Економија
ИМФЦ прогнозира умерен раст на светската економија
Меѓународниот монетарен и финансиски комитет (International Monetary and Financial Committee – IMFC), управното тело на Меѓународниот монетарен фонд (ММФ) предвидува умерен раст во глобалната економија и бара од развиените земји намалување на домашните дефицити и поодговорна фискална политика.
„Светската економија се опоравува скромно. Од нашиот последен состанок (пред околу шест месеци) беа преземени важни чекори во еврозоната, како на регионално, така и на национално ниво. Економските показатели во САД се подобрија. Пазарите во развој и земјите како целина останаа извор на ресурси за растот на глобалната економија. Но останува уште многу да се направи. Прогнозата за раст останува умерена, и ризикот висок“, се наведува во завршниот документ на раководното тело на Меѓународниот монетарен фонд, донесена по завршувањето на консултациите во рамките на годинешните „пролетни средби“ на ММФ и Светската банка во Вашингтон.
Комитетот забележува дека со цел да се зајакне глобалната економија, се бара преземање конкретни дејствија од страна на сите земји.
„На мноу земји им претстои да ја вратат довербата во нивните финансиски политики, намалување на внатрешните дефицити, како и избегнување на премногу рестриктивната фискална политика. Во сите земји мора да се рализира на среден рок консолидациона стратегија… Критично е важно да се спроведат структурни реформи за зголемување на производството и намалување на невработеноста“, се вели во заклучоците објавени во саботата по состанокот.
Сепак, Комитетот очекува продолжување на силниот економски раст на пазарите во развој, и покрај негативното влијание коешто доаѓа од страна на развиените економии, коишто преживуваат тешкотии.
„Актуелната криза во Европа, променливите цени на нафтата и ресурсите, како и значителните приливи на движењето на капиталот ќе продолжат да претставуваат сериозна закана за пазарите во развој … Клучна одлука за идниот економски раст и стабилност е заедничката соработка, дејствијата што ќе следат (за да се спречи криза) треба да бидат насочени кон отстранување на глобалната економска нерамнотежа“, се дова во документот.
Комитетот, исто така, ја поддржа одлуката на Г-20 за распределба на ММФ 430 милијарди долари како дополнителни средства, за да може поефикаснко да помогне во надминувањето на европската должничка криза.
Следниот состанок на Комитетот ќе се одржи на ткн „есенски средби“ меѓу челниците на Светската банка и на Меѓунардониот моентарен фонд, коишто ќе се одржат во Токио на 12-ти и 13-ти октомври 2012 година./крај/рн/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Вицегувернерката Митреска: Народната банка го поттикнува зеленото кредитирање
„Народната банка ги препозна ризиците од климатските промени на долг рок, зазеде проактивен став и како една од своите стратегиски цели ги постави зголемената свесност за климатските промени и придонесот кон зелената одржлива економија“, посочи вицегувернерката на Народната банка, Ана Митреска, во интервју за „Блумберг Адрија“, при што истакна дека „зелената агенда“ е вградена во Стратегискиот план на Народната банка. Во период од четири години нивото на „зелените кредити“ е зголемено за околу 2,5 пати.
Митреска посочи дека заради поддршка на зелените финансии и за справување со климатските ризици, Народната банка донесе среднорочен план којшто предвидува конкретни акциски планови или активности во повеќе сфери на работењето на Народната банка, како регулативата, супервизијата, финансиската стабилност, истражувањето и меѓународната соработка.
„Неодамна донесовме и конкретни насоки за банките коишто треба да претставуваат еден вид мапа за начинот на кој треба да се однесуваат банките во однос на мерењето, оценувањето и управувањето со ризиците од климатските промени. Уште пред неколку години го променивме концептот на инструментот за задолжителна резерва заради поттикнување на зеленото кредитирање. Во рамките на институцијата работиме и на политиката на одржливост на банката, што значи подобрување на нашиот корпоративен профил во однос на одржливоста како концепт“, посочи Митреска, истакнувајќи дека Народната банка применува систематизиран пристап кога станува збор за зелената економија и справувањето со ризиците од климатски промени.
„Кредитите со зелена компонента се кредити коишто се насочени кон зголемување на енергетската ефикасност, и на корпоративниот сектор, и на населението, вложување, односно инвестиции во проекти коишто се однесуваат на обновливи извори на енергија, проекти коишто подразбираат користење одржливи материјали, одржливи решенија“, објасни Митреска и посочи дека станува збор за кредитирање коешто е насочено кон инвестициите наменети за заштита на животната средина и ублажување на ефектите од климатските промени врз околината.
Економија
Од полноќ нови цени на горивата
Регулаторната комисија за енергетика донесе oдлука со која се врши намалување на малопродажните цени на нафтените деривати во просек за 0,09 % во однос на одлуката од 15.4.2024 година.
Од 23.4.2024 година, од 00.01 часот, максималните цени на нафтените деривати ќе изнесуваат:
Моторен бензин ЕВРОСУПЕР БС-95 – 87,50 (денари/литар)
Моторен бензин ЕВРОСУПЕР БС-98 – 90,00 (денари/литар)
Дизел-гориво ЕВРОДИЗЕЛ БС (Д-Е V) – 76,00 (денари/литар)
Масло за горење екстра-лесно 1 (ЕЛ-1) – 76,00 (денари/литар)
Мазут М-1 НС – 44,554 (денари/килограм)
Малопродажните цени на ЕВРОДИЗЕЛОТ (Д-Е V) и на екстра-лесното масло за домаќинство на (ЕЛ-1) се намалуваат 1,50 денар/л.
Малопродажната цена на бензинот ЕВРОСУПЕР БС-95 се зголемува 1,00 денар/л, а малопродажната цена бензинот ЕВРОСУПЕР БС-98 се зголемува 1,50 денар/л.
Малопродажната цена на мазутот М-1 НС се зголемува 0,252 денари/кг и ќе изнесува 44,554 денари/кг.
Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините 0,608 %, кај дизелот намалувањето е 5,088 %, кај екстра-лесното масло намалувањето е 4,799 % и кај мазутот намалувањето е 1,138 %.
Курсот на денарот во однос на доларот во изминатиот период по кој беа формирани цените со претходната пресметка е повисок 1,618 %.
Економија
МЗШВ: Кон 4.033 одгледувачи на говеда исплатени 100 милиони денари дополнителни субвенции за обележани говеда
Министерството за земјоделство, шумарство и водостопанство ги информира сточарите, одгледувачи на говеда, дека денеска Агенцијата за финансиска поддршка во земјоделството и руралниот развој ја реализираше исплатата на дополнителните директни плаќања за обележани грла говеда постари од 12 месеци.
Исплатени се 4.033 одгледувачи на говеда, со вкупна вредност на поддршка од 100 милиони денари.
Висината на директните плаќања изнесува 2.600 денари по женско грло, кое на денот на поднесувањето на барањето има наполнето 12 месеци.
Како корисници на оваа подмерка се јавуваат земјоделските стопанства корисници на основните директни плаќања за обележани грла говеда постари од 12 месеци, а кои сопственото производство на млеко го имаат предадено на регистриран откупувач на сурово млеко или продале или заклале говеда во преработувачки капацитети.