Економија
Со договор за отпис на грчкиот долг завршен самитот на еврозоната
Банките се согласија на доброволен отпис на 50 отсто од побарувањето од грчките обврзници, што беше најтешкиот дел од маратонскиот самит на челници те од еврозоната кој почна во средата навечер а заврши околу 4 часот наутро во четвртокот.
Банките се согласија на доброволен отпис на 50 отсто од побарувањето од грчките обврзници, што беше најтешкиот дел од маратонскиот самит на челници те од еврозоната кој почна во средата навечер а заврши околу 4 часот наутро во четвртокот.Договорот го објави на прес-конференција претседателот на Советот на Европа, Херман ван Ромпуј, по завршувањето на самитот кој траеше десет часа. Со доброволното согласување на банките да отпишат половината од соите побарувања грчкиот долг ќе биде намален за 100 милијарди евра. Договорот за намалувањето на долгот беше голем дел од обемната програма за решавање на кризата. Постигнавме сеопфатен договор“, заклучи ван Ромпуј. Најтешкиот дел од преговорите беше со претставниците на банките кои на Грција и’ позајмија пари. Во преговорите со банките директно се вклучи германската канцеларка Ангела Меркел и францускиот претседател Николас Саркози, заедно со извршната директорка на Меѓународниот монетарен фонд (ММФ), Кристин Лагард и претседателот на еврогрупата Жан-Клод Јункер.Ван Ромпуј рече дека договорот ќе овозможи грчкиот јавен долг до 2020 година да падне на 120 отсто од нејзиниот БДП. Сегашниот грчки долг изнесува 350 милијарди евра, што претставува 162 отсто од БДП-то.
Меѓутоа, со оглед на тоа дека банките поседуваат само една третина од грчките државни обврзници, а останатите две третини ги имаат ЕУ и ММФ, дури приватните институции и да прифатат простување на половината од своите побарувања, тоа би го намалило вкупниот грчки долг за само 22 проценти
Челниците на еврозоната постигнаа договор и за јакнењето на кредитните способности на Европскиот фонд за финансиска стабилност (ESFS), кој со ефектот на лост ќе биде зголемен за 1.000 милијарди евра, за да може да се даде помош на презадолжените членки на еврозоната. Челниците на земјите од еврозоната ја поздравија најавата на италијанската влада дека ќе донесе сеопфатна програм аза економските реформи и мерки за фискална консолидација.Договорени се, исто така, и мерки со коишто ќе се зајакне управувањето со еврозоната, за што треба и да се измени Договорот (Лисабонскиот договор) за Европската унија.
Лисабонскиот договор, кој сега е на сила, беше договрен со многу тешкотии по повеќегодишните преговори, а во текот на неговото ратифицирање во националните парламенти имаше многу проблеми. Оттаму, отако конечно стана полноважен, веднаш почна да се зборува дека долго време тој нема да биде изменуван. Меѓутоа, под притисокот на огромната финансиска и должничка криза нештата почнаа да се менуваат во таа смисла и Германија беше првата држава од Европската унија којашто објави дека промените на Лисабонскиот договoр не смеат повеќе да бидат табу тема.Договорот за докапитализација на банките, исто така, е дел од пакетот со којшто би требало да се означи надминувањето на должничката криза во еврозоната. /крај/афп/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Вицегувернерката Митреска: Народната банка го поттикнува зеленото кредитирање
„Народната банка ги препозна ризиците од климатските промени на долг рок, зазеде проактивен став и како една од своите стратегиски цели ги постави зголемената свесност за климатските промени и придонесот кон зелената одржлива економија“, посочи вицегувернерката на Народната банка, Ана Митреска, во интервју за „Блумберг Адрија“, при што истакна дека „зелената агенда“ е вградена во Стратегискиот план на Народната банка. Во период од четири години нивото на „зелените кредити“ е зголемено за околу 2,5 пати.
Митреска посочи дека заради поддршка на зелените финансии и за справување со климатските ризици, Народната банка донесе среднорочен план којшто предвидува конкретни акциски планови или активности во повеќе сфери на работењето на Народната банка, како регулативата, супервизијата, финансиската стабилност, истражувањето и меѓународната соработка.
„Неодамна донесовме и конкретни насоки за банките коишто треба да претставуваат еден вид мапа за начинот на кој треба да се однесуваат банките во однос на мерењето, оценувањето и управувањето со ризиците од климатските промени. Уште пред неколку години го променивме концептот на инструментот за задолжителна резерва заради поттикнување на зеленото кредитирање. Во рамките на институцијата работиме и на политиката на одржливост на банката, што значи подобрување на нашиот корпоративен профил во однос на одржливоста како концепт“, посочи Митреска, истакнувајќи дека Народната банка применува систематизиран пристап кога станува збор за зелената економија и справувањето со ризиците од климатски промени.
„Кредитите со зелена компонента се кредити коишто се насочени кон зголемување на енергетската ефикасност, и на корпоративниот сектор, и на населението, вложување, односно инвестиции во проекти коишто се однесуваат на обновливи извори на енергија, проекти коишто подразбираат користење одржливи материјали, одржливи решенија“, објасни Митреска и посочи дека станува збор за кредитирање коешто е насочено кон инвестициите наменети за заштита на животната средина и ублажување на ефектите од климатските промени врз околината.
Економија
Од полноќ нови цени на горивата
Регулаторната комисија за енергетика донесе oдлука со која се врши намалување на малопродажните цени на нафтените деривати во просек за 0,09 % во однос на одлуката од 15.4.2024 година.
Од 23.4.2024 година, од 00.01 часот, максималните цени на нафтените деривати ќе изнесуваат:
Моторен бензин ЕВРОСУПЕР БС-95 – 87,50 (денари/литар)
Моторен бензин ЕВРОСУПЕР БС-98 – 90,00 (денари/литар)
Дизел-гориво ЕВРОДИЗЕЛ БС (Д-Е V) – 76,00 (денари/литар)
Масло за горење екстра-лесно 1 (ЕЛ-1) – 76,00 (денари/литар)
Мазут М-1 НС – 44,554 (денари/килограм)
Малопродажните цени на ЕВРОДИЗЕЛОТ (Д-Е V) и на екстра-лесното масло за домаќинство на (ЕЛ-1) се намалуваат 1,50 денар/л.
Малопродажната цена на бензинот ЕВРОСУПЕР БС-95 се зголемува 1,00 денар/л, а малопродажната цена бензинот ЕВРОСУПЕР БС-98 се зголемува 1,50 денар/л.
Малопродажната цена на мазутот М-1 НС се зголемува 0,252 денари/кг и ќе изнесува 44,554 денари/кг.
Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините 0,608 %, кај дизелот намалувањето е 5,088 %, кај екстра-лесното масло намалувањето е 4,799 % и кај мазутот намалувањето е 1,138 %.
Курсот на денарот во однос на доларот во изминатиот период по кој беа формирани цените со претходната пресметка е повисок 1,618 %.
Економија
МЗШВ: Кон 4.033 одгледувачи на говеда исплатени 100 милиони денари дополнителни субвенции за обележани говеда
Министерството за земјоделство, шумарство и водостопанство ги информира сточарите, одгледувачи на говеда, дека денеска Агенцијата за финансиска поддршка во земјоделството и руралниот развој ја реализираше исплатата на дополнителните директни плаќања за обележани грла говеда постари од 12 месеци.
Исплатени се 4.033 одгледувачи на говеда, со вкупна вредност на поддршка од 100 милиони денари.
Висината на директните плаќања изнесува 2.600 денари по женско грло, кое на денот на поднесувањето на барањето има наполнето 12 месеци.
Како корисници на оваа подмерка се јавуваат земјоделските стопанства корисници на основните директни плаќања за обележани грла говеда постари од 12 месеци, а кои сопственото производство на млеко го имаат предадено на регистриран откупувач на сурово млеко или продале или заклале говеда во преработувачки капацитети.