Daily news
Секвенциониран најстариот човечки геном од Африка стар 4.500 година
Научниците го секвенционирале најстариот човечки геном од Африка датиран од пред 4.500 година, се истакнува во истражувањето објавено во четвртокот во списанието Science, коешто фрла нова светлина на мистериозната масовна преселба од Евроазија кон Африканскиот рог која се случила пред 3.000 година.
Ова е првпат да е пронајден и секвенциониран древен геном од африканскиот континент, колепката на човештвото и извор на генетската разновидност на луѓето, додаваат експертите.
Со ова секвенционирање утврдено е дека миграцискиот бран кој се случил пред 3.000 година бил многу поголем и поостар отколку што досега се мислеше, имајќи предвид дека го зафатил генетското наследство на населението на целата област на Африка. Геномот е издвоен од череп од маж закопан на стомакот во пештерата Мота, во етиопските планини, која била доволно студена и сува за да може неговата ДНК да се сочува повеќе од 4.000 години.
Овој мистериозен миграциски бран од Евроазија во Африка наречен „евроазиски прилив“ тргнал од Блискиот исток и од Мала Азија.
Пронајдениот древен геном потекнува од периодот пред тој бран, им овозможил на научниците да направата споредба на геномот низ повеќе илјади години и да заклучат дека Евроазијците биле тесно поврзани со првите земјоделци во неолитот коишто пред 4.000 години го донеле земјоделието во Европа. Така ДНК-та на денешните Африканци на истокот од континентот има 25 отсто од генот на еврозаиските предци кои дошле во текот на таа голема преселба.
Имајќи ја предвид важноста на генетското наследство, научниците оценуваат дека уделот на евроазиските мигранти во автономното население пред 3.000 години бил 25 отсто. Подоцна генетски се рашириле по цела Африка.
Научниците сé уште не ја утврдиле причината за таа ненадејна миграција, којашто, се чини, не е поврзана со посебни климатски услови. Меѓутоа, „да се располага со геном кој потекнува од времето пред тие миграции претставува голем чекор“ во оваа област од истражувањата, се заклучува во студијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Награда за „Бизнисот на задоволството“ на фестивалот во САД, кој ги откри Спилберг и Џорџ Лукас
Долгометражниот филм „Бизнисот на задоволството“ на Гоце Цветaновски е добитник на наградата „Сребрено реми“ на „Хјустон интернешнал филм фестивал“ (WorldFest-Houston International Film Festival) во САД.
Овој значаен фестивал, кој постои цели 57 години е еден од најстарите во Америка и најстар во светот за независни филмови. Се гордее со тоа што во својата историја им ги доделил првите награди на легендарни режисери како што се Стивен Спилберг, Џорџ Лукас, Анг Ли, браќата Коен, Ридли Скот, Брајан де Палма, Оливер Стоун, Роберт Родригез, Спајк Ли, Дејвид Линч и уште многу други.
„Ова е голем успех. Да бидеш награден во конкуренција од над 4.000 филмови од 70 држави, е признание кое ја потврдува естетската вредност на филмот. Дефинитивно влеговме во убаво друштво, со оглед на тоа кој се’ е добитник на „Реми награда“ во историјата на фестивалот. И’ честитам на целата екипа којашто допринесе за меѓународниот успех на филмот и едвај чекам сите да се собереме повторно и во септември да го претставиме филмот пред македонската публика.“, рече режисерот Гоце Цветановски.
Наградата е деветта по ред на филмските фестивали во светот, а трета во САД, откако претходно „Бизнисот на задоволството“ го доби признанието за најдобар филм на „Риверсајд филм фестивал“ во Калифорнија и за највпечатлив филм во Седона, Аризона.
Улогите ги толкуваат Муса Исуфи, Слаѓана Вујошевиќ, Исмаил Касуми, Дамјан Цветановски, Осман Ахмети, Елени Декидис, Мендим Муртези, Егзона Салиху, Авни Далипи и Катерина Коцевска, а Цветановски го потпишува и сценариото. Продуценти на филмот се Дритон Рамадани, Богдан Јончевски и Гоце Цветановски.
Снимен е со поддршка на Агенцијата за филм.
Daily news
Прва правна конференција Tres Partes
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.