Економија
БМВ и Фолксваген повлекуваат повеќе од 500 илјади возила
Германските гиганти во светската автомобилска индустрија „Volkswagen AG“ и „BMW AG“ објавија дека од светските пазари на возила ќе повлечат повеќе од 500 илјади автомобили поради технички проблеми, пишува Wall Street Journal повикувајќи се на претставници на компаниите.
Германските гиганти во светската автомобилска индустрија „Volkswagen AG“ и „BMW AG“ објавија дека од светските пазари на возила ќе повлечат повеќе од 500 илјади автомобили поради технички проблеми, пишува Wall Street Journal повикувајќи се на претставници на компаниите.Најголемиот производител на автомобили во Европа, германскииот концерн „Volkswagen AG“, почнал со повлекувањето на своите автомобили уште од октомври минатата година, а се претпоставува дека вкупно ќе бидат повлечени 299 илјади возила со дизел мотори, пишува весникот. Само од пазарот во САД треба да бидат повлечени 168 илјади автомобили.Причината за ваквата одлука на компанијата наводно е констатираната неисправност на системот за вбризгување на горивото. Како резултат на неправилното фунционирање на системот за снабдување со гориво се јавува дополнителен проблем, кој може да доведе до пукање и, следствено, истекување на гориво од системот. Во овој случај, постои опасност од избувнување пожар на возилото.Компанијата ги информирала сопствениците, но не е објавено колку автомобили веќе се повлечени. Грешката е забележана на моделите „фолцваген голф“, „џета“, пасат“, „тигуан“ и други произведени од 2009 година, пишува весникот.Тоа се однесува и на автомобилите произведени од страна на подружници на „Volkswagen AG’, „Audi“, „Skoda“ и „Seat“.Другиот германски концер кој е најголемиот светски производител на автомобили од луксузната класа, „Bayerische Motoren Werke AG (BMW)“, исто така најавил повлекување на 235 илјади автомобили од брендот „Mini“ низ целиот свет поради технички дефект. Според Wall Street Journal, грешката најверојатно се однесува на електричната пумпа која го лади турбо компресорот, што може да резултира со прегревање на турбина што може да доведе до запалување во делот каде е сместен моторот на возилото.Според компанијата, досега не е регистриран ниеден инцидент поврзан со наводниот проблем.Као што забележува весникот, за овој недостаток на „BMW“ се дознало откако компанијата ја информирала американската служба за безбедност на патиштата (NHTSA), за повлекување на речиси 89 илјади возила од типот „мини“ од САД поради опасност од појава на пожар./крај/всџ/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Се намалува мазутот, цените на дизелот и бензините остануваат непроменети
Регулаторната комисија за енергетика, водни услуги и услуги за управување со комунален отпад донесе oдлука со која се врши намалување на малопродажните цени на нафтените деривати во просек за 0,53 % во однос на одлуката од 7.5.2024 година.
Од 10.5.2024 година, од 00.01 часот, максималните цени на нафтените деривати ќе изнесуваат:
Моторен бензин ЕВРОСУПЕР БС-95 – 86,00 (денари/литар)
Моторен бензин ЕВРОСУПЕР БС-98 – 88,00 (денари/литар)
Дизел-гориво ЕВРОДИЗЕЛ БС (Д-Е V) – 74,50 (денари/литар)
Масло за горење екстра-лесно 1 (ЕЛ-1) – 74,00 (денари/литар)
Мазут М-1 НС – 44,609 (денари/килограм)
Малопродажната цена на „мазутот М-1 НС“ се намалува 1,223 денар/кг и сега ќе изнесува 44,609 денари/кг.
Малопродажните цени на бензините ЕВРОСУПЕР БС-95 и ЕВРОСУПЕР БС-98, како и на ЕВРОДИЗЕЛОТ (Д-Е V) и на екстра-лесното масло за домаќинство на (ЕЛ-1) не се менуваат.
Референтните цени на нафтените деривати на светскиот пазар во споредба со претходната пресметка бележат намалување во просек: кај бензините 2,939 %, кај дизелот 1,523 %, кај екстра-лесното масло 1,341 % и кај „мазутот“ намалувањето е 3,608 %.
Курсот на денарот во однос на доларот во изминатиот период по кој беа формирани цените со претходната пресметка е понизок 0,015 %.
Економија
Одлуката за осигурување автомобили е еднострана и штетна за бизнис-секторот и економијата во државата, реагира Комората на северозападна Македонија
Стопанската комора на северозападна Македонија ја квалификува одлуката на Комисијата за осигурување автоодговорност како неодржлива за благосостојбата на бизнисот и стопанството.
„Многу бизниси мора да се потпрат на употребата на возила за извршување на своите активности, како што се транспорт на стоки, услуги или вработени. Повисоките цени на полисата за осигурување автомобили може да имаат пошироки макроекономски ефекти со намалување на довербата и трошењето на потрошувачите, кои се клучни двигатели на економскиот раст“, се истакнува во реакцијата на Комората.
Деловното опкружување, како што оценуваат, станува обесхрабрувачки за домашните компании, но и за странските инвестиции, оставајќи долгорочни последици, но и спротивно на законодавниот систем на ЕУ, кој сè уште му дозволува на Министерството за финансии да одлучува за премиите за осигурување автомобили, што е спротивно на acquis на ЕУ.
„Со оваа одлука на Комисијата за самоодговорност се ограничуваат одговорностите на другите релевантни фактори, како што се компаниите, со кои цените на самоодговорноста се целосно контролирани од државата“, потенцираат од Стопанската комора на северозападна Македонија.
Економија
Од полноќ нови цени на горивата
Регулаторната комисија за енергетика донесе одлука со која се врши намалување на малопродажните цени на нафтените деривати во просек за 1,70 % во однос на одлуката од 29.4.2024 година.
Од 8.5.2024 година од 00.01 часот максималните цени на нафтените деривати ќе изнесуваат:
Моторен бензин ЕВРОСУПЕР БС-95 – 86,00 (денари/литар)
Моторен бензин ЕВРОСУПЕР БС-98 – 88,00 (денари/литар)
Дизел-гориво ЕВРОДИЗЕЛ БС (Д-Е V) – 74,50 (денари/литар)
Масло за горење екстра-лесно 1 (ЕЛ-1) – 74,00 (денари/литар)
Мазут М-1 НС – 45,832 (денари/килограм)
Малопродажните цени на бензините ЕВРОСУПЕР БС-95 и ЕВРОСУПЕР БС-98 и на екстра-лесното масло за домаќинство (ЕЛ-1) се намалуваат 1,50 денар/л.
Малопродажната цена на ЕВРОДИЗЕЛОТ (Д-Е V) се намалува 1,00 денар/л.
Малопродажната цена на „мазутот М-1 НС“ се намалува 0,829 денари/кг и сега ќе изнесува 45,832 денари/кг.
Референтните цени на нафтените деривати на светскиот пазар во споредба со претходната пресметка бележат намалување во просек: кај бензините 2,438 %, кај дизелот 2,100 %, кај екстра-лесното масло 2,605 % и кај мазутот намалувањето е 1,907 %.
Курсот на денарот во однос на доларот во изминатиот период по кој беа формирани цените со претходната пресметка е понизок 0,407 %.