Економија
ЕК: Грција мора да реши уште некои прашања со „тројката“
Европската комисија во четврток соопшти дека останале да се решат уште неколку прашања за да се постигне договор меѓу Грција и доверителите, откако грчкото Министерство за финансии веќе објави дека е постигнат договор, според кој Атина добила уште две години пролонгирање за санација на состојбата.
„Овие денови е постигнат голем напредок во преговорите, но останаа уште неколку прашања кои треба да се решат“, изјави портпаролот на Комисијата Симон О’Конор.
Во средата грчкиот министер за финансии Јанис Стоурнарас објави дека е постигнат договор со „тројката“(ЕУ, ЕЦБ и ММФ) за новата програма за штедење што би требало да донесе дополнителни заштеди во висина од 13,5 милијарди евра во следните две години и дека Грција, според тој договор, добила две дополнителни години за санирање на јавните финансии.
Тврдењата на грчкиот министер за финансии засега никој не ги потврди. Претседателот на Европската централна банка(ЕЦБ) Марио Драги изјави во Берлин дека во преговорите меѓу грчката влада и „тројката“ е постигнат напредок, но дека „останале да се прецизираат некои елементи“.
Стоурнарас во четврток, по состанокот со премиерот Антонис Самарас, повтори дека новиот пакет мерки за штедење и реформи следната недела ќе биде упатен во Парламентот.
Извор од грчкото Министерство за финансии признава дека Грција сè уште формално не добила одложување.
„Не добивме формално одложување, но сите сценарија на кои работиме со тројката се однесуваат на четири години, што значи крај на програмата во 2016, наместо 2014 година“, рече изворот.
Грција мора да оствари дополнителни заштеди во следните две години за да ја добие следната транша помош од 31,5 милијарди евра, на која чека уште од јуни.
Новите мерки за штедење предвидуваат зголемување на старосната граница за заминување во пензија од 65 на 67 години, понатамошно намалување на платите и пензиите и дополнителни отпуштања во администрацијата.
Грчкиот премиер Самарас вели дека државната благајна на 16 ноември ќе биде целосно празна без новата транша помош. Дотогаш новите мерки би требало да бидат прифатени во грчкиот парламент, а министрите на еврозоната би требало најдоцна на состанокот закажан за 12 ноември да го одобрат новиот пакет помош. /крај/хн/ст
Copyright 2012 makfax. Сите права се задржани. Текстов не смее да се печати или емитува, во целина или во делови, без договор со makfax.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Вицегувернерката Митреска: Народната банка го поттикнува зеленото кредитирање
„Народната банка ги препозна ризиците од климатските промени на долг рок, зазеде проактивен став и како една од своите стратегиски цели ги постави зголемената свесност за климатските промени и придонесот кон зелената одржлива економија“, посочи вицегувернерката на Народната банка, Ана Митреска, во интервју за „Блумберг Адрија“, при што истакна дека „зелената агенда“ е вградена во Стратегискиот план на Народната банка. Во период од четири години нивото на „зелените кредити“ е зголемено за околу 2,5 пати.
Митреска посочи дека заради поддршка на зелените финансии и за справување со климатските ризици, Народната банка донесе среднорочен план којшто предвидува конкретни акциски планови или активности во повеќе сфери на работењето на Народната банка, како регулативата, супервизијата, финансиската стабилност, истражувањето и меѓународната соработка.
„Неодамна донесовме и конкретни насоки за банките коишто треба да претставуваат еден вид мапа за начинот на кој треба да се однесуваат банките во однос на мерењето, оценувањето и управувањето со ризиците од климатските промени. Уште пред неколку години го променивме концептот на инструментот за задолжителна резерва заради поттикнување на зеленото кредитирање. Во рамките на институцијата работиме и на политиката на одржливост на банката, што значи подобрување на нашиот корпоративен профил во однос на одржливоста како концепт“, посочи Митреска, истакнувајќи дека Народната банка применува систематизиран пристап кога станува збор за зелената економија и справувањето со ризиците од климатски промени.
„Кредитите со зелена компонента се кредити коишто се насочени кон зголемување на енергетската ефикасност, и на корпоративниот сектор, и на населението, вложување, односно инвестиции во проекти коишто се однесуваат на обновливи извори на енергија, проекти коишто подразбираат користење одржливи материјали, одржливи решенија“, објасни Митреска и посочи дека станува збор за кредитирање коешто е насочено кон инвестициите наменети за заштита на животната средина и ублажување на ефектите од климатските промени врз околината.
Економија
Од полноќ нови цени на горивата
Регулаторната комисија за енергетика донесе oдлука со која се врши намалување на малопродажните цени на нафтените деривати во просек за 0,09 % во однос на одлуката од 15.4.2024 година.
Од 23.4.2024 година, од 00.01 часот, максималните цени на нафтените деривати ќе изнесуваат:
Моторен бензин ЕВРОСУПЕР БС-95 – 87,50 (денари/литар)
Моторен бензин ЕВРОСУПЕР БС-98 – 90,00 (денари/литар)
Дизел-гориво ЕВРОДИЗЕЛ БС (Д-Е V) – 76,00 (денари/литар)
Масло за горење екстра-лесно 1 (ЕЛ-1) – 76,00 (денари/литар)
Мазут М-1 НС – 44,554 (денари/килограм)
Малопродажните цени на ЕВРОДИЗЕЛОТ (Д-Е V) и на екстра-лесното масло за домаќинство на (ЕЛ-1) се намалуваат 1,50 денар/л.
Малопродажната цена на бензинот ЕВРОСУПЕР БС-95 се зголемува 1,00 денар/л, а малопродажната цена бензинот ЕВРОСУПЕР БС-98 се зголемува 1,50 денар/л.
Малопродажната цена на мазутот М-1 НС се зголемува 0,252 денари/кг и ќе изнесува 44,554 денари/кг.
Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините 0,608 %, кај дизелот намалувањето е 5,088 %, кај екстра-лесното масло намалувањето е 4,799 % и кај мазутот намалувањето е 1,138 %.
Курсот на денарот во однос на доларот во изминатиот период по кој беа формирани цените со претходната пресметка е повисок 1,618 %.
Економија
МЗШВ: Кон 4.033 одгледувачи на говеда исплатени 100 милиони денари дополнителни субвенции за обележани говеда
Министерството за земјоделство, шумарство и водостопанство ги информира сточарите, одгледувачи на говеда, дека денеска Агенцијата за финансиска поддршка во земјоделството и руралниот развој ја реализираше исплатата на дополнителните директни плаќања за обележани грла говеда постари од 12 месеци.
Исплатени се 4.033 одгледувачи на говеда, со вкупна вредност на поддршка од 100 милиони денари.
Висината на директните плаќања изнесува 2.600 денари по женско грло, кое на денот на поднесувањето на барањето има наполнето 12 месеци.
Како корисници на оваа подмерка се јавуваат земјоделските стопанства корисници на основните директни плаќања за обележани грла говеда постари од 12 месеци, а кои сопственото производство на млеко го имаат предадено на регистриран откупувач на сурово млеко или продале или заклале говеда во преработувачки капацитети.