Економија
Австралија воведе данок на јаглерод диоксид
Горниот дом на австралискиот парламент во вторникот го одобри законот за воведување данок на јаглерод диоксид по повеќегодишна расправа за оваа тема која беше бурна поради жестокиот отпор на рударското лоби во земјата.
Горниот дом на австралискиот парламент во вторникот го одобри законот за воведување данок на јаглерод диоксид по повеќегодишна расправа за оваа тема која беше бурна поради жестокиот отпор на рударското лоби во земјата.Законот што го донесе малцинската влада, коалицијата на лабуристите „зелените“ и тројцата независни пратеници предводена од лабуристката Џилиа Гилард е прифатен во вторникот во Сенатот на Австралија со 36 гласови „за“ и 32 „против“ .Долниот дом го прифати овој закон во октомври и сега останува уште да биде потпишан од главната гувернерка на Австралија, Квентин Брајс. „Со ова историско гласање повеќегодишната дебата стана стварност“, истакна премиерката Гилард во сојата писмена изјава што ја цитира AFP.Според овој закон, компаниите коишто испуштаат најмногу јаглерод диоксид ќе мора да плаќаат данок од 1-ви јули 2012 година. Висината на данокот ќе биде непроменета и ќе изнесува 23 австралиски долари по тон јаглерод диоксид, а во 2015 година данокот ќе го замени системот за размена на квотите за емисии (ETS) Од 2015 година овој данок кој е резултат од договорот меѓу лабуристите и „зелените“ ќе го замени системот на размена на квотите за емисија во регионот Азија-Пацифик, по променлива цена којашто ќе ја одредува пазарот. Со овој закон австралиските власти имаат намера да го намалат испуштањето на јаглерод диоксид за 80 отсто до 2050 година, во однос на неговото ниво од 2000 година.Австралија има една од највисоките стапки на емисија на јаглерод диоксид по жител на светот и е еден од најголемите светски извозници на јаглен.Власите во оваа земја со години се обидуваат да воведат данок за загадувачите или за системот за размена на квотите за емисија, но тие обиди досега секогаш пропаѓаа.Противниците на воведувањето на овој данок, во прв ред конзервативците големите рударски концерни, тврдат дека тој ќе ги зголеми животните трошоци на австралиските домаќинства, негативно ќе влијае врз вработувањето и нема да биде полезен на глобално ниво./крај/афп/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Вицегувернерката Митреска: Народната банка го поттикнува зеленото кредитирање
„Народната банка ги препозна ризиците од климатските промени на долг рок, зазеде проактивен став и како една од своите стратегиски цели ги постави зголемената свесност за климатските промени и придонесот кон зелената одржлива економија“, посочи вицегувернерката на Народната банка, Ана Митреска, во интервју за „Блумберг Адрија“, при што истакна дека „зелената агенда“ е вградена во Стратегискиот план на Народната банка. Во период од четири години нивото на „зелените кредити“ е зголемено за околу 2,5 пати.
Митреска посочи дека заради поддршка на зелените финансии и за справување со климатските ризици, Народната банка донесе среднорочен план којшто предвидува конкретни акциски планови или активности во повеќе сфери на работењето на Народната банка, како регулативата, супервизијата, финансиската стабилност, истражувањето и меѓународната соработка.
„Неодамна донесовме и конкретни насоки за банките коишто треба да претставуваат еден вид мапа за начинот на кој треба да се однесуваат банките во однос на мерењето, оценувањето и управувањето со ризиците од климатските промени. Уште пред неколку години го променивме концептот на инструментот за задолжителна резерва заради поттикнување на зеленото кредитирање. Во рамките на институцијата работиме и на политиката на одржливост на банката, што значи подобрување на нашиот корпоративен профил во однос на одржливоста како концепт“, посочи Митреска, истакнувајќи дека Народната банка применува систематизиран пристап кога станува збор за зелената економија и справувањето со ризиците од климатски промени.
„Кредитите со зелена компонента се кредити коишто се насочени кон зголемување на енергетската ефикасност, и на корпоративниот сектор, и на населението, вложување, односно инвестиции во проекти коишто се однесуваат на обновливи извори на енергија, проекти коишто подразбираат користење одржливи материјали, одржливи решенија“, објасни Митреска и посочи дека станува збор за кредитирање коешто е насочено кон инвестициите наменети за заштита на животната средина и ублажување на ефектите од климатските промени врз околината.
Економија
Од полноќ нови цени на горивата
Регулаторната комисија за енергетика донесе oдлука со која се врши намалување на малопродажните цени на нафтените деривати во просек за 0,09 % во однос на одлуката од 15.4.2024 година.
Од 23.4.2024 година, од 00.01 часот, максималните цени на нафтените деривати ќе изнесуваат:
Моторен бензин ЕВРОСУПЕР БС-95 – 87,50 (денари/литар)
Моторен бензин ЕВРОСУПЕР БС-98 – 90,00 (денари/литар)
Дизел-гориво ЕВРОДИЗЕЛ БС (Д-Е V) – 76,00 (денари/литар)
Масло за горење екстра-лесно 1 (ЕЛ-1) – 76,00 (денари/литар)
Мазут М-1 НС – 44,554 (денари/килограм)
Малопродажните цени на ЕВРОДИЗЕЛОТ (Д-Е V) и на екстра-лесното масло за домаќинство на (ЕЛ-1) се намалуваат 1,50 денар/л.
Малопродажната цена на бензинот ЕВРОСУПЕР БС-95 се зголемува 1,00 денар/л, а малопродажната цена бензинот ЕВРОСУПЕР БС-98 се зголемува 1,50 денар/л.
Малопродажната цена на мазутот М-1 НС се зголемува 0,252 денари/кг и ќе изнесува 44,554 денари/кг.
Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините 0,608 %, кај дизелот намалувањето е 5,088 %, кај екстра-лесното масло намалувањето е 4,799 % и кај мазутот намалувањето е 1,138 %.
Курсот на денарот во однос на доларот во изминатиот период по кој беа формирани цените со претходната пресметка е повисок 1,618 %.
Економија
МЗШВ: Кон 4.033 одгледувачи на говеда исплатени 100 милиони денари дополнителни субвенции за обележани говеда
Министерството за земјоделство, шумарство и водостопанство ги информира сточарите, одгледувачи на говеда, дека денеска Агенцијата за финансиска поддршка во земјоделството и руралниот развој ја реализираше исплатата на дополнителните директни плаќања за обележани грла говеда постари од 12 месеци.
Исплатени се 4.033 одгледувачи на говеда, со вкупна вредност на поддршка од 100 милиони денари.
Висината на директните плаќања изнесува 2.600 денари по женско грло, кое на денот на поднесувањето на барањето има наполнето 12 месеци.
Како корисници на оваа подмерка се јавуваат земјоделските стопанства корисници на основните директни плаќања за обележани грла говеда постари од 12 месеци, а кои сопственото производство на млеко го имаат предадено на регистриран откупувач на сурово млеко или продале или заклале говеда во преработувачки капацитети.