Економија
Најтргувани акциите на ТТК Банка и Алајанс Уан Македонија
На Македонската берза за хартии од вредност денеска беше остварен промет во вредност од 15,218,722,80 денари преку 133 трансакции.
На Македонската берза за хартии од вредност денеска беше остварен промет во вредност од 15,218,722,80 денари преку 133 трансакции. Од овој промет поголемиот дел од вредноста се оствари на Официјалниот пазар за хартии од вредност од 11,192,465,80 денари преку 102 трансакции, додека тргување во износ од 4,026,257,00 денари беше остварено на Официјалниот пазар преку 31 трансакции. Индексот МБИ10 падна за 1,94% и изнесуваше 2,197,71 поени, МБИД забележа пад на вредноста од 0,46% и изнесуваше 2,506,05 поени, додека ОМБ исто така падна за 0,24% и оствари вредност од 109,10 поени.Најголемо учество во прометот на официјалниот пазар имаше акцијата на ТТК Банка Скопје која се тргуваше по просечна цена од 600,00 денари и од преку девет трансакции беше остварен промет во износ од 2,898,000,00 денари, и при тоа со нив се истргуваа 4,830 акции.
Втора хартија од вредност по реализираниот промет беше акцијата на Топлификација Скопје со која беа остварени 1,518,758,00 денари промет а при тоа се тргуваа по просечна цена од 3,397,67 денари, додека со нив се истргуваа 447 количина.
Трета по промет на овој пазар беше акцијата на Реплек банка Скопје со остварени 1,314,000,00 денари кои се тргуваа по просечна цена од 36,500,00 денари, и при тоа со оваа хартија се истргуваа 36 количина на акции.
На редовниот пазар најтргувана хартија од вредност според класичниот промет беше акцијата на Алајанс Уан Македонија Кавадарци со кои се истргуваа 2,098,382,00 денари на промет кои се тргуваа по цена од 3,146,00 денари по акција, додека вкупно се истргуваа 667 количина.
Втора по својот промет на Редовниот пазар беше и акцијата на Македонски Телеком Скопје со кои се оствари промет во вредност од 846,225,00 денари и при тоа со нив се истргуваа 2,141 количина по просечна цена од 395,25 денари од акција.Пет најтргувани хартии од вредност1. ТТК Банка Скопје2 Алајанс Уан Македонија Кавадарци3. Топлификација Скопје4. Реплек Скопје5. Комерцијална банка СкопјеХартии од вредност со најголем раст1. Алајанс Уан Македонија Кавадарци 908,33%2. РЖ Економика Скопје 2,86%3. Р. Македонија обврзници од денационализација 05 1,18%4. Гранит Скопје 0,41%5. Фершпед Скопје 0,36%Хартии од вредност со најголем пад1. Топлификација Скопје 5,00%2. Макстил Скопје 3,97%3. Тетекс Тетово 2,93%4 Алкалоид Скопје 2,65%5. Стопанска банка Битола 2,61%
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Вицегувернерката Митреска: Народната банка го поттикнува зеленото кредитирање
„Народната банка ги препозна ризиците од климатските промени на долг рок, зазеде проактивен став и како една од своите стратегиски цели ги постави зголемената свесност за климатските промени и придонесот кон зелената одржлива економија“, посочи вицегувернерката на Народната банка, Ана Митреска, во интервју за „Блумберг Адрија“, при што истакна дека „зелената агенда“ е вградена во Стратегискиот план на Народната банка. Во период од четири години нивото на „зелените кредити“ е зголемено за околу 2,5 пати.
Митреска посочи дека заради поддршка на зелените финансии и за справување со климатските ризици, Народната банка донесе среднорочен план којшто предвидува конкретни акциски планови или активности во повеќе сфери на работењето на Народната банка, како регулативата, супервизијата, финансиската стабилност, истражувањето и меѓународната соработка.
„Неодамна донесовме и конкретни насоки за банките коишто треба да претставуваат еден вид мапа за начинот на кој треба да се однесуваат банките во однос на мерењето, оценувањето и управувањето со ризиците од климатските промени. Уште пред неколку години го променивме концептот на инструментот за задолжителна резерва заради поттикнување на зеленото кредитирање. Во рамките на институцијата работиме и на политиката на одржливост на банката, што значи подобрување на нашиот корпоративен профил во однос на одржливоста како концепт“, посочи Митреска, истакнувајќи дека Народната банка применува систематизиран пристап кога станува збор за зелената економија и справувањето со ризиците од климатски промени.
„Кредитите со зелена компонента се кредити коишто се насочени кон зголемување на енергетската ефикасност, и на корпоративниот сектор, и на населението, вложување, односно инвестиции во проекти коишто се однесуваат на обновливи извори на енергија, проекти коишто подразбираат користење одржливи материјали, одржливи решенија“, објасни Митреска и посочи дека станува збор за кредитирање коешто е насочено кон инвестициите наменети за заштита на животната средина и ублажување на ефектите од климатските промени врз околината.
Економија
Од полноќ нови цени на горивата
Регулаторната комисија за енергетика донесе oдлука со која се врши намалување на малопродажните цени на нафтените деривати во просек за 0,09 % во однос на одлуката од 15.4.2024 година.
Од 23.4.2024 година, од 00.01 часот, максималните цени на нафтените деривати ќе изнесуваат:
Моторен бензин ЕВРОСУПЕР БС-95 – 87,50 (денари/литар)
Моторен бензин ЕВРОСУПЕР БС-98 – 90,00 (денари/литар)
Дизел-гориво ЕВРОДИЗЕЛ БС (Д-Е V) – 76,00 (денари/литар)
Масло за горење екстра-лесно 1 (ЕЛ-1) – 76,00 (денари/литар)
Мазут М-1 НС – 44,554 (денари/килограм)
Малопродажните цени на ЕВРОДИЗЕЛОТ (Д-Е V) и на екстра-лесното масло за домаќинство на (ЕЛ-1) се намалуваат 1,50 денар/л.
Малопродажната цена на бензинот ЕВРОСУПЕР БС-95 се зголемува 1,00 денар/л, а малопродажната цена бензинот ЕВРОСУПЕР БС-98 се зголемува 1,50 денар/л.
Малопродажната цена на мазутот М-1 НС се зголемува 0,252 денари/кг и ќе изнесува 44,554 денари/кг.
Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините 0,608 %, кај дизелот намалувањето е 5,088 %, кај екстра-лесното масло намалувањето е 4,799 % и кај мазутот намалувањето е 1,138 %.
Курсот на денарот во однос на доларот во изминатиот период по кој беа формирани цените со претходната пресметка е повисок 1,618 %.
Економија
МЗШВ: Кон 4.033 одгледувачи на говеда исплатени 100 милиони денари дополнителни субвенции за обележани говеда
Министерството за земјоделство, шумарство и водостопанство ги информира сточарите, одгледувачи на говеда, дека денеска Агенцијата за финансиска поддршка во земјоделството и руралниот развој ја реализираше исплатата на дополнителните директни плаќања за обележани грла говеда постари од 12 месеци.
Исплатени се 4.033 одгледувачи на говеда, со вкупна вредност на поддршка од 100 милиони денари.
Висината на директните плаќања изнесува 2.600 денари по женско грло, кое на денот на поднесувањето на барањето има наполнето 12 месеци.
Како корисници на оваа подмерка се јавуваат земјоделските стопанства корисници на основните директни плаќања за обележани грла говеда постари од 12 месеци, а кои сопственото производство на млеко го имаат предадено на регистриран откупувач на сурово млеко или продале или заклале говеда во преработувачки капацитети.