Контакт

Компании

Фабриката за кроасани „Grand Foods Corporation“ почнува со работа

Објавено пред

Свеченост по повод изградбата и почетокот на редовно производство на фабриката за кроасани „Grand Foods Corporation“, ќе се одржи во среда во индустриската зона во Марино, општината Илинден.

Производствениот комплекс опфаќа 6.000 квадратни метри работна површина. Инсталирани се машини, опрема и технологија од најнова генерација произведени во Германија, Италија, Австрија и Швајцарија. Целокупниот процес на производство е автоматизиран.Според инсталираните капацитети на почетната линија за производство, „Grand Foods Corporation“ е најголема фабрика за производство на кроасани на Балканот и поширокиот регион на Југоисточна Европа.„Grand Foods Corporation“ е приватна инвестиција во висина од 6,5 милиони евра. Инвеститор е компанијата „Гранд – експорт“ од Скопје. Оваа компанија со години има лидерска позиција и важи за најсигурна, ефикасна и ефективна продажно – дистрибутивна мрежа со прехранбени производи на македонскиот пазар./крај/мф/бб

Економија

(Видео) Заев: Се реализира најголемата инвестиција во историјата на македонската економија – 69 ветерници од 500 милиони евра на германската WPD

Објавено пред

Германската компанија WPD ќе гради 415 мегаватна ветерна електрана на потегот Куманово – Старо Нагоричане – Крива Паланка, во вредност од речиси 500 милиони евра. Премиерот Зоран Заев на прес-конференцијата, во присуство на амбасадорката на Германија, Анке Холштајн, како и претставници на менаџментот на компанијата, истакна дека ова не е само најголемата германска инвестиција во земјата, тука ова е најголемата директна гринфилд-инвестиција во македонската економија воопшто, од независноста до денес.

„Ова се придобивките од Законот за стратешките инвестиции. Големите инвеститори ги препознаваат економските можности, безбедноста и стабилноста на земјата и носат храбри одлуки за инвестирање во Северна Македонија. Ќе се гради ветерен парк со име ‘Вирови’, кој ќе биде најголемиот капацитет од обновливи извори на енергија во Северна Македонија. Колку за споредба, станува збор за капацитет што го имаат двата блока на инсталиран капацитет од РЕК ‘Битола’ во најдобрите години. На полињата на потегот од Куманово кон Крива Паланка ќе бидат поставени 69 нови ветерни турбини, што е четири пати повеќе од досегашните 16 што ги гледаме на границата со Грција и, најважно, ветерници што ќе создадат над 400 мегавати струја од македонскиот ветер. Во зеленото сценарио најбрзорастечки технологии се токму фотонапонските и ветерните електрани и во нашата стратегија се предвидени околу 1.500 мегавати фотонапонски електрани и околу 700 мегавати ветерни електрани. Нема сомнеж, најголемата инвестиција во историјата на македонската инвестиција е доказ дека зеленото сценарио и тоа како е возможно. Овој проект е повеќе од половина од тие 700 мегавати предвидени во нашата стратегија и заедно со веќе изградената кај Богданци и со издадените досегашни овластувања од Владата бројката поминува над 600 мегавати, што е 85 проценти од предвидените во стратегијата“, изјави премиерот Заев и додаде дека ветерниот парк „Вирови“ нема да користи никакви повластени тарифи од државата. Ова значи и снабдување на 290.000 домаќинства со електрична енергија, а инвестицијата ќе се одвива во неколку фази.

Андреас Бјрон Шолет, овластен претставник на WPD Европа, истакна дека потврдувањето на статусот на стратешка инвестиција од страна на Владата на Северна Македонија е важен чекор кон реализација на ветерниот парк „Вирови“, кој ќе има повеќе од 400 мегавати инсталиран капацитет, а инвестицијата се очекува да надмине половина милијарда евра.

„Се одлучивме за инвестирање поради поддршката на Владата и заедничката синергија на целите на WPD и стратегијата на Северна Македонија за енергетска транзиција. Преку успешното деловно работење ветерниот парк ‘Вирови’ ќе придонесе кон националниот и локалните буџети преку издавање земјиште и даноци, а системот од 69 ветерни турбини ќе користи вешти локални работници за техничко и оперативно управување и во текот на проектот, постојано ќе се ангажираат надворешни локални доставувачи во разни сектори. Во текот на градежната фаза ќе инвестираме во подобрување на инфраструктурата, вклучително и капацитети за пренос на енергија и патишта, овозможување пристап до некои од подалечните области и нивното приспособување на земјоделство и земјоделски развој“, рече Шолет.

Амбасадорката Холштајн истакна дека соработката меѓу Северна Македонија и Германија се зголемува со овој проект кој ќе ја потпомогне енергетската транзиција на државата и ќе овозможи пристапна чиста енергија.

„Владата оди во добра насока: привлекува странски директни инвестиции, кои создаваат производствени капацитети за обновливи енергии и паралелно со давањето поддршка и на државниот производител ЕСМ за позелени инвестиции. Дуалниот пристап дозволува зелена транзиција на енергетскиот сектор со давачки што се прифатливи за македонските потрошувачи.

Инвестициите, како оваа на WPD, значително го зголемуваат уделот на обновливите извори во енергетиката, ја подобруваат конкурентноста на јавниот снабдувач ЕСМ во регионот и го намалуваат загадувањето, што е од особена корист за граѓаните и за сите други“, рече Холштајн.
Kомпанијата WPD работи во 28 земји во светот со над 5.000 мегавати инсталиран капацитет во обновливи извори на енергија.

Прикажи повеќе...

Економија

Детското штедење Халки со промотивни каматни стапки до крајот на октомври

Објавено пред

Сега е вистинско време да почнете да штедите за вашите најмили. Халкбанк АД Скопје, по повод месецот на штедење октомври, започна промотивна кампања за детското штедење Халки, со каматни стапки кои достигнуваат до 1,7 отсто. Промотивните каматни стапки се однесуваат на сите новоотвоени депозити до 31 октомври, кога се одбележува Меѓународниот ден на штедењето.

„Годинава одлучивме октомври целосно да го посветиме на детското штедење, но и на децата генерално. Покрај понудата на најповолни каматни стапки за отворање детски штедни книшки, наскоро ќе објавиме литературен конкурс за деца на тема ‘Инклузија – сите деца се исти’. До крајот на месецот ќе го промовираме ексклузивното издание на ‘Сликовницата на Халки’, кое ќе има и своја хуманитарна димензија“, вели Маја Наумовска Савеска од Халкбанк АД Скопје.

Минималниот износ за отворање денарски детски депозит во банката изнесува 1.000 денари додека штедењето во евра може да започне со износ од 20 евра. Постапката е едноставна, со оглед на тоа што потребни документи за отворање детски депозит се лична карта или пасош од законскиот застапник – родител или старател и извод од матична книга на родените на детето.За секој новоотворен депозит, малите штедачи добиваат дизајнирана детска штедна книшка и подарок касичка од Халки.

Во текот на октомври, на фејсбук-страницата на Халки, кој прерасна во вистински симбол на детското штедење, ќе бидат објавени неколку видеа и поткасти со едукативни содржини за деца. 

Повеќе информации за Детското штедење Халки се достапни на следниот линк.

(ПР текст)

 

Прикажи повеќе...

Економија

„Пежо“ е лидер на пазарот за патнички автомобили на крајот на септември 2021 година во Франција

Објавено пред

„Пежо“ ја задржува позицијата број еден во сегментот на патнички автомобили со пазарен удел од 17,3% во првите девет месеци од 2021 година. Овие резултати ги вклучуваат сите возила во гамата, а особено „пежо  208“, кој останува најпродавано возило во Франција, како и „пежо“  2008, 3008, 5008 и 508, што овозможија брендот „Пежо“ да ја консолидира својата лидерска позиција во овој период. „Пежо“ е исто така лидер во продажба кај големите корисници – компаниите, во првите девет месеци од 2021 година

Во текот на девет месеци до 2021 година:

– „Пежо“ има две возила во првите пет најпродавани патнички автомобили во Франција:

o„Пежо“ 208 води со пазарен удел од 5,2

o „Пежо“ 2008 го задржува третото место со пазарен удел од 4,3

– Пет возила се лидери во нивниот сегмент:

o „Пежо“ 208 во В сегментот со пазарен удел од 5,2

o „Пежо“ 2008 во сегментот B-SUV со пазарен удел од 4,3

o „Пежо“ 3008 во C-SUV сегментот со пазарен удел од 3,2

o„Пежо“ 5008 во сегментот C-SUV со 7 седишта со пазарен удел од 1,4

o „Пежо“ 508 во сегментот D со пазарен удел од 0,5

На пазарот за патнички возила што порасна за 3,9%,„Пежо“ имаше пазарен удел од 17,3%

На пазарот за LCV, 17,3% „Пежо“ има пазарен удел од 17,9%

На пазарот PC+LCV што порасна за 9,8%, „Пежо“ објави пазарен удел од 17,4%.

Прикажи повеќе...

Најново

Македонија3 минути

ВМРО-ДПМНЕ победи во 16, а СДСМ во 9 општини во првиот круг, според досега целосно обработените податоци

Oд целосно обработените податоци од Државната изборна комисија (ДИК), на Локалните избори во првиот круг избрани се 28 градоначалници. Според...

Економија40 минути

Горивата поскапуваат

Регулаторната комисија за енергетика и водни услуги донесе одлука со која се врши зголемување на малопродажните цени на нафтените деривати...

Македонија45 минути

ДИК го заврши пребројувањето во Куманово – Димитриевски води со 22 гласа пред Илиевски

Актуелниот градоначалник на Куманово, Максим Димитриевски, води пред кандидатот на СДСМ Оливер Илиевски за 22 гласа, согласно последната промена направена...

Топ2 часа

Прилепчанец со автомобил удрил во четворица пешаци, од кои две деца

Дваесет и деветгодишен прилепчанец со автомобил удрил во четворица пешаци, од кои двајца малолетни. Едно лице се здобило со тешки...

Свет3 часа

Напад со нож во трговски центар во Мелбурн – избодени двајца мажи

Двајцата мажи се пренесени во болница откако биле избодени со нож во трговски центар во Мелбурн. И двајцата се здобиле...

Македонија12 часа

(Видео) Заев: На крајот СДСМ ќе има повеќе градоначалници oд ВМРО-ДПМНЕ

Лидерот на СДСМ, Зоран Заев, изјави дека СДСМ и коалицијата победуваат или имаат водство во повеќе од 30 општини во...

Македонија13 часа

(Видео) Мицкоски соопшти каде победи ВМРО-ДПМНЕ, а каде има предност: „Ова е победа на народот“

Претседателот на ВМРО-ДПМНЕ, Христијан Мицкоски презентираше резултати од изборите кои според аналитичкиот центар на партијата донеле победа во првиот круг....

Македонија14 часа

(Видео) Николовски: СДСМ води во Скопје и уште во најмалку 25 општини

СДСМ победува во Скопје и води во првиот круг од локалните избори, изјави Љупчо Николовски, генерален секретар на партијата и...

Македонија14 часа

Алијанса за Албанците и Алтернатива прогласија победа во Гостивар и Дебар

Алијанса за Албанците и Алтернатива прогласија победа во Гостивар и Дебар. Партискиот претседател на Алијансата, Зијадин Села соопшти дека во ...

Македонија14 часа

(Видео) Зурли и тапани пред штабот на ВМРО-ДПМНЕ во Скопје, симпатизерите радосни за изборниот резултат

Со зурли, тапани, гласна музика и пиротехнички средства, симпатизери на ВМРО-ДПМНЕ слават пред централниот штаб во Скопје. Присутните се радуваат...

Македонија14 часа

Ахмети прогласи победа во Сарај, Липково и Пласница

Лидерот на ДУИ, Али Ахмети, прогласи победа во Сарај, Липково и Пласница. Ахмети рече дека партијата е во водство во...

Македонија15 часа

ВМРО-ДПМНЕ најави победа во Велес, Штип и Свети Николе а води во Битола и Охрид

Во Велес, Штип и Свети Николе води ВМРО-ДПМНЕ, брифираат од партијата. Оттаму според нивните неофицијални информации посочуваат и дека имаат...

Македонија16 часа

Мицкоски: Победа и голема одговорност

Претседателот на ВМРО-ДПМНЕ, Христијан Мицкоски, по завршување на изборниот ден, посочи дека победиле а со тоа доаѓа и одговорноста. Тој...

Македонија17 часа

Спасовски: Изборниот ден помина со незначителен број на неправилности

Изборниот ден помина со незначителен број на неправилности, истакна министерот за внатрешни работи, Оливер Спасовски, кој оцени дека првиот изборен...

Македонија17 часа

ЗНМ го осуди односот на Даштевски кон новинарите

Здружението на новинарите регира на односот на претседателот на Државната изборна комисија, Александар Даштевски, кон новинарите во текот на попладневната...

Македонија18 часа

Членови на избирачки одбори самите си одлучиле да не ги користат биометриските уреди

Државната изборна комисија добила информации дека на повеќе избирачки места членовите на избирачките одбори на своја рака престанале да ги...

Македонија19 часа

До 17 часот гласале 41,38 отсто од избирачите

До 17 часот вкупно гласале 41,38 отсто од гласачите во земјава или 547.048 граѓани, покажуваат податоците од Државната изборна комисија....

Македонија19 часа

Прекини во гласањето во неколку изборни места

Во СВР Скопје било пријавено дека на гласачко место бр.2683/1 – основно училиште „Блаже Коневски“ е прекинато гласањето во 13,56...

Македонија21 час

329 новозаболени од Ковид-19, починале 18 луѓе

Министерството за здравство информира, согласно податоците од Институтот за јавно здравје дека во последните 24 часа: Направени се 3.045 тестирања,...

Македонија22 часа

Даштевски со допис дозволи да гласаат повеќемина, за да се намали метежот

За да се намали метежот кој се создава во ходниците на избирачките места, претседателот на Државната изборна комисија со допис...

Досие