Економија
Исклучително низок промет на берзата
Исклучително низок промет од 3.379.536,85 денари (близу 55 илјади евра), преку 54 трансакции, остварен е во вторникот на Македонската берза за хартии од вредност.
Исклучително низок промет од 3.379.536,85 денари (близу 55 илјади евра), преку 54 трансакции, остварен е во вторникот на Македонската берза за хартии од вредност. Од овој промет поголемиот дел од вредноста се оствари на Официјалниот пазар за хартии од вредност од 2.439.544,85 денари преку 40 трансакции, додека тргување во износ од 940.052,00 денари беше остварено на Редовниот пазар преку 14 трансакции. Индексот МБИ10 порасна за 0,25% и изнесуваше 2.376,81, МБИД забележа зголемување на вредноста за 0,13% и достигна 2.544,25, додека ОМБ падна за 0,67% и оствари вредност од 108,85.
Најголемо учество во прометот на Официјалниот пазар имаше акцијата на Комерцијална банка АД Скопје која се тргуваше по просечна цена од 3.269,70 денари и преку седум трансакции беше остварен промет во износ од 863.200,00 денари.
Од акциите втора по реализираниот промет беше акцијата на Алкалоид АД Скопје со која беа остварени 480.195,00 денари по просечна цена од 3.872,54 денари.
Трета по промет на овој пазар беше акцијата на Гранит АД Скопје со остварени 286.421,00 денари кои се тргуваа по просечна цена од 619,96 денари.
Од обврзниците најтргувана беше обврзницата од старото девизно штедење на Република Македонија во износ од 105.286,98 денари по просечна цена од 95,53.
На Редовниот пазар најмногу се тргуваше со акциите на Тутунска банка АД Скопје со кои се истргуваа 330.600,00 денари на промет кои се тргуваа по цена од 3.800,00 денари од акција, и при тоа со нив се истргуваа вкупно 87 акции. /крај/еб/ап/Пет најтргувани хартии од вредност1. Комерцијална банка АД Скопје2 Алкалоид АД Скопје3. Тутунска банка АД Скопје4. Гранит АД Скопје5. Индустриски ладилник АД ТетовоХартии од вредност со најголем раст1. Комерцијална банка АД Скопје 1,25%2 Тутунска банка АД Скопје 1,10%3. Алкалоид АД Скопје 0,37%4 Р. Македонија обврзници од денационализација 03 0,15% 5. Македонски телеком АД Скопје 0,10%Хартии од вредност со најголем пад1. Попова кула АД Демир капија 4,55%2. Цементарница Усје АД Скопје 2,99%3. Бетон АД Скопје 2,52%4 Р. Македонија обврзници од денационализација 09 1,50%5. Р. Македонија обврзници од старо девизно штедење 0,80%
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Вицегувернерката Митреска: Народната банка го поттикнува зеленото кредитирање
„Народната банка ги препозна ризиците од климатските промени на долг рок, зазеде проактивен став и како една од своите стратегиски цели ги постави зголемената свесност за климатските промени и придонесот кон зелената одржлива економија“, посочи вицегувернерката на Народната банка, Ана Митреска, во интервју за „Блумберг Адрија“, при што истакна дека „зелената агенда“ е вградена во Стратегискиот план на Народната банка. Во период од четири години нивото на „зелените кредити“ е зголемено за околу 2,5 пати.
Митреска посочи дека заради поддршка на зелените финансии и за справување со климатските ризици, Народната банка донесе среднорочен план којшто предвидува конкретни акциски планови или активности во повеќе сфери на работењето на Народната банка, како регулативата, супервизијата, финансиската стабилност, истражувањето и меѓународната соработка.
„Неодамна донесовме и конкретни насоки за банките коишто треба да претставуваат еден вид мапа за начинот на кој треба да се однесуваат банките во однос на мерењето, оценувањето и управувањето со ризиците од климатските промени. Уште пред неколку години го променивме концептот на инструментот за задолжителна резерва заради поттикнување на зеленото кредитирање. Во рамките на институцијата работиме и на политиката на одржливост на банката, што значи подобрување на нашиот корпоративен профил во однос на одржливоста како концепт“, посочи Митреска, истакнувајќи дека Народната банка применува систематизиран пристап кога станува збор за зелената економија и справувањето со ризиците од климатски промени.
„Кредитите со зелена компонента се кредити коишто се насочени кон зголемување на енергетската ефикасност, и на корпоративниот сектор, и на населението, вложување, односно инвестиции во проекти коишто се однесуваат на обновливи извори на енергија, проекти коишто подразбираат користење одржливи материјали, одржливи решенија“, објасни Митреска и посочи дека станува збор за кредитирање коешто е насочено кон инвестициите наменети за заштита на животната средина и ублажување на ефектите од климатските промени врз околината.
Економија
Од полноќ нови цени на горивата
Регулаторната комисија за енергетика донесе oдлука со која се врши намалување на малопродажните цени на нафтените деривати во просек за 0,09 % во однос на одлуката од 15.4.2024 година.
Од 23.4.2024 година, од 00.01 часот, максималните цени на нафтените деривати ќе изнесуваат:
Моторен бензин ЕВРОСУПЕР БС-95 – 87,50 (денари/литар)
Моторен бензин ЕВРОСУПЕР БС-98 – 90,00 (денари/литар)
Дизел-гориво ЕВРОДИЗЕЛ БС (Д-Е V) – 76,00 (денари/литар)
Масло за горење екстра-лесно 1 (ЕЛ-1) – 76,00 (денари/литар)
Мазут М-1 НС – 44,554 (денари/килограм)
Малопродажните цени на ЕВРОДИЗЕЛОТ (Д-Е V) и на екстра-лесното масло за домаќинство на (ЕЛ-1) се намалуваат 1,50 денар/л.
Малопродажната цена на бензинот ЕВРОСУПЕР БС-95 се зголемува 1,00 денар/л, а малопродажната цена бензинот ЕВРОСУПЕР БС-98 се зголемува 1,50 денар/л.
Малопродажната цена на мазутот М-1 НС се зголемува 0,252 денари/кг и ќе изнесува 44,554 денари/кг.
Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините 0,608 %, кај дизелот намалувањето е 5,088 %, кај екстра-лесното масло намалувањето е 4,799 % и кај мазутот намалувањето е 1,138 %.
Курсот на денарот во однос на доларот во изминатиот период по кој беа формирани цените со претходната пресметка е повисок 1,618 %.
Економија
МЗШВ: Кон 4.033 одгледувачи на говеда исплатени 100 милиони денари дополнителни субвенции за обележани говеда
Министерството за земјоделство, шумарство и водостопанство ги информира сточарите, одгледувачи на говеда, дека денеска Агенцијата за финансиска поддршка во земјоделството и руралниот развој ја реализираше исплатата на дополнителните директни плаќања за обележани грла говеда постари од 12 месеци.
Исплатени се 4.033 одгледувачи на говеда, со вкупна вредност на поддршка од 100 милиони денари.
Висината на директните плаќања изнесува 2.600 денари по женско грло, кое на денот на поднесувањето на барањето има наполнето 12 месеци.
Како корисници на оваа подмерка се јавуваат земјоделските стопанства корисници на основните директни плаќања за обележани грла говеда постари од 12 месеци, а кои сопственото производство на млеко го имаат предадено на регистриран откупувач на сурово млеко или продале или заклале говеда во преработувачки капацитети.