Економија
Претпазливата изјава на германскиот министер ги урна цените на Вол Стрит
Во понеделникот на Вол стрит цените на акциите паднаа за 2 отсто, што е најголем дневен пад во последните две седмици, бидејќи по претпазливата изјава на германскиот министер за финансии спласнаа очекувања дека европските лидери уште овој викенд ќе го усогласат решението за должничката криза.
Во понеделникот на Вол стрит цените на акциите паднаа за 2 отсто, што е најголем дневен пад во последните две седмици, бидејќи по претпазливата изјава на германскиот министер за финансии спласнаа очекувања дека европските лидери уште овој викенд ќе го усогласат решението за должничката криза. Индексот Dow Jones потона за 2,12 отсто на 11.397 поени, додека S&P 500 ослаби за 1,94 отсто на 1.200 поени, а Nasdaq индексот се намали за 1,98 проценти на 2.614 поени. Последните денови цените на акциите силно пораснаа благодарејќи на надежите на инвеститорите дека европските лидери ќе го усогласат сеопфатниот план за надминување на должничката криза, уште на самитот на Европската унија што ќе се одржи на 23-ти октомври. Меѓутоа, ентузијазмот на инвеститорите спласна откако во понеделникот министерот за финансии на Германија, Вофганг Шаубле изјави дека не очекува конечно решение овој викенд, туку само прифаќање на општа платформа за надминување на должничката криза. Поради тоа беше забележан остар пад на цените на акциите на банките. Индексот KWB за овој сектор потона за 3,9 отсто. Притоа, најголем губитник за пад од цената за 8.,4 отсто беше акцијата на „Wells Fargo“ бидејќи банката разочара со нејзиниот извештај за кварталните деловни резултати. Поевтина беше и акцијата на „Citigroup“ за 1,7 проценти, иако оваа банка извести за подобри од очекуваните резултати во изминатото тримесечје. Досега 45 компании чиишто акции се вброени во S&P 500 индексот, ги објавија извештаите за третото тримесечје. Како што покажуваат податоците на Thomson Reuter, притоа 62 од нив ги натфрлија очекувањата на аналитичарите.И покрај тоа, на пазарот расположението се влоши. На тоа укажува силниот раст на индексот VIX на опции на берзата во Чикаго од 16.6 отсто, што претставува негова најголем дневен скок од август. Растот на овој ткн. „индекс на стравот“, покажува дека инвеститорите засилено ги обезбедуваат своите акциски портфељи поради можното натамошниот пад на цените. И на европските берзи акциите во понеделникот забележаа пад. Лондонскиот FTSE ослаби ослаби за 0,54 отсто на 5,436 поени, додека франкфуртскиот DAX потона 1,81 процент на 5.859 поени, a парискиот CAC падна за 1,161 отсто на 3.166 поени./крај/ро/хи/сн.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Вицегувернерката Митреска: Народната банка го поттикнува зеленото кредитирање
„Народната банка ги препозна ризиците од климатските промени на долг рок, зазеде проактивен став и како една од своите стратегиски цели ги постави зголемената свесност за климатските промени и придонесот кон зелената одржлива економија“, посочи вицегувернерката на Народната банка, Ана Митреска, во интервју за „Блумберг Адрија“, при што истакна дека „зелената агенда“ е вградена во Стратегискиот план на Народната банка. Во период од четири години нивото на „зелените кредити“ е зголемено за околу 2,5 пати.
Митреска посочи дека заради поддршка на зелените финансии и за справување со климатските ризици, Народната банка донесе среднорочен план којшто предвидува конкретни акциски планови или активности во повеќе сфери на работењето на Народната банка, како регулативата, супервизијата, финансиската стабилност, истражувањето и меѓународната соработка.
„Неодамна донесовме и конкретни насоки за банките коишто треба да претставуваат еден вид мапа за начинот на кој треба да се однесуваат банките во однос на мерењето, оценувањето и управувањето со ризиците од климатските промени. Уште пред неколку години го променивме концептот на инструментот за задолжителна резерва заради поттикнување на зеленото кредитирање. Во рамките на институцијата работиме и на политиката на одржливост на банката, што значи подобрување на нашиот корпоративен профил во однос на одржливоста како концепт“, посочи Митреска, истакнувајќи дека Народната банка применува систематизиран пристап кога станува збор за зелената економија и справувањето со ризиците од климатски промени.
„Кредитите со зелена компонента се кредити коишто се насочени кон зголемување на енергетската ефикасност, и на корпоративниот сектор, и на населението, вложување, односно инвестиции во проекти коишто се однесуваат на обновливи извори на енергија, проекти коишто подразбираат користење одржливи материјали, одржливи решенија“, објасни Митреска и посочи дека станува збор за кредитирање коешто е насочено кон инвестициите наменети за заштита на животната средина и ублажување на ефектите од климатските промени врз околината.
Економија
Од полноќ нови цени на горивата
Регулаторната комисија за енергетика донесе oдлука со која се врши намалување на малопродажните цени на нафтените деривати во просек за 0,09 % во однос на одлуката од 15.4.2024 година.
Од 23.4.2024 година, од 00.01 часот, максималните цени на нафтените деривати ќе изнесуваат:
Моторен бензин ЕВРОСУПЕР БС-95 – 87,50 (денари/литар)
Моторен бензин ЕВРОСУПЕР БС-98 – 90,00 (денари/литар)
Дизел-гориво ЕВРОДИЗЕЛ БС (Д-Е V) – 76,00 (денари/литар)
Масло за горење екстра-лесно 1 (ЕЛ-1) – 76,00 (денари/литар)
Мазут М-1 НС – 44,554 (денари/килограм)
Малопродажните цени на ЕВРОДИЗЕЛОТ (Д-Е V) и на екстра-лесното масло за домаќинство на (ЕЛ-1) се намалуваат 1,50 денар/л.
Малопродажната цена на бензинот ЕВРОСУПЕР БС-95 се зголемува 1,00 денар/л, а малопродажната цена бензинот ЕВРОСУПЕР БС-98 се зголемува 1,50 денар/л.
Малопродажната цена на мазутот М-1 НС се зголемува 0,252 денари/кг и ќе изнесува 44,554 денари/кг.
Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините 0,608 %, кај дизелот намалувањето е 5,088 %, кај екстра-лесното масло намалувањето е 4,799 % и кај мазутот намалувањето е 1,138 %.
Курсот на денарот во однос на доларот во изминатиот период по кој беа формирани цените со претходната пресметка е повисок 1,618 %.
Економија
МЗШВ: Кон 4.033 одгледувачи на говеда исплатени 100 милиони денари дополнителни субвенции за обележани говеда
Министерството за земјоделство, шумарство и водостопанство ги информира сточарите, одгледувачи на говеда, дека денеска Агенцијата за финансиска поддршка во земјоделството и руралниот развој ја реализираше исплатата на дополнителните директни плаќања за обележани грла говеда постари од 12 месеци.
Исплатени се 4.033 одгледувачи на говеда, со вкупна вредност на поддршка од 100 милиони денари.
Висината на директните плаќања изнесува 2.600 денари по женско грло, кое на денот на поднесувањето на барањето има наполнето 12 месеци.
Како корисници на оваа подмерка се јавуваат земјоделските стопанства корисници на основните директни плаќања за обележани грла говеда постари од 12 месеци, а кои сопственото производство на млеко го имаат предадено на регистриран откупувач на сурово млеко или продале или заклале говеда во преработувачки капацитети.