Daily news
Роботот Чарли, нов пријател на децата заболени од дијабетес
Роботот Чарли, производ на соработката на научници, инженери и професори од Холандија, Италија, Германија и Велика Британија, наскоро би требало да стане нераздвојниот пријател на децата заболени од дијабетес од типот 1.
„Што мораш да сториш ако се чувствуваш хипо?“, го прашува со механички глас малиот црвено-бел робот момченцето Рубен кој уште со седум години е способен самиот да си го измери нивото на гликоза во крвта, благодарејќи на својот нов пријател роботот Чарли.
Овој робот, кои умее и да зборува и да танцува, го подучува детето како да ги пресмета податоците кои можат да му го спасат животот.
Во Холандија секоја година се дијганостицираат 6.000 млади со дијабетес, а најмалку едно дете умира како последица од оваа болест.
„Болното дете и неговото семејство мислат на дијабетесот на секои десет или петнаесет минути“, појаснува Герт Јан ван дер Бург, педијатар во болницата „Gelderse Vallei“ во Еде во Холандија.
Роденденско честење или јадење во ресторан за брза храна, спортска активност или партија видеоигри, можат брзо да го поменат нивото на шеќер во крвта кај дете заболено од дијабетес. Родителите, па и самите деца, мораат во тој случај брзо да одлучат, да измерат, да ја пресметаат инјекцијата инсулин и нивото на шеќер во крвта. Грешка во дозирањето може да предизвика потење, вртоглавици или промени во однесувањето, па дури и кома.
Досега 40 деца имале можноста да работат со новиот автоматизиран пријател Чарли во рамките на тестирањето на роботот во Холандија, што е првата етапа од четиригодишниот проект кој се финансира со средства од Европската унија. Тестирањата, освен во Холандија, се извршуваат и во Италија.
Роботот е осмислен како тренер за деца од 7 до 14-годишна возраст, има очи во форма на џамлии и наместо уши звучници, а од децата бара да одговараат со „точно“ или „неточно“ на прашањата коишто им ги поставува со помош на таблет.
Креаторите на Чарли при дизајнирањето се воделе од идејата да „создадат лик кој ќе им овозможи на децата да се соочат со болеста, да ги научи што е дијабетесот и какви се ефектите од спортот или храната којашто ја земаат врз болеста“, вели Марк Нееренкс, научник од техничкиот универзитет во Делфт.
Проектот, чијшто официјален назив е „личен асистент за здрав начин на живот“, чини четири милиони евра и на него заедно работат Холандската агенција за истражување на применети науки, сродните институции како FSCR во Италија и DFKI во Германија, како и универзитетот во Делфт и Кралскиот колеџ во Лондон.
Соочени со тешкиот товар на дијабетесот, децата може слободно на роботот да му ги доверат своите чувства и искуства. „Чарли е мил, ме прашува да му раскажува за мене“, вели 10-годишната Софи Бојуксимске, кој која пред две години е дијагностициран дијабетес.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Награда за „Бизнисот на задоволството“ на фестивалот во САД, кој ги откри Спилберг и Џорџ Лукас
Долгометражниот филм „Бизнисот на задоволството“ на Гоце Цветaновски е добитник на наградата „Сребрено реми“ на „Хјустон интернешнал филм фестивал“ (WorldFest-Houston International Film Festival) во САД.
Овој значаен фестивал, кој постои цели 57 години е еден од најстарите во Америка и најстар во светот за независни филмови. Се гордее со тоа што во својата историја им ги доделил првите награди на легендарни режисери како што се Стивен Спилберг, Џорџ Лукас, Анг Ли, браќата Коен, Ридли Скот, Брајан де Палма, Оливер Стоун, Роберт Родригез, Спајк Ли, Дејвид Линч и уште многу други.
„Ова е голем успех. Да бидеш награден во конкуренција од над 4.000 филмови од 70 држави, е признание кое ја потврдува естетската вредност на филмот. Дефинитивно влеговме во убаво друштво, со оглед на тоа кој се’ е добитник на „Реми награда“ во историјата на фестивалот. И’ честитам на целата екипа којашто допринесе за меѓународниот успех на филмот и едвај чекам сите да се собереме повторно и во септември да го претставиме филмот пред македонската публика.“, рече режисерот Гоце Цветановски.
Наградата е деветта по ред на филмските фестивали во светот, а трета во САД, откако претходно „Бизнисот на задоволството“ го доби признанието за најдобар филм на „Риверсајд филм фестивал“ во Калифорнија и за највпечатлив филм во Седона, Аризона.
Улогите ги толкуваат Муса Исуфи, Слаѓана Вујошевиќ, Исмаил Касуми, Дамјан Цветановски, Осман Ахмети, Елени Декидис, Мендим Муртези, Егзона Салиху, Авни Далипи и Катерина Коцевска, а Цветановски го потпишува и сценариото. Продуценти на филмот се Дритон Рамадани, Богдан Јончевски и Гоце Цветановски.
Снимен е со поддршка на Агенцијата за филм.
Daily news
Прва правна конференција Tres Partes
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.