник на „Реми награда“ во историјата на фестивалот. И’ честитам на целата екипа којашто допринесе за меѓународниот успех на филмот и едвај чекам сите да се собереме повторно и во септември да го претставиме филмот пред македонската публика.“, рече режисерот Гоце Цветановски.
Наградата е деветта по ред на филмските фестивали во светот, а трета во САД, откако претходно „Бизнисот на задоволството“ го доби признанието за најдобар филм на „Риверсајд филм фестивал“ во Калифорнија и за највпечатлив филм во Седона, Аризона.
Улогите ги толкуваат Муса Исуфи, Слаѓана Вујошевиќ, Исмаил Касуми, Дамјан Цветановски, Осман Ахмети, Елени Декидис, Мендим Муртези, Егзона Салиху, Авни Далипи и Катерина Коцевска, а Цветановски го потпишува и сценариото. Продуценти на филмот се Дритон Рамадани, Богдан Јончевски и Гоце Цветановски.
Снимен е со поддршка на Агенцијата за филм.
Daily news
Прва правна конференција Tres Partes
![](https://makfax.com.mk/wp-content/uploads/2018/03/1-1-3.jpg)
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
![](https://makfax.com.mk/wp-content/uploads/2018/08/gruevski-sud.jpg)
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.