Економија
Зголемен берзанскиот промет во понеделник
Вкупен промет од 19.879.250,38 денари преку 83 трансакции, остварен е во понеделникот на Македонската берза за хартии од вредност, што е за 70 отсто повеќе во однос на петокот.
Вкупен промет од 19.879.250,38 денари преку 83 трансакции, остварен е во понеделникот на Македонската берза за хартии од вредност, што е за 70 отсто повеќе во однос на петокот.Од овој промет поголемиот дел од вредноста се оствари на Официјалниот пазар за хартии од вредност од 19.199.117,38 денари преку 73 трансакции, додека тргување во износ од 680.133,00 денари беше остварено на Редовниот пазар преку 10 трансакции. Индексот МБИ10 го продолжи својот надолен тренд од изминатата седмица и падна за дополнителни 0,58 отсто и изнесува 2.370,89, МБИД истотака забележа намалување на вредноста за 0,09 отсто и достигна 2.540,86, додека ОМБ порасна за 0,58 отсто и оствари вредност од 109,58 поени.Најголемо учество во прометот на Официјалниот пазар имаше обврзницата од денационализација од деветата емисија на Република Македонија во износ од 12.960.803,35 денари преку 27 трансакции по просечна цена од 81,22. Втора најтргувана беше обврзницата од денационализација од осмата емисија на Република Македонија, со која беше остварен промет во износ од 3.055.188,74 денари по просечна цена од 80,85.На Официјалниот пазар од акциите најголем промет беше остварен со акциите издадени од Топлификација АД Скопје и по просечна цена од 3.699,34 денари беше остварена вредност од 1.120.900,00 денари.Втора по реализираниот промет беше акцијата на Комерцијална банка АД Скопје со која беа остварени 765.380,00 денари по просечна цена од 3.229,45 денари.Трета по промет на овој пазар беше акцијата на Алкалоид АД Скопје со остварени 339.515,00 денари кои се тргуваа по просечна цена од 3.858,12 денари, и при тоа со нив се истргуваа 88 обични акции.На Редовниот пазар најмногу се тргуваше со акциите на Македонски Телеком АД Скопје со кои се истргуваа 677.008,00 денари на промет кои се тргуваа по цена од 414,58 денари од акција, и при тоа со нив се истргуваа вкупно 1.633 акции. /крај/со/ап/ Пет најтргувани хартии од вредност1. Р. Македонија обврзници од денационализација 092 Р. Македонија обврзници од денационализација 083. Топлификација АД Скопје4. Комерцијална банка АД Скопје5. Македонски телеком АД СкопјеХартии од вредност со најголем раст1. Р. Македонија обврзници од денационализација 09 1,35%2 Р. Македонија обврзници од денационализација 08 1,06%3. Р.Македонија обврзници од старо девизно штедење 0,31%4 Комерцијална банка АД Скопје 0,05% Хартии од вредност со најголем пад1. Солун 2001 АД Гевгелија 37,50%2. Алкалоид АД Скопје 2,33%3. Македонија турист АД Скопје 1,23%4. Македонски телеком АД Скопје 0,82%5. Топлификација АД Скопје 0,80%
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Вицегувернерката Митреска: Народната банка го поттикнува зеленото кредитирање
„Народната банка ги препозна ризиците од климатските промени на долг рок, зазеде проактивен став и како една од своите стратегиски цели ги постави зголемената свесност за климатските промени и придонесот кон зелената одржлива економија“, посочи вицегувернерката на Народната банка, Ана Митреска, во интервју за „Блумберг Адрија“, при што истакна дека „зелената агенда“ е вградена во Стратегискиот план на Народната банка. Во период од четири години нивото на „зелените кредити“ е зголемено за околу 2,5 пати.
Митреска посочи дека заради поддршка на зелените финансии и за справување со климатските ризици, Народната банка донесе среднорочен план којшто предвидува конкретни акциски планови или активности во повеќе сфери на работењето на Народната банка, како регулативата, супервизијата, финансиската стабилност, истражувањето и меѓународната соработка.
„Неодамна донесовме и конкретни насоки за банките коишто треба да претставуваат еден вид мапа за начинот на кој треба да се однесуваат банките во однос на мерењето, оценувањето и управувањето со ризиците од климатските промени. Уште пред неколку години го променивме концептот на инструментот за задолжителна резерва заради поттикнување на зеленото кредитирање. Во рамките на институцијата работиме и на политиката на одржливост на банката, што значи подобрување на нашиот корпоративен профил во однос на одржливоста како концепт“, посочи Митреска, истакнувајќи дека Народната банка применува систематизиран пристап кога станува збор за зелената економија и справувањето со ризиците од климатски промени.
„Кредитите со зелена компонента се кредити коишто се насочени кон зголемување на енергетската ефикасност, и на корпоративниот сектор, и на населението, вложување, односно инвестиции во проекти коишто се однесуваат на обновливи извори на енергија, проекти коишто подразбираат користење одржливи материјали, одржливи решенија“, објасни Митреска и посочи дека станува збор за кредитирање коешто е насочено кон инвестициите наменети за заштита на животната средина и ублажување на ефектите од климатските промени врз околината.
Економија
Од полноќ нови цени на горивата
Регулаторната комисија за енергетика донесе oдлука со која се врши намалување на малопродажните цени на нафтените деривати во просек за 0,09 % во однос на одлуката од 15.4.2024 година.
Од 23.4.2024 година, од 00.01 часот, максималните цени на нафтените деривати ќе изнесуваат:
Моторен бензин ЕВРОСУПЕР БС-95 – 87,50 (денари/литар)
Моторен бензин ЕВРОСУПЕР БС-98 – 90,00 (денари/литар)
Дизел-гориво ЕВРОДИЗЕЛ БС (Д-Е V) – 76,00 (денари/литар)
Масло за горење екстра-лесно 1 (ЕЛ-1) – 76,00 (денари/литар)
Мазут М-1 НС – 44,554 (денари/килограм)
Малопродажните цени на ЕВРОДИЗЕЛОТ (Д-Е V) и на екстра-лесното масло за домаќинство на (ЕЛ-1) се намалуваат 1,50 денар/л.
Малопродажната цена на бензинот ЕВРОСУПЕР БС-95 се зголемува 1,00 денар/л, а малопродажната цена бензинот ЕВРОСУПЕР БС-98 се зголемува 1,50 денар/л.
Малопродажната цена на мазутот М-1 НС се зголемува 0,252 денари/кг и ќе изнесува 44,554 денари/кг.
Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините 0,608 %, кај дизелот намалувањето е 5,088 %, кај екстра-лесното масло намалувањето е 4,799 % и кај мазутот намалувањето е 1,138 %.
Курсот на денарот во однос на доларот во изминатиот период по кој беа формирани цените со претходната пресметка е повисок 1,618 %.
Економија
МЗШВ: Кон 4.033 одгледувачи на говеда исплатени 100 милиони денари дополнителни субвенции за обележани говеда
Министерството за земјоделство, шумарство и водостопанство ги информира сточарите, одгледувачи на говеда, дека денеска Агенцијата за финансиска поддршка во земјоделството и руралниот развој ја реализираше исплатата на дополнителните директни плаќања за обележани грла говеда постари од 12 месеци.
Исплатени се 4.033 одгледувачи на говеда, со вкупна вредност на поддршка од 100 милиони денари.
Висината на директните плаќања изнесува 2.600 денари по женско грло, кое на денот на поднесувањето на барањето има наполнето 12 месеци.
Како корисници на оваа подмерка се јавуваат земјоделските стопанства корисници на основните директни плаќања за обележани грла говеда постари од 12 месеци, а кои сопственото производство на млеко го имаат предадено на регистриран откупувач на сурово млеко или продале или заклале говеда во преработувачки капацитети.