Економија
Македонија ќе и предложи на Русија бесцарински режим
Македонија и Русија имаат традиционално пријателски односи на политичко, културно и научно поле, но на економски план постои голем нереализирани потенцијал, кој треба да се искористи од двете страни
Македонија и Русија имаат традиционално пријателски односи на политичко, културно и научно поле, но на економски план постои голем нереализирани потенцијал, кој треба да се искористи од двете страниОва беше констатирано на денешниот форум на Македонско-руската стопанска комора, која одбележа јубилеј од пет години од своето постоење.Воедно беше истакнато дека најважни задачи во трговските односи помеѓу двете држави е зголемување на трговската размена, која во изминатата години забележа драстичен пад од 46 отсто и исправување на огромниот трговски дисбаланс.Трговската размена помеѓу двете држави во 2008 година достигна милијарда долари, но лани поради економската криза се намали на 517 милиони долари, при што македонскиот извоз изнесува скромни 22,5 милиони долари, наспроти увозот од 495 милиони долари.Македонскиот министер за финансии Зоран Ставрески најави дека во интерес на зголемување на обемот и пред се намалувањето на македонскиот дефицит потребно е да се прошират контактите и да се либерализира трговската размена.„Од таа причина македонската влада ќе иницира потпишување на договор за слободна трговија, односно за трговија без царини, со Руската федерација“, рече Ставрески, изразувајќи надеж дека иницијативата ќе биде прифатена и од другата страна.Потенцирајќи дека македонските компании во Русија се присутни само во фармацијата, автомобилската индустрија и делумно градежништвото, Ставрески изрази надеж дека наскоро македонски компании ќе бидат присутни и во металопреработувачкиот комплекс, градежништвото, земјоделството и туризмот.„Место за нашите земјоделски производи има, посебно за виното, свежиот зеленчук, овошје и други производи, кои ќе бидат многу поконкурентни, ако се укинат увозните давачки“, рече Ставрески.Рускиот амбасадор во Македонија Владимир Солоцински уште еднаш ги повика македонскиот компании да не бараат партнери само во Московската област, туку во регионите на Русија каде што македонските производители ќе бидат повеќе барани.„Убеден сум дека главните фактори за зајакнување на трговската размена е воспоставувањето и развојот на директните деловни врски помеѓу стопанските субјекти на двете земји“, изјави Солоцински.Тој информираше дека според оптимистичките прогнози при постоечките цени на нафтата, растот на руската економија годинава би можел да достигне шест отсто, а до 2012 година тој да изнесува 11 отсто.Претседателот на Македонско-руската стопанска Ѓорѓи Дика комора истакна дека за зајакнување на економската соработка помеѓу двете држави потребно е воведување на директна авионска и железничка линија.Тој укажа на појавата дека македонски производи на рускиот пазар се продаваат под знаме на туѓа држава, што меѓудругото се должи на немањето на договор за трговската либерализација. /крај/ап/
Затворањето на клириншкиот долг со Русија пролонгирано за мај
Ставрески: Опозицијата да биде конструктивна, а не малодушна
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Битиќи: Осигурителните компании да го повлечат зголемувањето на цените, а на граѓаните да им се компензираат средствата
Вицепремиерот задолжен за европски прашања, Фатмир Битиќи, на својата официјална Фејсбук страница имаше реакција на едностраната одлука на осигурителните компании за менување на тарифата и зголемувањето на цените на задолжителната осигурителна полиса за регистрација на возила.
„Згрозен сум од зголемувањето на сумата за задолжителна осигурителна полиса од страна на осигурителните компании. Ова може да се толкува и како директен атак, или политичко мешање на компаниите за осигурување, бидејќи тарифникот со тие зголемувања два пати е доставен до Владата и два пати не е одобрен на Владина седница.
Ова е манипулативен начин со кој надвор од предвидената процедура осигурителните компании изнаоѓаат начин да ја зголемат цената на авто осигурувањето на грбот на граѓаните.
Ова е пример за длабоката држава која мора да се искорени.
Го повикувам ресорното министерство за финансии и комисијата за заштита на конкуренција да постапат и да покренат постапка за олигополско здружување и осигурителните компании да го повлечат зголемувањето на цените, а на граѓаните кои веќе платиле повисоки цени очекувам да им се компензираат средствата“, реагира вицепремиерот.
Економија
ЕУ одвои 13,79 милиони евра за прекуграничен одржлив развој во Македонија и Албанија
Македонија и Албанија заедно ја започнаа Програмата за прекугранична соработка ИПА 3 во Корча.
Финансирана од ЕУ со буџет од 13,79 милиони евра, оваа Програма ја потенцира ангажираноста на двете земји да се усогласат со стандардите на ЕУ за одржлив развој и регионална интеграција до 2027 година.
Дополнително на промоцијата, беше најавен и предстојниот повик за предлози во рамките на програмата ИПА 3, поканувајќи заинтересирани страни да учествуваат во оваа Програма.
„Оваа иницијатива не само што се фокусира на клучни области како што се еколошката одржливост и социо-економскиот развој, туку исто така претставува клучен чекор кон нашата конечна цел за интеграција во ЕУ. Токму денеска најавуваме дека новиот повик за предлози ќе биде отворен многу наскоро, обезбедувајќи можности за конкретни и клучни проекти“, изјави Алтин Зечо, директор за конвергенција и кохезија со ЕУ, Државна агенција за стратешко планирање и координација на помош (САСПАК).
Зечо дополнително истакна дека членство во ЕУ бара зголемена соработка помеѓу нашите две земји, каде координирањето на заеднички политики и меѓусебната поддршка за постигнување на нашите цели и приоритети кон интеграција во ЕУ останува важен процес.
Вулнет Арифи, шеф на одделот за ЕУ и координатор за СБС, при Министерство за локална самоуправа на Република Северна Македонија, ја истакна улогата на Програмата во забрзувањето на аспирациите за членство во ЕУ.
„Со изградба на основите поставени од ИПА 2, оваа Програма не само што ја проширува соработката меѓу земјите, туку и повеќе ги усогласува нашите регионални политики со стандардите на ЕУ, отворајќи го патот за нашето очекувано пристапување. Претстојниот повик за предлози дополнително ќе ги активира нашите заедници да се ангажираат длабоко со нашиот процес на интеграција во ЕУ“, изјави Арифи.
Брисеида Ѓоза од Антена канцеларијата Северна Македонија – Албанија го истакна целосниот пристап на програмата: „ИПА 3 е детално креирана за да ги зголеми нашите регионални капацитети за исполнување на критериумите на ЕУ, фокусирајќи се на климатска отпорност, одржлив туризам и зачувување на културното наследство. Ги охрабруваме заинтересираните страни да се подготват за претстојниот повик, кој ветува дека ќе ги зајакне нашите заеднички напори.“
Ова стратешко вложување од ЕУ преку Програмата ИПА 3 е доказ за постојаните напори на Северна Македонија и Албанија за влез во ЕУ, испраќајќи директна порака за нивното патување кон европската интеграција.
Економија
Потпишан договор за реализација на новата инвестиција на турската компанија Шахтерм во ТИРЗ
Директорот на ТИРЗ, Јован Деспотовски и генералниот менаџер на компанијата „Шахтерм“, Фарук Шахин, потпишаа договор за реализација на новата турска инвестиција во Македонија. Со договорот кој го потпишаа во Бурса, се предвидува закуп на земјиште во ТИРЗ Скопје 2 со површина од над 20.000 м2 и изградба на објект со површина од над 13.000 м2. Ова е прва од двете фази на реализација на инвестицијата.
Потпишувањето на договорот следи само 4 месеци по најавата за новата турска инвестиција во земјава. Турската компанија ја зголеми и првично планираната инвестиција од 70 милиони евра на 100 милиони евра. Според деловниот план компанијата во наредните 10 години предвидува отворање на 1000 нови работни места. Новата инвестиција ќе опфати и центар за истражување и развој, а ќе преставува прв производствен капацитет на „Шахтерм“ надвор од Република Турција.
Потпишувањето на договорот е во рамки на посетата на Турција на делегација на ТИРЗ предводена од Деспотовски во рамки на која е предвидена и презентација на инвестициските можности пред турски компании. На потпишувањето присуствуваше и македонскиот амбасадор во Турција, Јован Манасиевски и Џунејт Шенер, потпретседател на бордот на директори на Стопанската комора на Бурса.
Инаку компанијата “Шахтерм“ има повеќе од 40 години искуство во дизајн и производство на системи за греење за бела техника и апарати за домаќинство. Во моментот, „Шахтерм“ е дел од водечките пет компании во оваа дејност на глобално ниво, со повеќе од половина од годишното производство наменето за пазарите надвор од Турција.
Листата на клиенти е составена од познати светски производители на бела техника и апарати за домаќинство како „Вирпул“, „Амика“, „Горење“, „Беко“ и „Кенди“.