Економија
Потребна е поголема реформа во финансискиот сектор
Банкарскиот сектор во Македонија се покажа стабилен во услови на криза, но за поголем економски развој несомнено е потребна поголема реформа во финансискиот сектор.
Банкарскиот сектор во Македонија се покажа стабилен во услови на криза, но за поголем економски развој несомнено е потребна поголема реформа во финансискиот сектор.Ова во вторникот во Скопје го изјави министерот за финансии Зоран Ставрески, на отворањето на Саемот за финансии, деловни можности и економски развој -Финекспо 2009.Оценките дека македонскиот банкарски сектор е стабилен, искажани на самиот почеток на светската криза се потврдија и во пракса една година подоцна, констатираше Ставрески.Тој потсети дека ниту една банка во Македонија не дојде во ситуација да не може да ги сервисира штедачите, или да предизвика дестабилизација на системот.„Индикаторите на прудентност, односно стапката на адекватност на капиталот од 16,5 отсто, умерената стапка на нефункционални кредити од 8,5 отсто, солидното ниво на ликвидност, покажуваат дека банкарскиот сектор ја преброди кризата успешно, што не беше случај со некој земји до регионот“, рече Ставрески.Тој укажа на потребата од поробусна реформа на финансискиот систем, како што е подобрување на координацијата на супервизорските институции со цел размена на информации и ублажување на идни ризични настани.„Во тој контекст ќе се разгледа можноста за консолидација на надзорните институции во Македонија, во една институција“, рече Ставрески.Тој најави дека Министерството за финансии ќе предложи новини во Законот за хартии од вредност, со што ќе се овозможи поголема контрола на сопственичката структура во институциите на пазарот на капитал.Неодамна формираната Агенција за супервизија на осигурувањето треба да одговори на предизвиците кои се однесуваат на имплементирање на осигурителните супервизиски критериуми и стандарди, кои ќе бидат во функција на одржување на здрав пазар на осигурителни услуги, изјави Ставрески.Претседателот на Групацијата ЕРА, Гвидо Освалдич, која е организатор на манифестацијата, констатираше дека тековната 2009 година ќе се памети долго по светската криза, како што се памети кризата од триесетите години на минатиот век. Според него, глобалната рецесија ја осетиле сите, но не само од финансиски аспект, туку се создаде една психоза, во која луѓето почнаа да ги намалуваат трошоците и да ги кратат инвестициите.„Но она што јас како инвеститор во регионот сакам да го порачам е дека не треба да дозволиме да не повлече духот на песимизам, затворање и пасивност, туку треба да се бара решение и да се смогнат сили да се продолжи во реализирање на зацртаните проекти.
Повеќе банки, осигурителни компании и финансиски институции се претставени на штандовите на саемот, а покрај изложниот дел, во рамки на манифестацијата, се одвиваат и неколку тркалезни маси, со учество на претставници на владата, Народната банка, бизнис заедницата и на експерти. /крај/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Вицегувернерката Митреска: Народната банка го поттикнува зеленото кредитирање
„Народната банка ги препозна ризиците од климатските промени на долг рок, зазеде проактивен став и како една од своите стратегиски цели ги постави зголемената свесност за климатските промени и придонесот кон зелената одржлива економија“, посочи вицегувернерката на Народната банка, Ана Митреска, во интервју за „Блумберг Адрија“, при што истакна дека „зелената агенда“ е вградена во Стратегискиот план на Народната банка. Во период од четири години нивото на „зелените кредити“ е зголемено за околу 2,5 пати.
Митреска посочи дека заради поддршка на зелените финансии и за справување со климатските ризици, Народната банка донесе среднорочен план којшто предвидува конкретни акциски планови или активности во повеќе сфери на работењето на Народната банка, како регулативата, супервизијата, финансиската стабилност, истражувањето и меѓународната соработка.
„Неодамна донесовме и конкретни насоки за банките коишто треба да претставуваат еден вид мапа за начинот на кој треба да се однесуваат банките во однос на мерењето, оценувањето и управувањето со ризиците од климатските промени. Уште пред неколку години го променивме концептот на инструментот за задолжителна резерва заради поттикнување на зеленото кредитирање. Во рамките на институцијата работиме и на политиката на одржливост на банката, што значи подобрување на нашиот корпоративен профил во однос на одржливоста како концепт“, посочи Митреска, истакнувајќи дека Народната банка применува систематизиран пристап кога станува збор за зелената економија и справувањето со ризиците од климатски промени.
„Кредитите со зелена компонента се кредити коишто се насочени кон зголемување на енергетската ефикасност, и на корпоративниот сектор, и на населението, вложување, односно инвестиции во проекти коишто се однесуваат на обновливи извори на енергија, проекти коишто подразбираат користење одржливи материјали, одржливи решенија“, објасни Митреска и посочи дека станува збор за кредитирање коешто е насочено кон инвестициите наменети за заштита на животната средина и ублажување на ефектите од климатските промени врз околината.
Економија
Од полноќ нови цени на горивата
Регулаторната комисија за енергетика донесе oдлука со која се врши намалување на малопродажните цени на нафтените деривати во просек за 0,09 % во однос на одлуката од 15.4.2024 година.
Од 23.4.2024 година, од 00.01 часот, максималните цени на нафтените деривати ќе изнесуваат:
Моторен бензин ЕВРОСУПЕР БС-95 – 87,50 (денари/литар)
Моторен бензин ЕВРОСУПЕР БС-98 – 90,00 (денари/литар)
Дизел-гориво ЕВРОДИЗЕЛ БС (Д-Е V) – 76,00 (денари/литар)
Масло за горење екстра-лесно 1 (ЕЛ-1) – 76,00 (денари/литар)
Мазут М-1 НС – 44,554 (денари/килограм)
Малопродажните цени на ЕВРОДИЗЕЛОТ (Д-Е V) и на екстра-лесното масло за домаќинство на (ЕЛ-1) се намалуваат 1,50 денар/л.
Малопродажната цена на бензинот ЕВРОСУПЕР БС-95 се зголемува 1,00 денар/л, а малопродажната цена бензинот ЕВРОСУПЕР БС-98 се зголемува 1,50 денар/л.
Малопродажната цена на мазутот М-1 НС се зголемува 0,252 денари/кг и ќе изнесува 44,554 денари/кг.
Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините 0,608 %, кај дизелот намалувањето е 5,088 %, кај екстра-лесното масло намалувањето е 4,799 % и кај мазутот намалувањето е 1,138 %.
Курсот на денарот во однос на доларот во изминатиот период по кој беа формирани цените со претходната пресметка е повисок 1,618 %.
Економија
МЗШВ: Кон 4.033 одгледувачи на говеда исплатени 100 милиони денари дополнителни субвенции за обележани говеда
Министерството за земјоделство, шумарство и водостопанство ги информира сточарите, одгледувачи на говеда, дека денеска Агенцијата за финансиска поддршка во земјоделството и руралниот развој ја реализираше исплатата на дополнителните директни плаќања за обележани грла говеда постари од 12 месеци.
Исплатени се 4.033 одгледувачи на говеда, со вкупна вредност на поддршка од 100 милиони денари.
Висината на директните плаќања изнесува 2.600 денари по женско грло, кое на денот на поднесувањето на барањето има наполнето 12 месеци.
Како корисници на оваа подмерка се јавуваат земјоделските стопанства корисници на основните директни плаќања за обележани грла говеда постари од 12 месеци, а кои сопственото производство на млеко го имаат предадено на регистриран откупувач на сурово млеко или продале или заклале говеда во преработувачки капацитети.