Контакт

Економија

Интервју со Салтировски од ЕВН: Со поддршка на институциите ќе ги намалиме кражбите на струја

Објавено пред

Шест села во јуни беа без струја додека жителите на Слупчане го блокира влезот на екипите од ЕВН. Тие во повеќе наврати, поради диви приклучувања, предизвикаа дефекти во мрежата по што ги условуваа со барања екипите на ЕВН за да им дозволат да влезат во селото, а вработените во компанијата тврдеа дека постојано се соочуваат со вербални и физички напади.

dobivaj vesti na viber

Жителите на Слупчане бараа да им бидат простени долговите, највисоките сметки да бидат 3.000 денари и да добијат бесплатни приклучоци за нови куќи.

За проблемите со мрежата за струја, наплатата на струја и прекините на електрична енергија во Слупчане, зборува Сашо Салтировски менаџер на ЕВН Електродистрибуција.

Со поддршка на институциите ќе ги намалиме кражбите на струја и ќе ги реализираме планираните инвестиции во мрежата

До крајот на декември годинава сите достапни броила ќе бидат сетирани на дневна евтина тарифа. Екипите работат на терен со голем интензитет. За да ја обезбедиме оваа услуга, но и да ги намалиме загубите, во изминатите 15-тина години постојано работиме на спроведување на проектите за модернизација и реконструкција на мрежата на целата територија на Македонија меѓу кои и во Слупчане. Иако имаше одредени недоразбирања, по конструктивните разговори со жителите, активностите на терен започнаа и ќе продолжат во следниот период. Реконструкцијата и модернизацијата на мрежата е важна од повеќе аспекти, а особено и во контекст на обезбедување на технички предуслови за воведување на евтина тарифа на секое броило, уверува Салтировски.

За тоа како се одвиваат активностите на терен разговараме со директорот на ЕВН Електродистрибуција Сашо Салтировски, кој потенцира дека сите корисници се еднакви пред законот, потрошената електрична енергија мора да се мери точно и обврските за плаќање да се подмируваат навреме.

За неколку месеци треба да стартува евтината тарифа, која граѓаните ја очекуваат со голем интерес, особено во време на инфлација. Дали сите граѓани ќе имаат евтина тарифа?

Како што знаете Електродистрибуција постојано работи на модернизација и реконструкција на мрежата, а целта на овие инвестиции е унапредување на услугите и поголема функционалност на системот. Меѓу другото дел од овие проекти е промена на броилата односно поставување на смарт броила на достапни места, кои што постојано и во реално време ќе бидат достапни за граѓаните, но и за тимовите на Електродистрибуција. Досега инсталиравме околу 200.000 смарт броила. Кај сите овие корисници евтината тарифа ќе биде имплементирана на 01.12.2023 точно во 00:00 часот. Останатите броила ќе бидат сетирани при редовно отчитување, во текот на месец Декември. За да има секој потрошувач евтина тарифа важно е броилото да биде достапно, а не затворено во домот на корисникот или на друго непристапно место. Оттука сакам да потенцирам дека нашите инвестиции во изминатиот период се во интерес на корисниците. Сведоци сме дека нашите екипи при реализација на овие инвестиции во одредени региони наидоа на отпор, но успеавме на корисниците да им објасниме дека тоа е во нивен интерес. Така на пример сега во Арачиново сите броила се достапни и корисниците од ова село ќе имаат сетирана евтина тарифа навреме. Општина Липково ќе биде првата општина во земјава која ќе биде целосно покриена со смарт броила. Загубите веќе се на ниво на технички загуби, односно  околу 10%.

Само пред неколку месеци имаше голем отпор во Слупчане. Што се договоривте таму?

Со жителите на Слупчане одржавме неколку заеднички состаноци на кои ги отворивме сите прашања. Ние го презентиравме проектот за модернизирање и реконструкција на мрежата и образложивме кои активности се во наша надлежност. Проектот за модернизација на мрежата, кој е во тек, како што и беше предвидено, ќе биде целосно реализиран. Притоа потенциравме дека на критичните точки во селото каде што се повторуваат дефектите ќе им се даде предност при реализација на проектот за модернизација на дистрибутивната мрежа, со што ќе се подигне квалитетот на услугата и ќе се намалат дефектите. По деталното разгледување на сите отворени прашања, присутните се согласија дека мерењето и фактурирањето на електричната енергија ќе се одвива согласно законски пропишаните правила за корисниците. Покрај тоа, ќе се имплементира проект со поставување на паметни броила, што е тренд во целата Европска Унија и истите ќе се постават на пристапни места. На овој начин жителите ќе добијат дополнителен увид во фактурите за електрична енергија на месечно ниво.

Дали ќе им се отпишат долговите?

Секако не. Постоечкиот долг ќе се регулира на законски начин кој што ЕВН го нуди на сите свои потрошувачи што имаат заостанат долг. Нашата компанија овозможува плаќање на долгот на рати, со што корисниците успеваат да ги расчистат старите долгови и тековните фактури во исто време. На жителите кои имаат потреба од склучување на договор за плаќање на долгот на рати, тоа и ќе им биде овозможено од страна на ЕВН, но притоа условот е редовно да се плаќаат новите сметки.

Дали ќе се прифати барањето на жителите на Слупчане, највисоката сметка без разлика на потрошувачката да биде 3000 денари?

ЕВН не ја одредува цената на електричната енергија. Цените за потрошена електрична енергија кои се утврдени од Регулаторната комисија и кои важат за сите граѓани без исклучок, ќе продолжат да важат на ист начин за сите.

Дали е точно дека ќе плаќаат по 6000 денари за нов приклучок?

И овој трошок е регулиран и строго определен од Регулаторната комисија, односно цената не ја одредува ЕВН. Цената за нов стандарден приклучок изнесува 22,745 денари и важи за сите корисници во државата, без исклучок. 

Каква е соработката со институциите на терен?

Кога настана дефектот во Слупчане, за жал без електрична енергија останаа и корисници и соседни села кои редовно плаќаат. Освен домаќинства, тој реон има и голем број индустриски корисници. Очекувано, сите се заложија за брзо надминување на состојбата, користејќи ги сите можни начини, при што се инволвираа голем број на институции, политички претставници, невладин сектор и т.н. Во изнаоѓање на решение се вклучија и Владата, локалните власти и претставници на политички партии. Ние веднаш стапивме во контакт со релевантните институции, Министерството за внатрешни работи, Министерството за економија, општината Липково со кои секогаш сме во директна комуникација и се ангажираат за да се изнајде решение и да се овозможи непречена работа согласно законот. ЕВН секогаш се стреми да има сигурно и доверливо снабдување со електрична енергија. Никогаш не се случило да игнорираме или намерно да оставиме дефект. Напротив, веднаш се користат сите расположливи ресурси и мерки и во таа насока ќе ја продолжиме соработката со институциите.

Колку се загубите во селото? Колку е наплатата?

Состојбата беше неповолна и затоа преку интензивна соработка со сите надлежни институции работиме на средување на состојбите на терен. Загубите пред имплементација на проектот беа 80%, а наплатата  20%.

Koj ги плаќа загубите, односно кражбите на електрична енергија?

Одговорот на ова прашање е дека некој со сигурност ќе ги плати, невозможно е поинаку. Оттука, уште поважно е овие отворени прашања што поскоро да се решат. Еве, да се обидам ова да го објаснам преку производ и бизнис кој е многу попознат за граѓаните. Да претпоставиме дека имаме една локална продавничка. За сопственикот да биде конкурентен мора да има цени и маржи кои се споредливи со другите маркети, во спротивно никој не би му ги купувал производите. Ако дел од граѓаните купуваат и плаќаат, дел земаат стока на цртка, вагата мери помалку, а дел од стоката се краде, маржата нема да може да ги покрие трошоците на сопственикот за плати, за набавка на нова роба, трошоци за вода струја итн. Сопственикот има три опции. Првата е да користи свои пари, доколку ги има, за да продолжи да работи маркетот, но тоа е неодржливо на долг рок, истиот во еден момент ќе банкротира и маркетот ќе престане да постои. Дополнително, нема да има доволно средства за да инвестира во бизнисот, да го прошири маркетот, да донесе нови производи, да го направи уште подостапен и поснабден за корисниците. Втората е да ги зголеми маржите, но во ваков случај нема да биде конкурентен и повторно ќе мора да го затвори маркетот. И третата е да се воведе ред и сите редовно да плаќаат за производите и да нема кражби. Со струјата е уште покомплицирано, затоа што овој маркет не смее да се затвори и да банкротира. Електричната енергија е столб на целиот општествен живот. Значи постојат две опции – да се зголемат цените, па одредени граѓани да плаќаат за неплаќањето и кражбите на други граѓани, што не е фер, или сите редовно да плаќаат за реално потрошената електрична енргија. Тука не зборуваме за социјално ранливите категории. Се разбира дека ранливите групи на потрошувачи треба да бидат поддржани со одредени мерки од Владата со цел да можат да ги платат сметките. Во овој момент има субвенција од 1000 денари за примателите на социјална помош и пензионерите во првата група на пензии. Добро е да се размисли за проширување на опфатот и за зголемување на субвенциите. Сите бевме и сѐ уште сме сведоци на енергетската криза со која се соочува Европа. Цените на енергенсите нагло пораснаа, а притоа и достапноста до истите не е секогаш сигурна. Ова е мотив повеќе да го цениме, штедиме, чуваме и надоградуваме она што го имаме. Во оваа насока, заедничката соработка помеѓу компанијата и сите институции кои даваат значајна поддршка во процесот е клучна.

Како е дојдено до ситуација да имате толку високи загуби во селото? Колку време не сте работеле во Слупчане?

Ако ја анализираме состојбата, ќе видиме дека некои од проблемите датираат неколку децении. Веројатно сите очекуваат да се најде виновникот, но тоа е невозможно. Има многу причини, главно социјално-економски, но и политички. Дури и ако ги најдеме виновниците, дали тоа ќе ни го реши проблемот, сам по себе. Сигурно не. Тоа што е важно е дека сега работите се променети и има општествен конзензус на оваа тема. Сега сузбивањето на кражбите на електрична енергија и редовно плаќање на сметките за електрична енергија има поширока подршка од јавноста и граѓаните, од политичарите и од невладиниот сектор. Наместо да гледаме наназад, најдобро е да се фокусираме на проблемот и со заедички сили да ги надминеме предизвиците и да создадеме функционален систем во кој сите ќе бидат третирани на еднаков начин и согласно закон. Ние и досега работевме на надминување на овој проблем. За илустрација, минатата година имавме 613 пријави за неовластено користење на електричната енергија кои се процесуираат до обвинителството и судовите. На пример, процесот на постапување по поднесените пријави за неовластено користење, брзината на решавањето и казнивоста од страна на судовите може значително да се подобри. Ова е клучен сегмент за успешно решавање на загубите на електрична енергија.

Дали е вистина дека вакви проекти се реализираат само во албански села?

Неоправдано е кражбите на електрична енергија и неплаќањето на сметките да бидат со етнички предзнак. Оваа е сосема погрешно. Во суштина причините се од социјално-економски карактер, но понекогаш и од лажни политички ветувања во минатото. Еве за пример: Тетово, Кичево и Струга имаат понски загуби од Прилеп. Тетово е еден од регионите со најниски загуби, споредено со другите поголеми градови. Општина Липково исто така е една од општините со пониски загуби и е прва општина во Македонија која што е скоро целосно покриена со паметни броила. Во изминативе десетина години овие проекти се реализирани во сите населени места во општината, освен во Слупчане. Региони кои што имаат потешка социјално-економска состојба или поединци кои што ги попречуваат нашите екипи има на повеќе места во државата, без разлика за кој град или регион станува збор. Слични проекти за модернизација на мрежа кои веќе се спроведени, се во тек или се планираат има и во Прилепско, Битолско, Струмичко, Штипско, Кочанско итн. И таму има поединци со кои сме принудени се справуваме со поддршка на институциите. Набрзо ќе излеземе со подетални информации за неодамна завршени проекти, кои исто така беа актуелни во јавноста, но еве, би ја искористил оваа прилика да соопштам дека загубите на електрична енергија во Арачиново и Грчец во месец Јули беа 10%, што е на ниво на технички загуби во мрежата. Сите активности на Електродистрибуција се спроведуваат непречено. Доколку има каков било предизвик од одредени поединци, институциите реагираат веднаш. Сигурен сум дека ова ќе биде одржливо решение и во иднина. После подолго време и општина Арачиново почна да ги подмирува сметките за водоводни пумпи, за улично осветлување и т.н. Ова значи поголеми приходи на општината по основ за улично осветлување. Овие проекти имаат поширок јавен контекст и бенефиции кои ги чувствуваат сите граѓани.

Зошто е дозволено да се направат милионски суми и толку долго да се толерира неплаќањето? Зошто не сте ги искчучувале и овие корисници како останатите на други места?

Ова е процес кој бара време и ресурси. Со вакви проекти започнавме од 2010 година. Досега се опфатени 100.000 корисници. Паметни броила имаме инсталирано кај 200.000 корисници. Проектот во Слупчане започна во Август и ќе се реализира во наредните 9 месеци. Модернизацијата на мрежата ќе обезбеди точно мерење и наплата на електрична енергија. Согласно нашите планови, со соодветна динамика ќе се спроведуваат вакви проекти и на други места низ земјата, со што дополнително ќе се подигне квалитетот на услугата. Набрзо ќе стартуваме со ваков проект и во Скопје, во централното градско подрачје, а со него меѓу другото ќе бидат опфатени и локалитетот на Серава, како и Старата скопска чаршија. Понатаму продолжуваме и со други региони и населени места во општина Сарај, како Крушопек, Кондово, но исто така и со проекти во општина Аеродром, како и во населбите Драчево, Лисиче и многу други.

Економија

Од задутре нема повеќе гарантирани цени во маркетите, секое нелогично зголемување ќе биде санкционирано, порача Битиќи

Објавено пред

Од задутре нема повеќе гарантирани цени на производите во маркетите.

dobivaj vesti na viber

Но, вицепремиерот за економски прашања, Фатмир Битиќи, порача дека секое нелогично зголемување на производите, кое ќе биде надвор од пазарната логика, ќе биде санкционирано.

„Доколку не се донесе законот за нефер трговски практики, соодветно ќе реагираме. Секое нелогично зголемување на цените, кое ќе биде надвор од пазарната логика, ќе биде санкционирано, а што тоа ќе значи, знаеме од минатото“, рече Битиќи.

Тој оценува дека, конечно, лекцијата кај трговците е научена.

„Ние сметаме дека, конечно, лекцијата е добиена, дека во државата, освен правење бизнис и креирање профит, мора да има морал и етика кај компаниите. Сметам дека замрзнувањето на цената не е една од мерките што соодветствува со пазарната економија, оценувам дека треба да се вратиме во нормалните текови на живеење, а на бизнисмените им останува соодветно да се однесуваат. Тоа нема да значи дека, еве, ако во Собранието нема разум за носењето на законот за нефер трговски практики, ние нема да реагираме“, рече Битиќи.

Според него, конечно е дојдено времето секоја една институција соодветно да реагира.

„Не можеме да бараме одговорност од оние што не се повикани. Комисијата за заштита од конкурентност и Здружението за заштита на потрошувачите се најповиканите што треба да реагираат секогаш кога имаме вакви случувања. Секако ние како Влада дадодвме еден предлог, тој е во собраниска процедура, а тоа е законот за нефер трговски практики, кој не знам зошто не е изгласан“, истакна вицепремиерот.

Прикажи повеќе...

Економија

Народната банка објавува повик за пријавување трудови за 50. сесија на Клубот на истражувачите

Објавено пред

Народната банка објавува повик за пријавување трудови за 50. сесија на Клубот на истражувачите, којашто ќе се одржи на 28 март 2024 година (четврток), со почеток во 14 часот, во просториите на Народната банка. Заинтересираните истражувачи може да се пријават со доставување на материјалот на е-адресата: [email protected], најдоцна до 13 март 2024 година (среда).

dobivaj vesti na viber

Трудовите треба да бидат изработени согласно со трендовите и стандардите на современите истражувања, што подразбира емпириска анализа, како и систематизирани заклучоци од истражувањето.

На сесиите на Клубот како платформа за дискусија и размена на стручни мислења, може да се презентираат резултати и сознанија и од истражување/труд во работна верзија.

Клубот на истражувачите на Народната банка е отворена платформа за презентација и дискусија на научноистражувачки трудови, особено во доменот на монетарната политика и макроекономијата.

Зачленувањето во Клубот на истражувачите е од отворен карактер.

Прикажи повеќе...

Економија

Биткоинот достигна највисоко ниво во последните две години

Објавено пред

Биткоинот, најголемата светска криптовалута, денеска достигна највисоко ниво во последните две години од 56.000 долари подигајќи го поширокиот криптопазар.

dobivaj vesti na viber

Цената на биткоинот порасна повеќе од 10 отсто за два дена, според податоците на CoinMarketCap, откако фирмата за криптоинвестиции и софтвер MicroStrategy објави дека во понеделникот купила приближно 3.000 биткоини за 155 милиони долари.

Компанијата со седиште во Вирџинија моментно е најголемиот сопственик на биткоини со кои јавно се тргува. Компанијата објави дека поседува речиси 190.000 токени од криптовалутата претходно овој месец, што би вредело над 10,5 милијарди долари денес.

Според Грета Јуан, шеф на истражување на платформата за дигитални средства VDX, пазарот бил „охрабрен од криптобикови, како MicroStrategy, како и новиот рекорд на приливи на Bitcoin ETF.

Акциите поврзани со крипто исто така пораснаа во тргувањето во MicroStrategy со седиште во САД и берзата за криптовалути со седиште во Сан Франциско, Coinbase.

Двете компании поврзани со криптовалути забележаа пораст на цените на акциите за 200 проценти во текот на изминатата година.

Прикажи повеќе...

Најново

Македонија8 часа

Извршниот одбор на СДСМ го поддржа Стево Пендаровски за кандидат за Претседател на државата

На денешната седница во Штип, Извршниот одбор на СДСМ ја разгледа информација за спроведената постапка за можни кандидати за Претседател...

Македонија12 часа

(Видео) Средба Пендаровски – Зеленски: Македонија силно ја осудува руската агресија врз Украина

Претседателот Стево Пендаровски, во рамки на учеството на самиот Украина – Југоисточна Европа, денеска во Тирана оствари средба со претседателот...

Топ12 часа

Силувана малолетничка во Скопје

Вчера во 13.30 часот во Полициското одделение Шуто Оризари, 34-годишна жена од Скопје пријавила дека 23-годишниот М.К. од Скопје извршил...

Топ14 часа

Прегазен пешак во Неготино, мажот починал на местото на несреќата

Денеска во 12.25 часот во ОВР Неготино било пријавено дека на паркинг простор на улица „ЈНА“ во Неготино, товарно возило...

Топ15 часа

52-годишна жена починала во охридската болница, била примена во тешка состојба

На 27.2.2024, во 16.25 часот, во СВР Охрид е пријавено дека во ЈЗУ Општа болница Охрид во тешка здравствена состојба...

Македонија16 часа

Уставниот суд го укина делот националност во матичните книги: „Се работи за приватно и внатрешно чувство на човекот“

Уставниот суд на денешната седница донесе одлука, со која се укинува делот националност во три члена од матичните книга на...

Економија18 часа

Од задутре нема повеќе гарантирани цени во маркетите, секое нелогично зголемување ќе биде санкционирано, порача Битиќи

Од задутре нема повеќе гарантирани цени на производите во маркетите. Но, вицепремиерот за економски прашања, Фатмир Битиќи, порача дека секое...

Македонија18 часа

Ванковска поблиску до претседателска кандидатура, собра 7.876 потписи, Јакимовски досега има 6.676

Професорката Билјана Ванковска која е предложена од политичката партија Левица, досега има собрано 7.876 од потребните 10.000 потписи за претседателската...

Топ20 часа

Три лица повредени во сообраќајната несреќа на патот Росоман – Кавадарци

Три лица се повредени, од кои едно потешко во сообраќајната несреќа што се случи утрово на патот Росоман-Кавадарци. Две oд...

Македонија21 час

Законот за пасошите, законот за игрите на среќа и изборот на член на ДИК на дневен ред во Собранието

Денес на дневен ред на седница на Собранието се измените на Законот за патни исправи. Од ВМРО-ДПМНЕ велат дека овие...

Македонија21 час

Владата донесе одлука за приоритетно издавање пасоши за сите професионални возачи

Владата, синоќа на седница донесе одлука со којашто на професионалните возачи кои поседуваат валиден сертификат, Министерството за внатрешни работи треба...

Македонија21 час

Вработените на Универзитетот „Св. Кирил и Методиј“ во Скопје од овој месец ќе добиваат повисоки плати

Владата ја разгледа и усвои и Информацијата за известување за склучен Колективен договор на Сојузот на синдикати на вработените на...

Македонија21 час

Земјотрес во Албанија, почувствуван во Дебар и околината

Земјотрес синоќа во 23 часот и 37 минути ја погоди Албанија. Потресот бил со рихтерова магнитуда од 3,2 степени, на...

Македонија1 ден

Демири: Ќе разговарам со семејството на Леонид Индов за можните решенија за подмирување на досегашните трошоци за рехабилитација

Министерот за здравство д-р Илир Демири информира дека на денешната владина седница беше разгледан случајот на Леонид Индов и исто...

Македонија1 ден

Максим Димитриевски собра 10 000 потписи за кандидат за претседател

Градоначалникот на Куманово Максим Димитриевски собра 10 000 потписи за кандидат за претседател. „Над 10.000+ потписи за кандидат за Претседател!...

Македонија1 ден

Таравари влегува во трка за претседател, собра 10.000 потписи

Кандидатот на опозициските партии на Албанците, Арбен Таравари, е вториот од вкупно единаесетте кандидати кој досега успеа да ги собере...

Македонија2 дена

Македонските граѓани, сепак, ќе може да патуваат со личните карти со старото име во БиХ, информира Бојмацалиев

Дополнителниот заменик-министер за внатрешни работи, Митко Бојмацалиев, оствари телефонски разговор со министерот за безбедност на Босна и Херцеговина, Ненад Нешиќ,...

Македонија2 дена

ДНК собраа 690.000 денари за лекување на Лео со лицитацијата на статуетката од „Златна бубамара“

Музичарите Панчо и Андреј објавија дека успеале да соберат 690.000 денари за лекувањето на Леонид откога ја ставија на лицитација...

Македонија2 дена

ДИК потврди: Османи собра над 10 илјади потписи

Според последните податоци објавени на страната на Државната изборна комисија заклучно со вчерашниот ден, кандидатот на Демократската унија за интеграција,...

Македонија2 дена

(Видео) Јас можам да се туркам и на рацете: кочанчанец го продава својот инвалиден скутер, парите ќе ги намени за лекување на Лео

Кочаначанецот Благојчо Ѓоргиев реши да го проддаде својот скутер за хендикепирани и покрај здравствениот проблем, а парите, како што вели,...