Економија
МОТ: Загубените работни места се враќаат тешко
Поради невработеноста на глобално ниво, којашто бележи највисока стапка според официјалните мерења, трета година по ред од почетокот на економската криза, Меѓународната организација на трудот (МОТ) во својата годишна анализа на трендовите кај вработувањето предупредува дека слабото заздравување на работните места веројатно ќе продолжи и во 2011 година, особено во развиените економии. Предизвикот кај закрепнувањето на работните места, упатува на различен степен на заздравување кај пазарите на трудот, со постојано високи стапки на невработеност, како и сè поголемо обесхрабрување во развиените земји, и со пораст на вработувањето и постојано високи нивоа на нестабилно вработување и сиромаштија на вработените во регионите во развој. Овие трендови претставуваат целосна спротивност на заздравувањето што се гледа во неколку клучни макроекономски показатели: глобалниот БДП, приватната потрошувачка, инвестициите и меѓународната трговија и пазарите на капитал во 2010 г., надминувајќи ги нивоата од пред кризата, стои во извештајот на МОТ.„Покрај различните нивоа на заздравување на пазарите на трудот ширум светот, огромните човечки трошоци од рецесијата остануваат“, изјави Генералниот директор на МОТ, Хуан Сомавија. Покрај брзиот скок во економскиот развој на многу земји, официјалната стапка на невработеност на глобално ниво изнесуваше 205 милиони во 2010 година, значително непроменета од 2009 година и 27,6 милиони повеќе од пред кризата во 2007 година. МОТ предвидува глобална стапка на невработеност од 6,1 проценти, што е еквивалентно на 203,3 милиони невработени, во текот на 2011 г.Во извештајот се гледа дека 55 проценти од зголемувањето во невработеноста во глобални рамки во периодот од 2007 до 2010 година се забележува во развиените економии и регионот на Европската унија (ЕУ), додека во регионот има 15 проценти од светската работна сила. Во неколку светски економии во развој, како што се Бразил, Казахстан, Шри Ланка, Тајланд и Уругвај, стапките на невработеност всушност бележат пад во споредба со периодот пред кризата.Во извештајот стои дека во светски рамки, околу 1,53 милијарди работници имале нестабилно вработување во 2009 година, што одговара на стапка на нестабилна вработеност од 50,1 проценти. Појавата на нестабилна вработеност остана непроменета од 2008 година, во спротивност со постојаниот и значителниот просечен пад во годините што и претходеа на кризата. Во извештајот, исто така, стои дека во 2009 година, 630 милиони работници (20,7 проценти од сите работници во светот) живееја со нивните семејства со 1,25 американски долари на ден. Тоа одговара на дополнителните 40 милиони работници со слаба заработувачка, 1,6 проценти повеќе од предвиденото врз основа на трендовите пред кризата. Во светски рамки, 78 милиони млади луѓе беа невработени во 2010 година, многу повеќе од нивото пред кризата од 73,5 милиони во 2007 година, но помалку од 80 милиони регистрирани во 2009 година. Стапката на невработеност кај младите луѓе на возраст од 15-24 години изнесуваше 12,6 проценти во 2010 година, 2,6 пати повеќе од стапката на невработеност на возрасните лица. Меѓутоа, МОТ, исто така, предупредува дека во 56 земји со достапни податоци, има 1,7 милиони помалку млади на пазарот на трудот отколку што се очекуваше врз основа на трендовите пред кризата, при што обесхрабрените работници не се вбројуваат меѓу невработените бидејќи тие не бараат активно работа.Вработувањето на младите е светски приоритет, смета Сомавија. „Слабото заздравување кај пристојната работа ја нагласува постојаната неможност на светската економија да обезбеди иднина за сите млади. Тоа ги подрива семејствата, социјалната кохезија и кредибилитетот на политиките“, вели тој. Во студијата се истакнува дека задоцнетото заздравување на пазарот на трудот не се гледа само во јазот меѓу порастот на учинокот и порастот на вработеноста, туку и во зголемената продуктивноста што слабо се одразува врз реалното зголемување на платата во голем број земји. „Тоа може да ги загрози идните изгледи за заздравување, бидејќи има силна поврзаност меѓу порастот во реалните плати, потрошувачката и идните инвестиции“, се вели во извештајот./крај/пд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Вицегувернерката Митреска: Народната банка го поттикнува зеленото кредитирање
„Народната банка ги препозна ризиците од климатските промени на долг рок, зазеде проактивен став и како една од своите стратегиски цели ги постави зголемената свесност за климатските промени и придонесот кон зелената одржлива економија“, посочи вицегувернерката на Народната банка, Ана Митреска, во интервју за „Блумберг Адрија“, при што истакна дека „зелената агенда“ е вградена во Стратегискиот план на Народната банка. Во период од четири години нивото на „зелените кредити“ е зголемено за околу 2,5 пати.
Митреска посочи дека заради поддршка на зелените финансии и за справување со климатските ризици, Народната банка донесе среднорочен план којшто предвидува конкретни акциски планови или активности во повеќе сфери на работењето на Народната банка, како регулативата, супервизијата, финансиската стабилност, истражувањето и меѓународната соработка.
„Неодамна донесовме и конкретни насоки за банките коишто треба да претставуваат еден вид мапа за начинот на кој треба да се однесуваат банките во однос на мерењето, оценувањето и управувањето со ризиците од климатските промени. Уште пред неколку години го променивме концептот на инструментот за задолжителна резерва заради поттикнување на зеленото кредитирање. Во рамките на институцијата работиме и на политиката на одржливост на банката, што значи подобрување на нашиот корпоративен профил во однос на одржливоста како концепт“, посочи Митреска, истакнувајќи дека Народната банка применува систематизиран пристап кога станува збор за зелената економија и справувањето со ризиците од климатски промени.
„Кредитите со зелена компонента се кредити коишто се насочени кон зголемување на енергетската ефикасност, и на корпоративниот сектор, и на населението, вложување, односно инвестиции во проекти коишто се однесуваат на обновливи извори на енергија, проекти коишто подразбираат користење одржливи материјали, одржливи решенија“, објасни Митреска и посочи дека станува збор за кредитирање коешто е насочено кон инвестициите наменети за заштита на животната средина и ублажување на ефектите од климатските промени врз околината.
Економија
Од полноќ нови цени на горивата
Регулаторната комисија за енергетика донесе oдлука со која се врши намалување на малопродажните цени на нафтените деривати во просек за 0,09 % во однос на одлуката од 15.4.2024 година.
Од 23.4.2024 година, од 00.01 часот, максималните цени на нафтените деривати ќе изнесуваат:
Моторен бензин ЕВРОСУПЕР БС-95 – 87,50 (денари/литар)
Моторен бензин ЕВРОСУПЕР БС-98 – 90,00 (денари/литар)
Дизел-гориво ЕВРОДИЗЕЛ БС (Д-Е V) – 76,00 (денари/литар)
Масло за горење екстра-лесно 1 (ЕЛ-1) – 76,00 (денари/литар)
Мазут М-1 НС – 44,554 (денари/килограм)
Малопродажните цени на ЕВРОДИЗЕЛОТ (Д-Е V) и на екстра-лесното масло за домаќинство на (ЕЛ-1) се намалуваат 1,50 денар/л.
Малопродажната цена на бензинот ЕВРОСУПЕР БС-95 се зголемува 1,00 денар/л, а малопродажната цена бензинот ЕВРОСУПЕР БС-98 се зголемува 1,50 денар/л.
Малопродажната цена на мазутот М-1 НС се зголемува 0,252 денари/кг и ќе изнесува 44,554 денари/кг.
Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините 0,608 %, кај дизелот намалувањето е 5,088 %, кај екстра-лесното масло намалувањето е 4,799 % и кај мазутот намалувањето е 1,138 %.
Курсот на денарот во однос на доларот во изминатиот период по кој беа формирани цените со претходната пресметка е повисок 1,618 %.
Економија
МЗШВ: Кон 4.033 одгледувачи на говеда исплатени 100 милиони денари дополнителни субвенции за обележани говеда
Министерството за земјоделство, шумарство и водостопанство ги информира сточарите, одгледувачи на говеда, дека денеска Агенцијата за финансиска поддршка во земјоделството и руралниот развој ја реализираше исплатата на дополнителните директни плаќања за обележани грла говеда постари од 12 месеци.
Исплатени се 4.033 одгледувачи на говеда, со вкупна вредност на поддршка од 100 милиони денари.
Висината на директните плаќања изнесува 2.600 денари по женско грло, кое на денот на поднесувањето на барањето има наполнето 12 месеци.
Како корисници на оваа подмерка се јавуваат земјоделските стопанства корисници на основните директни плаќања за обележани грла говеда постари од 12 месеци, а кои сопственото производство на млеко го имаат предадено на регистриран откупувач на сурово млеко или продале или заклале говеда во преработувачки капацитети.
Ковачевски: Ќе продолжиме да се бориме за секој граѓанин и за европската иднина на Македонија
„Вчера граѓаните нѝ пратија силна порака и ние таа порака ја слушнавме. Но, се лажат сите кои мислат дека ќе...
Јакимовски до Муцунски: Прв излегов и го признав поразот, а тие во алкохолизирана состојба едвај го прочитаа тоа што го напишале
„Колегата Тимчо Муцунски се подбивал со мојот резултат на овие претседателски избори, притоа обидувајќи се малку да биде вицкаст. Иако...
Мицкоски до СДСМ и Ковачевски: Нека не ве чуди што ве снајде вчера
Мириса на промени, бранот започна и нема запирање. Она што го говорев кога дојдов тука пред некоја недела, стана вистина....
Позитивна оценка за првиот круг од претседателските избори, забелешки за острата и негативна реторика од страна на ОБСЕ/ОДИХР
Првиот круг од претседателските избори беше конкурентен и гласачите можеа да направат информиран избор. Меѓународната набљудувачка мисија на ОБСЕ/ОДИХР во...
Во прв круг за претседател е избран само Киро Глигоров со освоени 715.087 гласа, Силјановска-Давкова и Пендаровски вторпат одат во втор круг
По вчерашниот прв круг од седмите претседателски избори, Киро Глигоров остана единствениот претседател избран во прв круг од осамостојувањето до...
Маж од Радовиш со месеци сексуално вознемирувал малолетно девојче
Радовишанец со месеци силувал малолетничка Вчера, во Полициската станица Радовиш било пријавено дека 45-годишен жител на Радовиш во периодот од...
Таткото на Вања ќе оди во куќен притвор, Врховниот суд му ја уважи жалбата
Врховниот суд ја уважи жалбата на таткото на убиената Вања Ѓорчевска. Со тоа укинат му е притворот и определени се...
Ангелов за ДУИ: Со пушка дојдоа на власт, со пенкало да ги отераме на буништето на историјата
Колку и да е убедлива, победата нема да биде комплетна доколку ДУИ не биде срушена од власт, вели претседателот на...
Стевчо собра повеќе потписи од гласови – поразот на Јакимовски главна тема на социјалните мрежи
Кандидатот за претседател на ГРОМ и актуелен градоначалник на скопската општина Карпош, Стевчо Јакимовски, на вчерашниот прв круг од претседателските...
Почина менаџерот Велибор Џаровски-Џаро
На 75 години денеска почина менаџерот Велибор Џаровски-Џаро по кусо боледување, потврди семејството. Тој важи за еден од најпознатите менаџери на...
Пендаровски победи во три општини, а Таварари и Димитриевски само во општините во кои се градоначалници
Кандидатите за претседател Гордана Силјановска-Давкова и Бујар Османи освоија најмногу гласови на претседателските избори по број на општини. Според податоците...
ВМРО-ДПМНЕ: Народот избра промени, да излеземе уште помасовно на 8 мај
Огромната поддршка обврзува за промени и брзи резултати, да излеземе уште помасовно на 8-ми мај, а потоа следува економска трансформација...
Силјановска убедливо пред Пендаровски во првиот круг со 40 наспроти 19,93 отсто од гласовите
Кандидатката за претседател поддржана од ВМРО-ДПМНЕ и коалицијата, Гордана Силјановска, со убедливо водство влегува во вториот круг од претседателските избори,...
Димитриевски до Пендаровски: Разликата е огромна, откажете се од оваа битка и оставете нè да победиме во вториот круг
Денеска, ЗНАМ заедно со сите свои пддржувачи ја испишува новата политичка историја на македонската политичка сцена, рече вечерва претседателскиот кандидат...
Нема да се откажеме и нема да ги наведнеме главите, порача Ковачевски
Денеска е тежок удар за европската перспектива на Македонија, но не е доцна да се смени правецот, откажувањето не е...
(Видео) Мицкоски: Цунамито се крена, на 8 мај ќе ги потопи целосно, победуваме со над 170.000 разлика
Денеска народот во Македонија покажа дека си ја сака Македонија и дека секој оној кој го потценува народот прваи голема...
Пендаровски: Резултатите не се такви какви што ги очекувавме, но нема предавање, утре е нов ден
Резултатите не се такви какви што ги очекувавме истакна вечерва на прес-конференција кандидатот за претседател поддржан од СДСМ, Стево Пендаровски....
Силјановска за убедливото водство: Напати се срамам, зарем е можно толку многу луѓе вака да реагираат
Претседателскиот кандидат Гордана Силјановска Давкова по завршување на првиот круг гласање од изборот за претседател на државата рече дека денешниот...
Јакимовски призна пораз, ѝ честиташе водство на Сиљановска и ѝ посака среќа во вториот круг
Лидерот на ГРОМ и претседателски кандидат, Стевчо Јакимовски, вечерва призна пораз и ѝ честиташе водство на Гордана Сиљановска-Давкова. Со оглед...
Таравари: Земјотресот почна, се надевам дека на 8 мај ќе дојде промената ДУИ да биде опозиција
Масовниот одѕив на гласачите на овие претседателски избори за Арбен Таравари, претседателски кандидат на коалицијата ВЛЕН, е показател дека промените...
