Економија
Пендаровски – Ангеловска-Бежоска: Успешно се одржува макроекономската стабилност, економијата постепено закрепнува

Проекциите на Народната банка, коишто се многу блиску до проекциите на меѓународните финансиски институции, упатуваат на натамошно постепено закрепнување на македонската економија – за следната година се очекува раст од 3,9%, со што би се достигнало и би се надминало преткризното ниво на економски раст. Сепак, постојат ризици поврзани пред сè со натамошниот развој на пандемијата со појавата на новите соеви, што бара внимателно следење на состојбите во економијата и навремена реакција од носителите на политиките, доколку е потребно. И во периодот на справување со пандемијата, спроведувањето на структурните реформи е од исклучителна важност, бидејќи тие се предуслов за одржлив и повисок економски раст.
Ова се дел од констатациите коишто беа изнесени на редовниот работен состанок меѓу претседателот на Република Северна Македонија, Стево Пендаровски, и гувернерката на Народната банка, Анита Ангеловска-Бежоска. На состанокот на којшто учествуваа и вицегувернерите на Народната банка и претставници на експертскиот тим на претседателот се разговараше за економските остварувања оваа година и очекувањата и оцените на Народната банка за следниот период, согласно со најновите проекции.
Гувернерката се осврна и на очекуваната структура на економскиот раст, при што посочи дека и натаму се оценува дека тој ќе произлегува од домашната побарувачка.
„И во овој период на справување со пандемијата не треба да заборавиме на структурните реформи, коишто се клучни за економијата. Натамошно спроведување на структурните реформи е особено важно за да се зголеми долгорочниот потенцијал на македонската економија, да се намали ранливоста и следствено на тоа, да се зголеми просторот на политиките за подобро справување со идни шокови. Во услови кога просторот за реакција на макроекономските политики е намален, потребно е фокусот да се стави на целни политики и мерки коишто ќе ја поддржат посткризната трансформација на економијата“ – нагласи меѓу другото, Ангеловска-Бежоска.
На состанокот беше истакнато дека е мошне важно што Народната банка постојано внимателно ги следи движењата и ризиците, и како независна и професионална институција, постојано е подготвена доколку е потребно, соодветно да реагира во рамките на своите надлежности, заради постигнување макроекономска стабилност и поддршка на македонската економија, притоа успешно остварувајќи ги своите законски цели и задачи.
Во разговорот, одделно беше нагласено дека во сиот тек на кризата, од исклучително голема важност е одржаната стабилност на банкарскиот систем, којшто обезбеди поддршка за економијата, а од него се очекува поддршка на економскиот раст и во следниот период, имајќи ја предвид и неговата отпорност на шокови, покажана на последните стрес-тестирања. Конкретно, кредитната поддршка за економијата и натаму е солидна, со раст којшто за оваа година би изнесувал околу 7% и постепено би забрзал достигнувајќи околу 8% на среден рок. Слични се очекувањата и за движењето на депозитите.
Истовремено, на состанокот се отворија прашања и за активностите коишто Народната банка ги планира за следниот период, за заштита на потрошувачите корисници на финансиски услуги и за финансиска едукација и за очекуваните ефекти од носењето нов Закон за платежни услуги и платни системи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Економија
Нов јавен клуч на УЈП за потпишување на МПИН пресметките

Управата за јавни приходи ги информира даночните обврзници и вршителите на сметководствена дејност дека генерираше нов јавен клуч со важност од 27 мај 2025 година кој треба да се користи за криптирање на МПИН пресметките изготвени преку Клиентскиот софтвер.
Даночните обврзници кои имаат активен код за идентификација треба задолжително да го преземат новиот јавен клуч на Управата за јавни приходи, од веб – страницата на УЈП (види линк http://ujp.gov.mk/mk/obrasci/opis/257).
„Напомeнуваме дека новиот јавен клуч треба да се ископира на работната машина на која е инсталиран Клиентскиот софтвер за подготовка на МПИН пресметки, на патека C:\MPPP-Prijavi\kod. Новите даночни обврзници на кои по прв пат им се генерира код за идентификација треба истиот да го инсталираат заедно со новиот клуч на УЈП, кои ќе ги добијат на USB (доколку барањето за код го имаат доставено во хартиена форма до шалтерите на УЈП), односно ќе ги преземат преку системот е-Даночни услуги (доколку барањето за нов код за идентификација го доставиле во електронска форма)“, велат од УЈП.
Истово важи и за постоечките даночни обврзници кои го менуваат кодот за идентификација.
„Сите даночни обврзници кои сѐ уште немаат поднесено МПИН пресметка за мај 2025, како и оние кои во текот на вчерашниот ден добија порака дека МПИН пресметката нема да им биде обработена, по преземањето на новиот јавен клуч, да изготват МПИН пресметка и да ја поднесат до Управата за јавни приходи“, велат од Управата.
Економија
Матура еден ден – финансиска слобода засекогаш

Водич за матуранти кои знаат што сакаат
Поминаа сите тестови, сите стресови околу матурската вечер, фотографирањата и прашањата „а што понатаму?“. Официјално завршува едно поглавје, но она што следи е уште поважно – самостојност.
Моментот кога ќе почнете да носите одлуки за себе, за своето време, за своите пари – е почеток на зрелоста. И колку и да изгледа предизвикувачки, таа самостојност може да започне со еден едноставен, но значаен чекор, а тоа е финансиската грижа за себе.
Паметен почеток значи сигурност
Финансиската писменост не е резервирана само за возрасни. Напротив, колку порано ја стекнете, толку подобро ќе се снаоѓате во сè што следи – студии, први патувања, први сериозни обврски, први приходи. Да имате сметка што не ве оптоварува со непотребни трошоци, да можете самостојно да префрлате пари или да платите нешто онлајн, да знаете каде ви се парите и како ги користите, тоа се мали чекори што водат кон голема самодоверба.
Halk EZ – вашата прва вистинска сметка
Halk EZ е банкарски пакет од Халкбанк, дизајниран за млади на возраст од 16 до 24 години. Преку овој пакет добивате Visa PayWave дебитна картичка без годишна членарина, бесплатна мобилна апликација и електронско банкарство, како и сметка без трошоци за одржување. Со Halk EZ можете да подигнувате готовина без провизија од сите банкомати во земјата, но и во странство – без дополнителни трошоци од страна на Халкбанк.
Сè е осмислено така што вие да можете самостојно и сигурно да ги водите вашите финансии – без компликации и без непријатни изненадувања.
Зошто баш сега?
Затоа што ова е моментот кога сè почнува. Ќе патувате самостојно, ќе се селите во друг град, ќе се справувате со сопствени трошоци и ќе планирате нови искуства. Ќе имате желби што ќе бараат поддршка – и ќе ви биде важно да ја имате контролата во свои раце. Halk EZ е тука да ви помогне во тоа – не како товар, туку како практична, флексибилна алатка што ве следи на секој чекор.
Наместо да чекате да „пораснете“, почнете веднаш – со вистинските ресурси, во вистинско време.
ПР
Економија
Со нов инвестициски циклус „ТИТАН Усје“ го одбележува 70-годишниот јубилеј

Со нов инвестициски циклус во дигитализација на процесите, имплементација на модели базирани на вештачка интелигенција и нови производи по највисоките еколошки стандарди, „ТИТАН Усје“ ќе го одбележи 70-годишниот јубилеј.
Само во следниот период до 2030 година инвестициите во овие сегменти ќе надминат 50 милиони евра, со што дополнително ќе се поттикне развојот.
Како дел од интернационалната групација Титан, компанијата ги имплементира највисоките стандарди во индустријата на градежни материјали. Брза имплементација на напредна технологија и употреба на вештачка интелигенција е дел од стратегијата на групацијата и истата се спроведува во сите нејзини компании.
„Овој значаен јубилеј за нашата компанија, но и за заедницата, го одбележуваме со најава на многу активности поддржани со сериозни инвестиции, бидејќи ние продолжуваме да ја градиме иднината на нашата компанија. Брзите промени во светот бараат посветеност и континуитет, а ние сме целосно посветени на овие процеси кои за ТИТАН Усје значат трансформација и модернизација. Нашите вработени се основата на нашето работење и во насока на подобрување на условите за работа, реализираме низа програми. Како нераскинлив дел од заедницата, УСЈЕ со еднакво внимание иницира и поддржува активности кои се од јавен интерес. Ние во рамките на групацијата делиме заеднички вредности- поаѓајки од грижата и посветеноста, смело се соочувме со предизвици, градиме трајни вредности и го одржуваме зборот преку доследно дејствување. Овие вредности не се само генерални принципи што ги почитуваме, туку ја претставуваат нашата суштина, нашата култура и го дефинира начинот на кој работиме. Посветено продолжуваме да работиме во правец на креирање на развој и просперитет “, истакна Константинос Николаоу главен извршен директор на ТИТАН Усје.
Декарбонизацијата е една од клучните области каде ТИТАН Усје има постигнато значителен напредок. Имено, компанијата е прва во инсталирање на капацитети за употреба на алтернативни горива за енергија, со што значително се намалија емисиите на CO₂. Покрај тоа неодамна беше пуштена во употреба и фотоволтаична централа, со што емисиите на CO₂ се намалија за над 10 %. Едно од клучните достигнувања е развојот на автономен систем за оптимизација на производството во реално време, преку што значително се зголеми ефикасноста на производството, се намали потрошувачката на енергија и се подобри квалитетот на производите.
Во изминатите децении ТИТАН Усје во континуитет работеше на поддршка и развој на заедницата. Во проекти од областа на заштитата на животната средина, образованието, како и соработка со академската заедница, досега се инвестирани 950.000 евра. Преку најновиот проект на ТИТАН Усје „Иноваториум – клуб на напредни знаења и вештини“, за само неколку месеци, над 200 ученици од основните училишта од општината Кисела Вода поминаа обука за 3Д печатење.
ТИТАН Усје продолжува да соработува со сите свои партнери во насока на креирање развој.
(ПР)