Daily news
Најдена врската меѓу дијабетесот во бременоста и депресијата
Трудниците кај кои се развива гестациски или дијабетес во бременоста се во поголема опасност кај нив да се развие постпородилна депресија, меѓутоа научниците ја утврдиле и обратната причинско-последичната поврзаност, имено кај жените коишто на почетокот од бременоста патат од депресија забележан е повисок ризик од развој на дијабетес во бременоста.
Дијабетесот е хронична болест кај која нивото на гликоза (шеќер) во крвта е превисока и предизвикува нарушување на регулирањето на шеќерот во крвта. Но ова нарушување се јавува и како директна последица од бременоста, па ги погаѓа и жените коишто никогаш претходно немале проблеми со регулирањето на шеќерот Дијабетесот во бременоста, за среќа, е минлив и по породувањето најчесто се повлекува. Благо зголеменото ниво на шеќер во крвта кај трудниците се лекува со физичка активност соодветна за бремените и со исхрана која треба да содржи што повеќе сложено јаглехидрати, како мешункасти плодови, житарки, леб, тестенини и ориз.
Научниците од американскиот Национален институт за здравје спровел проучување во текот на коешто ја следеле здравствената состојба на 2.334 жени, меѓу кои имало 468 полнички трудници, во периодот меѓу осмата и дваесет и втората седмица од бременоста, а потоа и шест седмици по породувањето.
Утврдиле дека кај жените кај коишто се развил гестациски дијабетес, кај речиси 15 отсто од нив се развила и постпородилната депресија, што е за четири пати повеќе отколку кај жените кои биле поштедени од појавата на дијабетесот во бременоста. Но резултатите од студијата покажале и обратна поврзаност меѓу двете појави. Имено, жените кои во првото тримесечје од бременоста пателе до депресија, биле двапати поизложени на развој на дијабетес во бременоста. Во случај на перзистирачка депресија, во текот на првото и второто тримесечје од бременоста, ризикот бил малку поголем.
Кај трудниците кои не пателе од дебелина, но пателе од депресија, ризикот од развој на гестациски дијабетес бил трипати поголем во однос на другите трудници кои учествувале во истражувањето, Се покажало и дека поголемата постоечка депресија кај полничките жени не го зголемила ризикот од појава на дијабетес во бременоста.
Во случај на предиспозиција за развој на дијабетес во бременоста во првото тримесечје од бременоста или по зачнувањето, се врши тест. Дијабетесот во бременоста б требало да биде своевидно предупредување за лекарите да посветат внимание на тоа дали кај некоја трудница по породувањето може да се развие постпородилна депресија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Прва правна конференција Tres Partes
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.
Daily news
Бизнисменот Минчо Јорданов треба да сведочи дали бил уценет со пари во шпионската афера
Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.
Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.
„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.
Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.
Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.
Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.