Економија
Берзата со промет од 27,7 милиони денари
Македонската берза за хартии од вредност денеска оствари вкупен промет од 27.723.819,35 денари
Македонската берза за хартии од вредност денеска оствари вкупен промет од 27.723.819,35 денари.
На официјалниот пазар прометот изнесуваше 22.702.814,35 денари. На редовниот пазар остварен беше промет од 5.021.005,00 денари при реализирани 91 трансакции.
МБИ10 ја оствари првата загуба по растот кој траеше од 23. септември. Дневното намалување изнесуваше 1,23%, а нивото на индексот се спушти на 3.109,97 индексни поени. МБИД оствари пад од 0,24%, додека вредноста му изнесуваше 3.234,41 индексни поени. ОМБ оствари мало зголемување од 0,5% позиционирајќи се на ниво од 105,22 индексни поени.
Од официјалниот пазар убедливо најтргувана беше државната обврзница за денационализација од осмата емисија со промет од 11.293.199,41 денари. Просечната цена изнесуваше 78,87% од номиналната вредност, а дневниот пораст изнесуваше 1,48%. Истргувани беа вкупно 234.106 денари преку 28 трансакции.
Како втора по обем на тргување од официјалниот пазар се издвои Топлификација Скопје со промет од 1.908.319,00 денари. При просечна цена од 5.421,36 денари, дневното намалување изнесуваше 1,61%. Истргувани беа 352 акции кои се реализираа преку 22 трансакции.
Со акцијата на Комерцијална Банка Скопје се оствари промет од 1.699.179,00 денари. Просечната цена од 2.996,79 денари по акција значеше намалување од 0,34%. Истргувани беа 567 акции преку 20 трансакции.
Од редовниот пазар најтргувана беше акцијата на Прилепска Пиварница Прилеп со промет од 1.283.568,00 денари. Просечната цена изнесуваше 12.584,00 денари, додека порастот на дневно ниво беше 10,00%. Преку 7 трансакции се истргуваа 102 акции.
Арцелормиттал (ХРМ) Скопје со промет од 952.923,00 денари беше втора најтргувана акција на редовниот пазар. Просечната цена од 229,79 денари оствари дневен пад од 3,45%. Истргувани беа вкупно 4.147 акции. Пет најтргувани хартии од вредност 1. Р.Македонија – Денационализација 082. Топлификација Скопје3. Комерцијална Банка Скопје 4. Гранит Скопје5. Макошпед Скопје Хартии од вредност со најголем пораст 1. РЖ Уготур Скопје 64,86%2. Прилепска Пиварница Прилеп 10,00%3. Металец Прилеп 10,00%4. Макошпед Скопје 9,78%5. ОХИС Скопје 4,35% Хартии од вредност со најголем пад1. Жито Вардар Велес 10,00%2. Ангропромет – Тиквешанка Кавадарци 10,00%3. Стопанска Банка Скопје – Приоритетни 8,33%4. ИЦН- Фарм Скопје 8,03%5. Стопанска Банка Скопје 7,27%
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Вицегувернерката Митреска: Народната банка го поттикнува зеленото кредитирање
„Народната банка ги препозна ризиците од климатските промени на долг рок, зазеде проактивен став и како една од своите стратегиски цели ги постави зголемената свесност за климатските промени и придонесот кон зелената одржлива економија“, посочи вицегувернерката на Народната банка, Ана Митреска, во интервју за „Блумберг Адрија“, при што истакна дека „зелената агенда“ е вградена во Стратегискиот план на Народната банка. Во период од четири години нивото на „зелените кредити“ е зголемено за околу 2,5 пати.
Митреска посочи дека заради поддршка на зелените финансии и за справување со климатските ризици, Народната банка донесе среднорочен план којшто предвидува конкретни акциски планови или активности во повеќе сфери на работењето на Народната банка, како регулативата, супервизијата, финансиската стабилност, истражувањето и меѓународната соработка.
„Неодамна донесовме и конкретни насоки за банките коишто треба да претставуваат еден вид мапа за начинот на кој треба да се однесуваат банките во однос на мерењето, оценувањето и управувањето со ризиците од климатските промени. Уште пред неколку години го променивме концептот на инструментот за задолжителна резерва заради поттикнување на зеленото кредитирање. Во рамките на институцијата работиме и на политиката на одржливост на банката, што значи подобрување на нашиот корпоративен профил во однос на одржливоста како концепт“, посочи Митреска, истакнувајќи дека Народната банка применува систематизиран пристап кога станува збор за зелената економија и справувањето со ризиците од климатски промени.
„Кредитите со зелена компонента се кредити коишто се насочени кон зголемување на енергетската ефикасност, и на корпоративниот сектор, и на населението, вложување, односно инвестиции во проекти коишто се однесуваат на обновливи извори на енергија, проекти коишто подразбираат користење одржливи материјали, одржливи решенија“, објасни Митреска и посочи дека станува збор за кредитирање коешто е насочено кон инвестициите наменети за заштита на животната средина и ублажување на ефектите од климатските промени врз околината.
Економија
Од полноќ нови цени на горивата
Регулаторната комисија за енергетика донесе oдлука со која се врши намалување на малопродажните цени на нафтените деривати во просек за 0,09 % во однос на одлуката од 15.4.2024 година.
Од 23.4.2024 година, од 00.01 часот, максималните цени на нафтените деривати ќе изнесуваат:
Моторен бензин ЕВРОСУПЕР БС-95 – 87,50 (денари/литар)
Моторен бензин ЕВРОСУПЕР БС-98 – 90,00 (денари/литар)
Дизел-гориво ЕВРОДИЗЕЛ БС (Д-Е V) – 76,00 (денари/литар)
Масло за горење екстра-лесно 1 (ЕЛ-1) – 76,00 (денари/литар)
Мазут М-1 НС – 44,554 (денари/килограм)
Малопродажните цени на ЕВРОДИЗЕЛОТ (Д-Е V) и на екстра-лесното масло за домаќинство на (ЕЛ-1) се намалуваат 1,50 денар/л.
Малопродажната цена на бензинот ЕВРОСУПЕР БС-95 се зголемува 1,00 денар/л, а малопродажната цена бензинот ЕВРОСУПЕР БС-98 се зголемува 1,50 денар/л.
Малопродажната цена на мазутот М-1 НС се зголемува 0,252 денари/кг и ќе изнесува 44,554 денари/кг.
Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините 0,608 %, кај дизелот намалувањето е 5,088 %, кај екстра-лесното масло намалувањето е 4,799 % и кај мазутот намалувањето е 1,138 %.
Курсот на денарот во однос на доларот во изминатиот период по кој беа формирани цените со претходната пресметка е повисок 1,618 %.
Економија
МЗШВ: Кон 4.033 одгледувачи на говеда исплатени 100 милиони денари дополнителни субвенции за обележани говеда
Министерството за земјоделство, шумарство и водостопанство ги информира сточарите, одгледувачи на говеда, дека денеска Агенцијата за финансиска поддршка во земјоделството и руралниот развој ја реализираше исплатата на дополнителните директни плаќања за обележани грла говеда постари од 12 месеци.
Исплатени се 4.033 одгледувачи на говеда, со вкупна вредност на поддршка од 100 милиони денари.
Висината на директните плаќања изнесува 2.600 денари по женско грло, кое на денот на поднесувањето на барањето има наполнето 12 месеци.
Како корисници на оваа подмерка се јавуваат земјоделските стопанства корисници на основните директни плаќања за обележани грла говеда постари од 12 месеци, а кои сопственото производство на млеко го имаат предадено на регистриран откупувач на сурово млеко или продале или заклале говеда во преработувачки капацитети.