Американскиот Сенат ноќта кон четвртокот го изгласа буџетскиот компромис кој вклучува финансирање на владините агенции во две последователни години, испраќајќи сигнал за фискалната стабилност на САД по блокадата на сојузната влада во октомври.

За законот гласаа 64 сенатори, додека 36 беа против. Во полза на законот во Сенатот гласаа сите демократски сенатори и девет републикански, додека некои сенатори од Републиканската партија беа против, бидејќи сметаат дека содржи зголемување на потрошувачката којашто го преминува прагот поставен со буџетот од 2011 година. ог Договорот беше заеднички разработен од комисијата за буџет составена од демократите и републиканците во двата дома на Конгресот формирана по буџетскиот ќорсокак во октомври, кога 16 дена беа затворени федералните служби и агенции. Спротиставеноста по ова прашање во октомври во Конгресот предизвика блокирање на работата на владините служби во текот на две седмици, што придонесе за сериозен пад на довербата на двете партии кај граѓаните.

Компромисната варијанта на буџетот на две години претходно беше одобрен од Претставничкиот дом зо 332 гласа за и 94 против, овозможува да се избегне намалувањето нa буџетските расходи на 63 милијарди долари. Тој, исто така, сугерира и симболично намалување на 17-трилионскиот американски долг од 20 милијарди долари во текот на следните десет години. Демократите се откажаа од натамошното зголемување на расходите и плафонот за задолжување, а републиканците се согласија да не го блокираат буџетот, со што повторно би предизвикале ткн „гаснење“ на федералните агенции.

Според најавите, претседателот Барак Обама ќе го потпише законот кој треба да ги спречи судирите околу буџетот на краток рок. Сепак, партиите сѐ уште официјално не се согласија за натамошното зголемување на „плафонот“ за јавниот долг, за коешто е потребно овластување од американскиот Конгрес. Конгресот ќе има време до 15-ти јануари да го одобри нивото на буџетските расходи кои во 2014 година би требало да изнесуваат 1,012 трилиони долари (1.012 милијарди американски долари), а за 2015 година – 1,014 трилиони долари.

Републиканците, коишто се противат на зголемувањето на задолжувањето, повеќепати се конфронтираа со демократите по ова прашање. Но затворањето на владата во октомври не ѝ овозможи на опозицијата да ја постигне својата цел, и повторувањето на таквата стратегија во блиска иднина се смета за малку веројатно.

Reuters забележува дека до 15-ти јануари во Конгресот би можеле да се јават несогласувања околу прашањето за финансирање на спорната програма за здравство осигурување, ткн Обамакер, финансирањето на работата на даночните служи и уште некои прашања.

„Имавме широка двопартиска поддршка за договорот за буџетскиот закон. Сега би требало да ја добиеме исто таквата двопартиска поддршка за примена на договорот. Тоа е многу отворено прашање“, рекол за агенцијата неименуван сенатор од редовите на деморкатите./крај/мф/сн