Економија
Детроит најбедниот град во САД, според Forbes
Насилните злосторства, високата невработеност, сé помалото население и финансиската криза го прават Детроит најбедниот град во САД, објави магазинот Forbes.
Така Детроит во новото рангирање го надмина Мајами кој оваа „титула” ја имаше минатата година. Зад Детроит е градот Флинт, а и двата се наоѓаат во сојузната држава Мичиген, а потоа доаѓа Рокфорд и Чикаго во државата Илиноис и Модесто во Калифорнија, на листата од првите пет најлошо урбани области во САД во 2013 година.
„Проблемите на Детроит не се никаква новина. Станува збор за четириесетгодишно пропаѓање коешто оди заедно со американската автомобилска индустрија”, пишува Forbes.
Овој град кој центарот на автомобилската индустрија е на работ на банкрот и може финансиски да го преземе сојузната држава Мичиген.
Стапката насилни злосторства во Детроит е највисоката во САД со1.052 на 100 илјади лица, според податоците американското федерално истражно биро FBI.
Градот Флинт, со кој управува кризен менаџер кого го постави гувернерот на сојузната држава пред повеќе од една година, соочен е со слични проблеми и има меѓу највисоките стапки на криминал во САД, а невработеноста е на ниво од 11,3 отсто.
Магазинот Forbes ги истражувач 200-те најголеми центри во САД, а потоа го составил списокот од 20 најлошите рангирајќи ги според низа фактори меѓу кои во стапките на криминал, извршувањата по налози, даноците, цените на станбениот простор, времето минато во сообраќајот, временските услови и намалувањето на населението,
Мегалополисот Чикаго стаса на четвртото место поради насилните злосторства, високите стапки на извршувањата и опаѓањето на цената на становите, како и високите животни трошоци.
Њујорк стаса на 10-то место, исто така, најмногу поради големите животни трошоци. Овој град има една од најголемите стапки на даноци на приход и со 36 минути најдолго просечно време патување од домот до работното место.
Вбројувањето на Чикаго и Њујорк на листата на најбедните градови би можело да изненади, забележува Forbes, бидејќи двата града нудат многу можности за живот и работа, светско ниво на култура, водечки универзитети, скапи и познати спортски екипи и луксузни ресторани. „Меѓутоа ни во еден од нив не е лесно да се живее, особено доколку не заработувате многу пари, па дури и ако и заработувате може да биде тешко”, пишува Forbes.
Минатогодишниот најбеден град Мајами испадна од листата од 20 најбедни градови, делумно и поради приливот на население./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Вицегувернерката Митреска: Народната банка го поттикнува зеленото кредитирање
„Народната банка ги препозна ризиците од климатските промени на долг рок, зазеде проактивен став и како една од своите стратегиски цели ги постави зголемената свесност за климатските промени и придонесот кон зелената одржлива економија“, посочи вицегувернерката на Народната банка, Ана Митреска, во интервју за „Блумберг Адрија“, при што истакна дека „зелената агенда“ е вградена во Стратегискиот план на Народната банка. Во период од четири години нивото на „зелените кредити“ е зголемено за околу 2,5 пати.
Митреска посочи дека заради поддршка на зелените финансии и за справување со климатските ризици, Народната банка донесе среднорочен план којшто предвидува конкретни акциски планови или активности во повеќе сфери на работењето на Народната банка, како регулативата, супервизијата, финансиската стабилност, истражувањето и меѓународната соработка.
„Неодамна донесовме и конкретни насоки за банките коишто треба да претставуваат еден вид мапа за начинот на кој треба да се однесуваат банките во однос на мерењето, оценувањето и управувањето со ризиците од климатските промени. Уште пред неколку години го променивме концептот на инструментот за задолжителна резерва заради поттикнување на зеленото кредитирање. Во рамките на институцијата работиме и на политиката на одржливост на банката, што значи подобрување на нашиот корпоративен профил во однос на одржливоста како концепт“, посочи Митреска, истакнувајќи дека Народната банка применува систематизиран пристап кога станува збор за зелената економија и справувањето со ризиците од климатски промени.
„Кредитите со зелена компонента се кредити коишто се насочени кон зголемување на енергетската ефикасност, и на корпоративниот сектор, и на населението, вложување, односно инвестиции во проекти коишто се однесуваат на обновливи извори на енергија, проекти коишто подразбираат користење одржливи материјали, одржливи решенија“, објасни Митреска и посочи дека станува збор за кредитирање коешто е насочено кон инвестициите наменети за заштита на животната средина и ублажување на ефектите од климатските промени врз околината.
Економија
Од полноќ нови цени на горивата
Регулаторната комисија за енергетика донесе oдлука со која се врши намалување на малопродажните цени на нафтените деривати во просек за 0,09 % во однос на одлуката од 15.4.2024 година.
Од 23.4.2024 година, од 00.01 часот, максималните цени на нафтените деривати ќе изнесуваат:
Моторен бензин ЕВРОСУПЕР БС-95 – 87,50 (денари/литар)
Моторен бензин ЕВРОСУПЕР БС-98 – 90,00 (денари/литар)
Дизел-гориво ЕВРОДИЗЕЛ БС (Д-Е V) – 76,00 (денари/литар)
Масло за горење екстра-лесно 1 (ЕЛ-1) – 76,00 (денари/литар)
Мазут М-1 НС – 44,554 (денари/килограм)
Малопродажните цени на ЕВРОДИЗЕЛОТ (Д-Е V) и на екстра-лесното масло за домаќинство на (ЕЛ-1) се намалуваат 1,50 денар/л.
Малопродажната цена на бензинот ЕВРОСУПЕР БС-95 се зголемува 1,00 денар/л, а малопродажната цена бензинот ЕВРОСУПЕР БС-98 се зголемува 1,50 денар/л.
Малопродажната цена на мазутот М-1 НС се зголемува 0,252 денари/кг и ќе изнесува 44,554 денари/кг.
Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините 0,608 %, кај дизелот намалувањето е 5,088 %, кај екстра-лесното масло намалувањето е 4,799 % и кај мазутот намалувањето е 1,138 %.
Курсот на денарот во однос на доларот во изминатиот период по кој беа формирани цените со претходната пресметка е повисок 1,618 %.
Економија
МЗШВ: Кон 4.033 одгледувачи на говеда исплатени 100 милиони денари дополнителни субвенции за обележани говеда
Министерството за земјоделство, шумарство и водостопанство ги информира сточарите, одгледувачи на говеда, дека денеска Агенцијата за финансиска поддршка во земјоделството и руралниот развој ја реализираше исплатата на дополнителните директни плаќања за обележани грла говеда постари од 12 месеци.
Исплатени се 4.033 одгледувачи на говеда, со вкупна вредност на поддршка од 100 милиони денари.
Висината на директните плаќања изнесува 2.600 денари по женско грло, кое на денот на поднесувањето на барањето има наполнето 12 месеци.
Како корисници на оваа подмерка се јавуваат земјоделските стопанства корисници на основните директни плаќања за обележани грла говеда постари од 12 месеци, а кои сопственото производство на млеко го имаат предадено на регистриран откупувач на сурово млеко или продале или заклале говеда во преработувачки капацитети.