Контакт

Економија

Ковачевски: Нова инвестиција на германски „Кил“ од 9,2 милиони евра и нови 150 работни места

Објавено пред

Премиерот Димитар Ковачевски се обрати на настан по повод новата инвестиција на германската компанијата „Кил Македонија“. Станува збор за изградба на нов производствен капацитет во Технолошко-индустриската развојна зона во Тетово.

dobivaj vesti na viber

Компанијата „Кил Македонија“ веќе успешно работи 6 години во нашата земја и во моментот над 130 наши сограѓани произведуваат иновативни транзитни патнички седишта за комерцијални возила и јавен превоз.

Како што истакна премиерот во своето обраќање, успешниот раст на компанијата доведе до потреба за дополнително проширување на нивното портфолио со нова инвестиција од 9,2 милиони евра, а тоа значи нови 150 работни места, со очекуван вкупен извоз од над 160 милиони евра во следните 10 години. Почетокот на производството од новата фабрика се планира во следната 2023 година.

„Економските политики и Планови на Владата даваат резултати. Ние сме земја членка на НАТО, со почнати преговори за членство во ЕУ, стабилен партнер за вложување на инвестициите на компаниите од Европа и светот. Потврда за тоа се и постоечките инвеститори кои работат во нашата земја, од САД, Франција, Германија, Турција и бројни останати европски земји кои ги споделуваат можностите за инвестиции во нашата земја и условите за раст и развој на компаниите. И во овие тешки кризни времиња наша задача е да обезбедуваме услови за креирање нови работни места, но секако и на подобро платени работни места за да се справиме со растечките трошоци за живот. И тука во германската инвестиција во ‘Кил Македонија’, просечната нето плата е над државниот просек. Само од неколку нови инвестиции кои ги објавивме изминативе неколку месеци се отвораат нови над 1.700 работни места. Да бидам попрецизен од заедничката инвестиција на ‘Јангфенг’ и ‘АРЦ Аутомотив’ ќе се отворат 100 нови работни места, ја отворивме и втората фабрика на американската компанија ‘Кемет електроникс’ во ТИРЗ со нови 360 вработувања, канадската ‘Магна’ во зоната во Струга со над 1.000 вработувања, турската инвестиција ‘Текнопанел’ со која ќе се отворат 120 нови работни места, како и денешната нова инвестиција на германската ‘Кил Македонија’ со околу 150 нови вработувања“, рече Ковачевски.

Министерот за економија Крешник Бектеши истакна дека сите напори коишто ги прави Владата за привлекување  странски инвеститори и обезбедување на најдобра бизнис-клима за компаниите го даваат својот плод.

„Кога го донесовме Планот за економски раст пред речиси пет години имаше многу скептици дека нема да ги даде посакуваните резултати.

Но, резултатите на терен го покажуваат токму спротивното, а тоа е дека со предвидлива бизнис-клима и поддршка на компаниите кои работат на раст и развој и отворање нови работни места успехот е неминовен.

И покрај ковид-кризата и покрај енергетската криза којашто ја зафати цела Европа и носи голема неизвесност, странските инвеститори препознаваат во Северна Македонија сигурен партнер и можност за долгорочно реализирање на своите планови, а со тоа раст и развој на нивните компании“, рече Бектеши.

Амбасадорката Анке Холштајн зборуваше за важноста на новите инвестиции.

„Доверливата клима на соработка со македонската Влада е важен признак за квалитет за локацијата Северна Македонија. Заедно ќе продолжиме да ја негуваме – за успешно да работат тие што веќе се овде, како и за понатаму да ја рекламираат Северна Македонија како добра дестинација за инвестиции“, рече Холштајн.

Економија

Џафери- Рено-Басо: Повеќедецениската соработка со Европската банка за обнова и развој е од големо значење

Објавено пред

На маргините на Инвестицискиот самит за Западен Балкан на Европската банка за обнова и развој, премиерот Џафери оствари билатерална средба со претседателката на Европската банка за обнова и развој (ЕБОР), Одил Рено-Басо.

dobivaj vesti na viber

На средбата, соговорниците изразија меѓусебно задоволство за повеќедецениската соработка и поддршка која Северна Македонија ја добива од Европската банка за обнова и развој.

Претседателката Рено-Басо му го честиташе изборот на премиерот Џафери и изрази очекување дека одличната соработка на ЕБОР со Владата на Република Северна Македонија ќе продолжи и во иднина под негово водство.

Воедно, изрази благодарност за брзото заокружување на процесот на ратификација на амандманите на Договорот за основање на Банката, истакнувајќи ја Северна Македонија како најефикасна земја на тој план, што од ЕБОР високо се цени.

Премиерот Џафери истакна дека, Владата особено ја цени поддршката на ЕБОР, како во јавниот сектор, така и онаа за развој нa приватниот сектор и домашното стопанство. Воедно, ја потврди целосната посветеност на Владата на имплементација на тековното портфолио на проекти, како и на подготовка на идни проекти кои би се финансирале од банката.

Воедно, Џафери ја акцентираше значајноста и видливоста на поддршката на ЕБОР во транспортниот сектор преку која Владата обезбедува подобри услови за граѓаните во патниот и железничкиот сообраќај.

На средбата, соговорниците разговараа и за исклучително значајната поддршка во полето на животната средина преку Регионалниот проект за цврст отпад, како и за изградбата на Пречистителна станица за отпадни води во Скопје. Во истата област се вклучени и проектите за забрзана транзиција од јаглен, како и проектот за регионална гасификација.

Во тој контекст, премиерот Џафери искажа лична благодарност, затоа што тоа претставува значаен и активен двигател на современите реформски процеси и програмски определби, преку обезбедување на силна финансиска и советодавна поддршка во сите области, обезбедувајќи просперитет на граѓаните на Република Северна Македонија.

Прикажи повеќе...

Економија

МЗШВ: Реализирана исплатата за секторите живинарство и свињарство

Објавено пред

Министерството за земјоделство, шумарство и водостопанство ги информира сточарите дека Агенцијата за финансиска поддршка во земјоделството и руралниот развој, денеска ја реализираше исплатата за секторите живинарство и свињарство.

dobivaj vesti na viber

Кон 36 земјоделски стопанства, кои одгледале или продале/заклале амортизирани несилки во период од 1 октомври 2022 година, до 30 септември 2023 година исплатена е финансиска поддршка од 82 милиони денари. Кај оваа мерка висината на финансиската поддршка, по несилка изнесува 120 денари.

Вкупно 7 милиони денари се исплатени кај мерката за женски приплодни грла маторици. Финансиската поддршка е исплатена кон 256 земјоделски стопанства, кои одгледуваат минимум 5 маторици и истите ги чувале до 30.11.2023 година. Кај оваа мерка висината на директните плаќања, по грло маторица изнесува 1.000 денари.

„Новиот модел за субвенционирање ги дава своите очекувани резултати. Сите земјоделци и сточари, се сведоци за брза и навремена исплата на заслужените субвенции“, истакнуваат од ресорното министерство.

Прикажи повеќе...

Економија

Се намалуваат цените на бензинот и дизелот

Објавено пред

Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ) донесе одлука со која се врши намалување на малопродажните цени на нафтените деривати во просек за 0,66 % во однос на одлуката од 23.2.2024 година.

dobivaj vesti na viber

Референтните цени на нафтените деривати на светскиот пазар во споредба со претходната пресметка бележат намалување во просек: кај бензините 1,454 %, кај дизелот 0,742 %, кај екстра-лесното масло 2,637 % и кај „мазутот“ зголемувањето е 1,773 %.

Курсот на денарот во однос на доларот во изминатиот период по кој беа формирани цените со претходната пресметка е понизок 0,187 %.

„Напоменуваме дека ова се максималните цени на нафтените деривати од 00.01 часот на 27.2.2024 година. Трговците на големо и трговците на мало со нафтени деривати и горива за транспорт може да ги формираат цените на одделни нафтени деривати и горива за транспорт и пониско од највисоките утврдени цени“, велат од РКЕ.

Прикажи повеќе...

Најново

Македонија42 минути

ДНК собраа 690.000 денари за лекување на Лео со лицитацијата на статуетката од „Златна Бубамара“

Музичарите Панчо и Андреј објавија дека успеале да соберат 690.000 денари за лекувањето на Леонид, откога ја ставија на лицитација...

Македонија55 минути

ДИК потврди: Османи собра над 10 илјади потписи

Според последните податоци објавени на страната на Државната изборна комисија заклучно со вчерашниот ден, кандидатот на Демократската унија за интеграција,...

Македонија1 час

(Видео) Јас можам да се туркам и на рацете: кочанчанец го продава својот инвалиден скутер, парите ќе ги намени за лекување на Лео

Кочаначанецот Благојчо Ѓоргиев реши да го проддаде неговиот скутер за хендикепирани и покрај здравствениот проблем, а парите како што вели,...

Македонија1 час

Убиството во Блаце можно е да е поврзано со пожарот во Чаир

Скопското обвинителство изврши увид на лице место во близина на Блаце, каде вчера беше пронајдено безживотно тело на маж со...

Македонија2 часа

Вчерашното убиство е продолжение на крвавата наркопресметка, силата на криминалните кланови е од Спасовски, велат од ВМРО-ДПМНЕ

„Дали СДС си ги чита срамните соопштенија пред да ги пушти, или ја оставиле партијата на деца кои глумат партија....

Свет2 часа

Гутереш: Нуклеарна сенка над човештвото

Генералниот секретар на Обединетите нации, Антонио Гутереш денеска изјави дека нуклеарната сенка повторно се надвила над човештвото, додавајќи дека ризикот...

Македонија3 часа

СДСМ: Убиство и запалено кафуле во еден ден, Тошковски и кадрите на Мицкоски покажуваат голема некадарност во водењето на МВР

Убиство и запалено кафуле во Скопје само за неколку часа, велат од СДСМ. „Министерот и началникот на СВР Скопје, кадри...

Свет3 часа

Бајден: Израел се согласи на прекин на огнот за рамазан, ризикува да ја загуби поддршката од светот

Американскиот претседател Џо Бајден изјави дека Израел се согласил да ги прекине воените активности во Појасот Газа за време на...

Топ15 часа

Уште едно убиство во Македонија: 56-годишен маж застрелан во близина на патот кон Горно Блаце

Убиство се случи попладнево на локалниот пат од Долно кон Горно Блаце. Според првичните информации од полицијата, убиениот бил најден...

Македонија16 часа

(Видео) Османи прв собра 10.000 потписи за претседател: „Веста ме најде во домашен амбиент“

Кандидатот за претседател од редовите на ДУИ и актуелен шеф на МНР, Бујар Османи,  преку видео порака објави дека собрал...

Македонија17 часа

Според грчкиот министер „преспанскиот“ за пасошите мора да се почитува, а меморандумите во Грција ќе бидат ратификувани кога ќе им дојде времето

Грчкиот министер за надворешни работи, Јоргос Герапетритис, се осврна на Преспанскиот договор, одговарајќи на прашање на СИРИЗА за ратификување на трите...

Свет18 часа

Унгарија најпосле и’ дозволи на Шведска да влезе во НАТО

По речиси две години, Унгарија најпосле ја ратификуваше одлуката за влез на Шведска во НАТО. Одлуката денеска ја донесе унгарскиот...

Регион19 часа

Извештај на ЕБОР: На Западен Балкан ќе му бидат потребни помеѓу 40 и 70 години за да го достигне животниот стандард на ЕУ

Стандардот на живеење во Западен Балкан сè уште е значително понизок од оној во Европската унија и би можеле да...

Топ19 часа

Ја малтретирале малолетната ќерка: кривична за двајцата родители од Скопје

На 24.2.2024 во Полициската станица Бит-пазар бил извршен службен разговор со Е. М. (42) и Ф. М. (37), двајцата од...

Македонија20 часа

(Видео) Петковиќ: За извршителите и судиите што не ги бришат застарените долгови чаре се кривични пријави

Кривична пријава за злоупотреба на службената положба и овластувањето против извршителите и судиите што не носат одлуки за бришење на...

Македонија20 часа

Нема вина кај лекарите за случајот на Веапоска според вештачењето побарано од одбраната на обвинетите

Во Основниот суд во Струга продолжи расправата во судскиот процес против тројцата струшки лекари, гинекологот Мухамед Асани, неговиот син, доктор...

Македонија22 часа

„Пред неколку години четвртина бурек со јогурт беше 50, сега е 120 денари“, Мицкоски со одговор до СДСМ за просечната плата

Претседателот на ВМРО-ДПМНЕ, Христијан Мицкоски денеска беше на теренска посета на увид на градежни активности во општина Гази Баба, каде...

Економија22 часа

Се намалуваат цените на бензинот и дизелот

Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ) донесе одлука...

Свет24 часа

(Видео) Хаос во Брисел: земјоделците палат гуми, пробиена полициската блокада

Земјоделците запалија купишта стари гуми во Брисел во знак на протест барајќи акција од ЕУ за прашањата од евтините цени...

Македонија1 ден

Спречен шверц на апарати за игри на среќа на царинската филијала во Гевгелија

Девет апарати за игри на среќа, како и 405 делови за одржување, се запленети кога увозник се обидел да ги...