Економија
Пад на еврото по предупредувањето на Фич
Еврото во средата се лизна близу до најниското ниво во однос на доларот во последните 16 месеци, откако рејтинг агенцијата Fich предупреди дека Европската централна банка (ECB) треба повеќе да се ангажира во справувањето со должничката криза во еврозоната.
Еврото во средата се лизна близу до најниското ниво во однос на доларот во последните 16 месеци, откако рејтинг агенцијата Fich предупреди дека Европската централна банка (ECB) треба повеќе да се ангажира во справувањето со должничката криза во еврозоната.Еврото ослаби во однос на американскиот долар за 0,6 отсто на 1,2705 долари,. Во однос на јапонскиот јен, единствената европска валута ослаби за 0,3 отсто на 97,88 јени. Доларот, пак, благо зајакна во однос на јенот, за 0.1 отсто, па со него се тргуваше за 76,94 јени.Инвеститорите на валутните пазари во средата беа претпазливи пред состанокот на челниците на Европската централна банка кој треба да се одржи подоцна оваа седмица, на кој ќе се одлучува за клучните каматни стапки и пред одржувањето на аукцијата на италијанските и на шпанските државни обврзници, исто така, во вториот дел од седмицава. Во таквата атмосфера пораката од агенцијата Fitch беше доволна да се внесе несигурност меѓу вложувачите. Висок функционер од споменатата рејтинг агенција претходно во средата за Reuters изјави дека ECB треба да ги зголеми купувањата на државните обврзници на проблематичните земји од еврозоната, за да се поддржи Италија и за да се спречи катаклизмичниот распад на еврозоната.„Нé очекуваат многу случувања за кои пазарите се подготвуваат а пораката од Fitch не помогна. Еврото очигледно е ранливо и во блиска иднина може да се спушти на 1,26 долари“, коментираше за Reuters Џенифер Хау од „Lloyds“.Продолженото лизгање на еврото надолу го стопираше изјавата на германската канцеларка Ангела Меркел дека Германија би била подготвена да уплати поголема сума во европскиот кризен фонд ESM за да им испрати адекватна порака на пазарите.Инвеститорите сега своето внимание го концентрираат на аукциите на државните обврзници на Шпанија која планира во четврток да продаде во вредност од пет милијарди евра должнички хартии со рок на доспевање во 2015 и 2016 година, и тоа само неколку часа пред одлуката на Европската централна банка за висината на клучните каматни стапки во еврозоната. Италија, пак, во петок ќе понуди 4,75 милијарди евра во државни обврзници со рок на доспевање од пет години.Иако приносите на италијанските државни обврзници паднаа под критичното ниво од 7 отсто, аналитичарите сметаат дека еврото ќе биде чувствително на стравувањата од заострувањето ан должничката криза во следните неколку седмици. Што се однесува до Европската централна банка, се очекува дека нејзините челници ќе донесат одлука за задржување на каматните стапки од еден отсто и ќе побараат од владите да ги засилат настојувањата за надминување на должничката криза во еврозоната./крај/ро/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Вицегувернерката Митреска: Народната банка го поттикнува зеленото кредитирање
„Народната банка ги препозна ризиците од климатските промени на долг рок, зазеде проактивен став и како една од своите стратегиски цели ги постави зголемената свесност за климатските промени и придонесот кон зелената одржлива економија“, посочи вицегувернерката на Народната банка, Ана Митреска, во интервју за „Блумберг Адрија“, при што истакна дека „зелената агенда“ е вградена во Стратегискиот план на Народната банка. Во период од четири години нивото на „зелените кредити“ е зголемено за околу 2,5 пати.
Митреска посочи дека заради поддршка на зелените финансии и за справување со климатските ризици, Народната банка донесе среднорочен план којшто предвидува конкретни акциски планови или активности во повеќе сфери на работењето на Народната банка, како регулативата, супервизијата, финансиската стабилност, истражувањето и меѓународната соработка.
„Неодамна донесовме и конкретни насоки за банките коишто треба да претставуваат еден вид мапа за начинот на кој треба да се однесуваат банките во однос на мерењето, оценувањето и управувањето со ризиците од климатските промени. Уште пред неколку години го променивме концептот на инструментот за задолжителна резерва заради поттикнување на зеленото кредитирање. Во рамките на институцијата работиме и на политиката на одржливост на банката, што значи подобрување на нашиот корпоративен профил во однос на одржливоста како концепт“, посочи Митреска, истакнувајќи дека Народната банка применува систематизиран пристап кога станува збор за зелената економија и справувањето со ризиците од климатски промени.
„Кредитите со зелена компонента се кредити коишто се насочени кон зголемување на енергетската ефикасност, и на корпоративниот сектор, и на населението, вложување, односно инвестиции во проекти коишто се однесуваат на обновливи извори на енергија, проекти коишто подразбираат користење одржливи материјали, одржливи решенија“, објасни Митреска и посочи дека станува збор за кредитирање коешто е насочено кон инвестициите наменети за заштита на животната средина и ублажување на ефектите од климатските промени врз околината.
Економија
Од полноќ нови цени на горивата
Регулаторната комисија за енергетика донесе oдлука со која се врши намалување на малопродажните цени на нафтените деривати во просек за 0,09 % во однос на одлуката од 15.4.2024 година.
Од 23.4.2024 година, од 00.01 часот, максималните цени на нафтените деривати ќе изнесуваат:
Моторен бензин ЕВРОСУПЕР БС-95 – 87,50 (денари/литар)
Моторен бензин ЕВРОСУПЕР БС-98 – 90,00 (денари/литар)
Дизел-гориво ЕВРОДИЗЕЛ БС (Д-Е V) – 76,00 (денари/литар)
Масло за горење екстра-лесно 1 (ЕЛ-1) – 76,00 (денари/литар)
Мазут М-1 НС – 44,554 (денари/килограм)
Малопродажните цени на ЕВРОДИЗЕЛОТ (Д-Е V) и на екстра-лесното масло за домаќинство на (ЕЛ-1) се намалуваат 1,50 денар/л.
Малопродажната цена на бензинот ЕВРОСУПЕР БС-95 се зголемува 1,00 денар/л, а малопродажната цена бензинот ЕВРОСУПЕР БС-98 се зголемува 1,50 денар/л.
Малопродажната цена на мазутот М-1 НС се зголемува 0,252 денари/кг и ќе изнесува 44,554 денари/кг.
Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините 0,608 %, кај дизелот намалувањето е 5,088 %, кај екстра-лесното масло намалувањето е 4,799 % и кај мазутот намалувањето е 1,138 %.
Курсот на денарот во однос на доларот во изминатиот период по кој беа формирани цените со претходната пресметка е повисок 1,618 %.
Економија
МЗШВ: Кон 4.033 одгледувачи на говеда исплатени 100 милиони денари дополнителни субвенции за обележани говеда
Министерството за земјоделство, шумарство и водостопанство ги информира сточарите, одгледувачи на говеда, дека денеска Агенцијата за финансиска поддршка во земјоделството и руралниот развој ја реализираше исплатата на дополнителните директни плаќања за обележани грла говеда постари од 12 месеци.
Исплатени се 4.033 одгледувачи на говеда, со вкупна вредност на поддршка од 100 милиони денари.
Висината на директните плаќања изнесува 2.600 денари по женско грло, кое на денот на поднесувањето на барањето има наполнето 12 месеци.
Како корисници на оваа подмерка се јавуваат земјоделските стопанства корисници на основните директни плаќања за обележани грла говеда постари од 12 месеци, а кои сопственото производство на млеко го имаат предадено на регистриран откупувач на сурово млеко или продале или заклале говеда во преработувачки капацитети.