Економија
Богов: Производниот јаз ќе биде затворен следната година
Остварениот раст на македонската економија во првото полугодие се очекува да продолжи во наредниот период, а во 2014 година се очекува да биде завторен производниот јаз (разлика меѓу агрегатната побарувачка и потенцијалната агрегатна понуда во економијата).
Ова во понеделникот пред членките на Стопанската комора на Македонија го порача гувернерот Димитар Богов, кој ги презентираше проекциите на Народната банка за македонската економија.Богов истакна дека и покрај тоа што е остарен раст во првото полугодие од 3,4 отсто во разговори со одредени бизнисмени му било посочено дека тие немале таква перцепција. Ова според Богов се должи на тоа што растот е креиран од странските инвестиции и јавната потрошувачка, додека во индустријата имало нерамномерен тренд, односно во некои гранки и натаму имало пад, особено на оние кои се извозно ориентирани и силно зависат од движењата во европската економија.Богов изрази уверување дека во наредниот период, во кој се очекува заздравување на европската економија и под услов да нема некои непредвидени шокови во светската економија, ќе продолжи нагорниот тренд на македонската економија, а во 2014 година ќе биде затворен негативниот производствен јаз.Тој ги повтори ревидирани оценки на Народната банка изнесени минатата недела, според кој се очекува Македонија годинава да оствари стапка на раст од 3,3 отсто, во наредната 3,7, а во 2015 растот да достигне 4,4 отсто.Се очекува во наредниот период економскиот раст да биде воден од инвестициите, извозот, како и од зголемената домашна побарувачкаГувернерот оцени дека инфлацијата се очекува да остане ниска, дефицитот во трговската размена, кој е намален од 23 на 21 отсто до БДП да остане на тоа ниво, додека се очекува зголемување на дефицитот во тековната сметка, кој сега е паднат на три отсто.Дел од стопанствениците денеска му се пожалија на Богов дека се оптоварени од високите камати и провизии на банките, други дека се погодени од курсните разлики, со оглед дека извезуваат во долари, а беше поставено и прашањето зошто компаниите не можат да добијат долгорочни кредити за капитални инвестиции.Богов истакна дека референтната каматна стапка е на рекордно ниско ниво, што е еден од условите за пониски кредити, како и дека сегашните кредити на банките се на пониско ниво во споредба со минатото, но укажа и дека врз каматите влијаат и други фактори, како што се цената на капиталот, маржата за заработувачка, обезбедувањето од ликвидност и ризик. /крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Вицегувернерката Митреска: Народната банка го поттикнува зеленото кредитирање
„Народната банка ги препозна ризиците од климатските промени на долг рок, зазеде проактивен став и како една од своите стратегиски цели ги постави зголемената свесност за климатските промени и придонесот кон зелената одржлива економија“, посочи вицегувернерката на Народната банка, Ана Митреска, во интервју за „Блумберг Адрија“, при што истакна дека „зелената агенда“ е вградена во Стратегискиот план на Народната банка. Во период од четири години нивото на „зелените кредити“ е зголемено за околу 2,5 пати.
Митреска посочи дека заради поддршка на зелените финансии и за справување со климатските ризици, Народната банка донесе среднорочен план којшто предвидува конкретни акциски планови или активности во повеќе сфери на работењето на Народната банка, како регулативата, супервизијата, финансиската стабилност, истражувањето и меѓународната соработка.
„Неодамна донесовме и конкретни насоки за банките коишто треба да претставуваат еден вид мапа за начинот на кој треба да се однесуваат банките во однос на мерењето, оценувањето и управувањето со ризиците од климатските промени. Уште пред неколку години го променивме концептот на инструментот за задолжителна резерва заради поттикнување на зеленото кредитирање. Во рамките на институцијата работиме и на политиката на одржливост на банката, што значи подобрување на нашиот корпоративен профил во однос на одржливоста како концепт“, посочи Митреска, истакнувајќи дека Народната банка применува систематизиран пристап кога станува збор за зелената економија и справувањето со ризиците од климатски промени.
„Кредитите со зелена компонента се кредити коишто се насочени кон зголемување на енергетската ефикасност, и на корпоративниот сектор, и на населението, вложување, односно инвестиции во проекти коишто се однесуваат на обновливи извори на енергија, проекти коишто подразбираат користење одржливи материјали, одржливи решенија“, објасни Митреска и посочи дека станува збор за кредитирање коешто е насочено кон инвестициите наменети за заштита на животната средина и ублажување на ефектите од климатските промени врз околината.
Економија
Од полноќ нови цени на горивата
Регулаторната комисија за енергетика донесе oдлука со која се врши намалување на малопродажните цени на нафтените деривати во просек за 0,09 % во однос на одлуката од 15.4.2024 година.
Од 23.4.2024 година, од 00.01 часот, максималните цени на нафтените деривати ќе изнесуваат:
Моторен бензин ЕВРОСУПЕР БС-95 – 87,50 (денари/литар)
Моторен бензин ЕВРОСУПЕР БС-98 – 90,00 (денари/литар)
Дизел-гориво ЕВРОДИЗЕЛ БС (Д-Е V) – 76,00 (денари/литар)
Масло за горење екстра-лесно 1 (ЕЛ-1) – 76,00 (денари/литар)
Мазут М-1 НС – 44,554 (денари/килограм)
Малопродажните цени на ЕВРОДИЗЕЛОТ (Д-Е V) и на екстра-лесното масло за домаќинство на (ЕЛ-1) се намалуваат 1,50 денар/л.
Малопродажната цена на бензинот ЕВРОСУПЕР БС-95 се зголемува 1,00 денар/л, а малопродажната цена бензинот ЕВРОСУПЕР БС-98 се зголемува 1,50 денар/л.
Малопродажната цена на мазутот М-1 НС се зголемува 0,252 денари/кг и ќе изнесува 44,554 денари/кг.
Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините 0,608 %, кај дизелот намалувањето е 5,088 %, кај екстра-лесното масло намалувањето е 4,799 % и кај мазутот намалувањето е 1,138 %.
Курсот на денарот во однос на доларот во изминатиот период по кој беа формирани цените со претходната пресметка е повисок 1,618 %.
Економија
МЗШВ: Кон 4.033 одгледувачи на говеда исплатени 100 милиони денари дополнителни субвенции за обележани говеда
Министерството за земјоделство, шумарство и водостопанство ги информира сточарите, одгледувачи на говеда, дека денеска Агенцијата за финансиска поддршка во земјоделството и руралниот развој ја реализираше исплатата на дополнителните директни плаќања за обележани грла говеда постари од 12 месеци.
Исплатени се 4.033 одгледувачи на говеда, со вкупна вредност на поддршка од 100 милиони денари.
Висината на директните плаќања изнесува 2.600 денари по женско грло, кое на денот на поднесувањето на барањето има наполнето 12 месеци.
Како корисници на оваа подмерка се јавуваат земјоделските стопанства корисници на основните директни плаќања за обележани грла говеда постари од 12 месеци, а кои сопственото производство на млеко го имаат предадено на регистриран откупувач на сурово млеко или продале или заклале говеда во преработувачки капацитети.