Економија
ЕФТ ќе инвестира сто милиони евра во изградба на хидроцентралата Улог на Неретва
ЕФТ Груп е заинтересирана и за инвестирање во Македонија. Компанијата е заинтересирана за изградба на хидроцентралата Бошков мост, и учествуваше на досегашните тендери
Енергетската компанија ЕФТ Груп, ја доби концесијата за изградба на хидроцентралата Улог на реката Неретва, одлучи, Владата на Република Српска. Во изградбата на хидроцентралата Улог, ЕФТ Груп ќе инвестира 100 милиони евра. Во Хидроцентралата Улог ќе има два агрегата со инсталирана можност од 35 мегавати, а годишното производство ќе изнесува над 76 гигават часови електрична енергија. „Задоволни сме со оваа одлука на Владата на Република Српска. ЕФТ Груп, преку своите вложувања покажа дека е вистински партнер, кој го поттикнува развојот на енергетиката, но и економски развој воопшто. Во комбинација со термоелектраната Станари, ХЕЦ Улог, ЕФТ Груп ќе обезбеди поголема флексибилност во производството на електрична енергија. Веднаш почнуваме со реализација на првата фаза на проектот, кој опфаќа изработка на детална студија на изводливост, дополнителни геолошки проекти, изработка на регулационен план и изработка на тендер за набавка на опремата. Изградбата на хидроцентралата ќе биде во целосен склад со директивите на Европската Унија за заштита на животната срдина „, изјави Златан Матко, директор за инвестиции во ЕФТ Груп. Покрај изградбата на ХЕЦ Улог, проектот предвидува изградба на сообраќајница и изградба на 110 КВ далновод од ХЕЦ Улог до ТС Калиновик. Според планираната динамика, ХЕЦ Улог ќе биде готова до 2013 година.ЕФТ груп е една од водечките компании во трговијата со електрична енергија во Централна Европа. Компанијата инвестира и во производство на електрична енергија. Во Р. Српска покрај ХЕВ Улог, ЕФТ Груп инвестира и во изградба на термоцентралата Станари, проект вреден над 650 милиони евра, со инсталирана можност од 420 мегавати. ЕФТ Груп е заинтересирана и за инвестирање во Македонија. Компанијата е заинтересирана за изградба на хидроцентралата Бошков мост, и учествуваше на досегашните тендери. ЕФТ груп тргува со електрична енергија во повеќе од 18 земји во Централна и источна Европа, а во повеќето земји е лидер на пазарот. Во Унгарија неодамна , Министерството за економија објави дека ЕФТ Груп снабдува повеќе од една четвртина од пазарот или 27 отсто. Минатата година компанијата оствари приход од 975 милиони евра.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Трипуновски: Јаболкото во Ресен ќе остане неоткупено поради големиот увоз на странско јаболко во Македонија
Дополнителниот заменик министер за земјоделство, шумарство и водостопанство Цветан Трипуновски денес е во работна посета на Ресен каде што оствари работни средби со овоштарите од овој регион.
„Овоштарите од Ресен претрпуваат големи губитоци заради погрешните политики на СДС и големиот увоз на странско јаболко во Република Македонија. Согласно податоците, додека ресенското јаболко стои неоткупено, од 1 септември 2023 година до сега во Македонија се влезени околу 4 милиони килограми јаболко што е главна причина што ресенчани ги преживуваат најцрните денови во историјата на овоштарството во Македонија“, изјави Трипуновски.
Како поголеми проблеми на земјоделците од Ресенскиот регион, Трипуновски ги посочи неисплатените субвенции како и неисплатените штети од природните непогоди од пред некоја година, откупно-дистрибутивниот центар којшто требаше да биде завршен во 2023 година сѐ уште не е ни започнат со градба.
„Цврсто им ветив дека идната Влада предводена од ВМРО-ДПМНЕ има сериозен план и конкретни мерки со кои ќе се стави крај на маките на ресенчани“, заврши Трипуновски.
Економија
Ангеловска-Бежоска на Пролетните средби на ММФ и СБ: Носителите на политики ќе дискутираат за состојбите и перспективите во економијата
Гувернерката на Народната банка, Анита Ангеловска-Бежоска, и заменик-министерот за финансии, Филип Николоски, ја предводат нашата делегација, која учествува на Пролетните средби на групацијата на Светскатa банка (СБ) и Меѓународниот монетарен фонд (ММФ) во Вашингтон, САД. Во делегацијата на Народната банка на овие средби ќе земе учество и вицегувернерот Фадил Бајрами.
Гувернерката Ангеловска-Бежоска и вицегувернерот Бајрами на претстојните Пролетни средби ќе одржат состаноци со заменик-директор на Меѓународниот монетарен фонд, Бо Ли, со директорот на ММФ за Европа, Алфред Камер, како и со извршниот директор на ММФ и алтернативниот извршен директор, Пол Хиберс и Лук Дресе. На состаноците со високите претставници на ММФ ќе стане збор за економските состојби во нашата земја и поставеноста на монетарната политика, којашто придонесе за стабилизирање на инфлацијата. Делегацијата на Народната банка, предводена од гувернерката, ќе оствари средба и со претставниците на одделите за статистика и за монетарни и капитални пазари при Меѓународниот монетарен фонд, на која ќе се споделат досегашните достигнувања и резултати од заемната успешна соработка.
Во рамките на Пролетните средби, Ангеловска-Бежоска ќе одржи состаноци и со високи претставници на Светската банка, заменик-претседателката на СБ, Антонела Басани и со извршниот директор на СБ за Конституенцата во која членува нашава земја, Јуџин Ругенаат. Исто така, делегацијата на Народната банка ќе учествува и на редовниот состанок на земјите членки на Конституенцата.
Одржувањето на Пролетните средби секоја година на едно место ги собира носителите на политиките, односно првите луѓе на централните банки и министрите за финансии од земјите членки, кои ќе разговараат за политиките и финансиските реформи во насока на остварување на целите за одржлив раст (SDG), особено поврзани со климатските промени и родовата еднаквост.
Економија
Трипуновски: Ги потпишав првите 16 договори за закуп на земјоделско земјиште во државна сопственост
Дополнителниот замени министер за земјоделство, шумарство и водостопанство Цветан Трипуновски на својата фејсбук страна објави дека ги потпишал првите 16 договори за закуп на земјоделско земјиште во државна сопственост.
Во својата објава Трипуновски вели: „Почитувани земјоделци, штотуку ги потпишав првите 16 договори за закуп на земјоделско земјиште во државна сопственост, нека е аирлија!“
Трипуновски во неколку наврати ја алармираше јавноста дека во Република Македонија постојат договори за закуп на земјоделско земјиште во државна сопственост кои истекуваат оваа година, но на истите не им е овозможено продолжување и дека Николовски го кочи продолжување со образложение дека се потребни законски измени на законот за земјоделско земјиште.
„Сепак на крајот успеавме да го реализираме нашиот предлог за разрешница на овој проблем по многу побрза и поедноставна постапка, наспроти тврдењата на министерот Николовски кој постојано, од непознати причини, тврдеше дека се потребни измени на законот за земјоделско земјиште и дека со анексирање на договорите не се решава овој проблем. Со ова само се докажа дека Николовски повторно ве лаже како што тоа го прави изминативе 7 години“, дополни Трипуновски.
Позитивно е тоа што овој голем проблем доби решение и засегнатите земјоделци конечно ќе можат да ги продолжат своите договори согласно законските регулативи. Со ова Трипуновски покажа дека ќе биде предводник во промените и решавањето на проблемите во македонското земјоделство.
„ВМРО-ДПМНЕ секогаш било и ќе биде на страната на македонските земјоделци, доколку ние не го изнесовме овој проблем во јавноста, СДС и Николовски никогаш немаше да ги продолжат овие договори на вредните македонски земјоделци или пак тоа ќе го правеа селективно и повторно земјоделското земјиште ќе завршеше кај луѓе што не се земјоделци или истото ќе го трансформираа за плантажи со фотоволтаици. ВМРО-ДПМНЕ секогаш ќе може гордо и со крената глава да биде помеѓу светиниколчани и сите земјоделци во Република Македонија“, заврши Трипуновски во својата објава.