Контакт

Компании

Здравје Радово промовираше нов јогурт, наскоро со уште една фабрика и нови вработувања

Објавено пред

Млекарницата Здравје Радово во вторникот во Скопје го промовираше новиот функционален јогурт Здравје +, а воедно најави дека наскоро ќе отвори нов производствен капацитет во Битола и ќе отвори нови работни места.
 

dobivaj vesti na viber

Млекарницата Здравје Радово во вторникот во Скопје го промовираше новиот функционален јогурт Здравје +, а воедно најави дека наскоро ќе отвори нов производствен капацитет во Битола и ќе отвори нови работни места.

 

 

Со новиот јогурт, Здравје Радово ја збогати палетата на висококвалитетни млечни производи, во кои се и стандардните јогурти Здравје со 3,2 и 1,5 масленост.

 

Извршниот директор на компанијата Панделе Панделески истакна дека виталноста, енергијата и хармонијата биле трите столба на кои што работеле технолозите на фабриката при изработката на новиот јогурт.

 

„Овој производ е наменет за сите оние кои внимаваат на себе и на своето здравје. За деновите кога виталноста значи се, кога е потребна енергија плус, и кога хармонијата е движечка сила која носи здравје. Новиот функционален јогурт Здравје + го раздвижува дигестивниот систем, создавајќи рамнотежа во организмот на нашите консументи“ изјави Панделески.

 

Директорката на маркетинг Милка Исјановска посочи дека компанијата внимателно ја разработувала целата стратегија, од дизајн до маркетинг алатки.

 

„Големите компании како Млекара Здравје Радово не треба само да го следат вкусот на консументите, тие треба да бидат креатори на здрави и квалитетни вкусови.

 

Одговорноста кон потрошувачите е огромна, затоа ќе продолжиме да инвестираме во здравјето на нашите потрошувачи. Здравје + е функционален високо квалитетен јогурт каков што заслужуваат нашите консументи“, рече Исјановска.

 

Од компанијата најавија дека до крајот на годината ќе биде отворена целосно нова модерна фабрика во Битола која ќе работи со нова технологија и ќе ги исполнува највисоките стандарди.

 

Директорот Панделески појасни дека  потребата за нова фабрика се наметнала од зголемената побарувачка и со отворањето на можноста за извоз на големиот руски пазар.

 

„Големата побарувачка на наши производи ја наметна потребата од дополнителни капацитети за производство. Со гордост можам да најавам дека во овие турбулентни времиња кај нас и во поширокото опкружување, одлучивме да инвестираме во нов, четврти капацитет“, рече Панделески, додавајќи дека тоа ќе биде можност за вработувања на нови лица.

 

Исјановска, пак, најави дека како први производи кои ќе излезат од новиот капацитет ќе бидат ухт и свежото млеко во нови модернизирани пакувања.

 

Млекарницата Здравје Радово, која започна со осум вработени и дневна обработка на 2.500 литри млеко, денес има над 340 вработени, а капацитетот за обработка надминува 100.000 литри млеко на ден./крај/ап

Економија

Rebecca одбележа 4 години во Македонија со промоција на 4 нови колекции накит

Објавено пред

Низ поинакво модно дружење, во друштво на истакнати имиња од модната индустрија, но и бројни претставнички и претставници на бизнис-секторот, Rebecca Macedonia пригодно одбележа 4 години постоење на македонскиот пазар, преку презентација на 4 нови колекции накит од богатото производно портфолио на италијанскиот бренд.

dobivaj vesti na viber

Stockholm Oceana, Tulip Luxury, Brame, и Jolie Fashion се стилски приказни на одржлива мода, луксуз и безвременски гламур.

Новите парчиња на Rebecca накитот, кои наскоро ќе бидат достапни во продажните салони на брендот во Рамстор и Ист Гејт, за целите на промоцијата беа искомбинирани со моќните креации на истакнатите македонски дизајнери: Јована Филиповиќ, Тамара Стерјова, Тања Кокев, Игор Марков и ZERO Brand.

Совршените креации на нашите дизајнери беа комплетирани со беспрекорен мејкап и фризури од страна на познатиот артист за коса и шминка, Даниел Николовски. Ова автентично модно шоу, беше збогатено и со присуството на претставници на компанијата „Индустри Тести“ со седиште во Фиренца, Италија – производител на брендот за накит, Rebecca.

Rebecca накитот на македонскиот пазар е присутен од 2018 година.

 

Каролина и Кики – бренд амбасадори на Rebecca Macedonia од првиот ден

Модел: Кики Мукаетова
Фотографија: Ани и Дими


Модел: Каролина Гочева
Фотографија: Дарко Мораитов

ИНФОРМАЦИИ ЗА НОВИТЕ КОЛЕКЦИИ

Brame – Колекција наменета за вистинските вљубенички во природата, кои се доволно авангардни за храбра помпа!

Средновековeн римски раскош преточен во впечатливи парчиња накит инспирирани од времето на италијанскиот триумф на уметноста, барокот. Во согласност со провокативното безредие на новото време, скапоцените камења ја предаваат палката на новиот рециклиран полимер, кој никогаш претходно не се употребувал во индустријата за моден накит. Имено, пластиката која секојдневно се собира од морињата и океаните, преку иновативен процес на рециклирање се претвора во колоритна смеса чија боја зависи од селекцијата на материјали (се бираат по случајност) и динамиката на изработка. Еднаш добиениот колорит на полимерот можно е да не се повтори. Ваков полимер Rebecca за прв пат го користи во индустријата за моден накит.

BRAME Колекцијата е достапна само во ексклузивните салони на накитот REBECCA!

Stockholm Oceana – моќен и впечатлив накит за нагласена експресија на стилот

Бронза и 24-каратна позлата со кристали и одржлив полимер е можеби вистинската ДНК на брендот Ребека: Моќен, одржлив а сепак впечатлив.
Stockholm Oceana Колекцијата е наменета за дами кои се своевидни стилски икони, со уникатен вкус во модата, нагласена самодоверба, индивидуалност и посебна експресија на стилот!

Tulip Luxury – суптилна емоција врамена во ведри парчиња накит

Лалињата, како симбол на будењето на природата пренесуваат позитивна енергија и најубави вибрации. Tulip Luxury e изработена од разиграни фини синџири од бронза со додаден колорит кој може да го прилагодите на расположението: светкави елементи кои даваат доза на гламур и луксуз и парчиња со природни камења од жад во нови есенски нијанси.

Jolie Fashion – композиција на висока мода и безвременска класика

Колекцијата Jolie е проект кој отвора ново поглавје во историјата на брендот Rebecca. Jolie означува грацилност, софистициранот и безвременскa убавина.

Колекцијата е специјално дизајнирана за дами кои сакаат парче ексклузивен накит, минималистички, ненаметлив, скапоцен но сепак достапен. Парчињата од оваа колекција се изработени од чисто сребро и дијамантски прав достапен во неколку бои.

(ПР)

Прикажи повеќе...

Економија

Германија широко ги отвора вратите за странските работници, објавени нови правила

Објавено пред

Германската економија со години не може да привлече доволно квалификувани работници, а овој проблем наскоро ќе се влоши со пензионирањето на бејби бум генерацијата.

dobivaj vesti na viber

Владата претстави план со кој пошироко се отвораат вратите за работната сила од земјите надвор од Европската унија, пренесува ДПА. Според нацртот, странците повеќе нема да бидат ограничени само на професијата, па така, на пример, механичар ќе може да работи како магационер или полицаец како келнер.

При разгледување на апликацијата за работна виза, искуството ќе добие тежина, а преводот на квалификации на германски ќе изгуби важност за влез во Германија. Планот вклучува и иновативен систем за бодување за работници од трети земји, вклучувајќи ги и земјите од Западен Балкан.

Министрите се согласија за основните принципи, дека „критериумите можат да бидат квалификации, јазични вештини, работно искуство, семејни врски со Германија и возраст“. Прашањето за бодување на небулозните категории на познавање на јазикот и семејните врски штотуку доаѓа на агендата за дискусија во трипартитната коалиција на канцеларот Олаф Шолц.

Според тоа, службите за странци поповолно ќе ги одмеруваат способноста за интеграција со претходен престој во Германија, работа кај германски работодавач, но и доколку кандидатот има роднини во Германија. Нацртот сè уште не дефинира каков статус треба да имаат тие роднини, на пример дали треба да се вработени.

Полесната имиграција е дел од планираната реформа на законите за азил и миграција што министерката за внатрешни работи Ненси Фезер сака да ја иницира до крајот на годината.

Бундестагот утре треба да гласа за таканаречената можност за право на престој, односно за отворање перспектива за престој за добро интегрираните странци кои подолго време живеат во Германија без безбеден статус.

Почнувајќи од 31 октомври 2022 година, секој што живеел во земјата најмалку пет години и не сторил кривично дело, треба да добие 18 месеци да ги исполни условите за долготраен престој – тука спаѓаат јазичните вештини и сопствените средства за егзистенција.

Прикажи повеќе...

Економија

„Јунајтед груп“ станува членка на Алијансата за одговорно работење

Објавено пред

Водечкиот телекомуникациски и медиумски провајдер во Југоисточна Европа – Јунајтед Груп, во чии рамки работи компанијата Тотал ТВ во С. Македонија, стана членка на Алијанса за одговорно работење (Responsible Business Alliance – RBA). RBA е најголемата светска индустриска коалиција посветена на одговорното деловно однесување во глобалните синџири на снабдување.

dobivaj vesti na viber

Јунајтед Груп им се придружува на околу 500 други членови на Алијансата кои се подеднакво посветени на подобрување на работните услови, условите во животната средина и деловните перформанси преку водечките етички стандарди и практики. Членовите на Алијансата вработуваат вкупно 21 милион луѓе со комбиниран годишен приход од 7,7 трилиони долари.

Одговорните набавки и одржливите практики се во сржта на стратегијата на Јунајтед Груп. Со приклучувањето кон RBA, Јунајтед Груп се обврзува да го почитува својот Кодекс на однесување во сопствените операции и да го применува на своите добавувачи. Активно ги охрабруваме сите наши добавувачи да го сторат истото во нивните сопствени синџири на снабдување и редовно ќе ги следиме за да се осигураме дека тоа предизвикува позитивни промени.

„Среќна сум што Јунајтед Груп стана членка на Алијанса за одговорно работење – RBA и горда сум на работата што веќе ја правиме што ни овозможува да се приклучиме на стотици бизниси – истомисленици во коалицијата. Кодексот на однесување на добавувачите на Јунајтед Груп, кој ги одразува принципите на RBA, гарантира дека целиот наш синџир на снабдување ни помага да постигнеме посветла, поодржлива иднина на етички и одговорен начин. Без поврзаноста што ја носи нашата индустрија, развојот на нашите економии и општества би бил ограничен. Затоа, имаме одговорност кон себе и кон нашите клиенти континуирано да ги исполнуваме највисоките можни стандарди“ – изјави Викторија Боклаг, извршниот директор на Јунајтед Груп.

За Јунајтед Груп

Јунајтед Груп со седиште во Холандија, во чии рамки работи компанијата Тотал ТВ во С. Македонија е водечки телекомуникациски и медиумски оператор во Југоисточна Европа. Активна во осум земји, групацијата има приближно 15 милиони корисници и повеќе од 15.500 вработени. Таа генерира приближно 2,5 милијарди евра годишни приходи. Јунајтед Груп има најширока мрежна покриеност во регионот и им нуди на корисниците најатрактивниот избор на ТВ содржини од целиот свет. Значајните инвестиции во дигиталната инфраструктура, содржината и технологијата обезбедуваат извонредност на производите и услугите што ги обезбедува на клиентите. Јунајтед Груп е во мнозинска сопственост на BC Partners, една од најголемите светски инвестициски компании, од март 2019 година.

ПР

Прикажи повеќе...

Најново

Македонија5 часа

Утре ќе бидат блокирани клучните крстосници во Скопје поради протест на превозниците

Поради протестот на приватните автобуски превозници утре во Скопје почнувајќи од раните утрински часови ќе има посебен сообраќаен режим потврди...

Македонија7 часа

Османи смета дека уставните измени треба што побрзо да стигнат во Собранието и темата да биде затворена

Темата за уставните измени треба што побрзо да биде отворена во Парламентот вели министерот за надворешни работи Бујар Османи. Тој...

Регион8 часа

Остри реакции во Бугарија по ветото од Холандија

Најавата на Холандија дека одлучила да го блокира приемот на Бугарија во Шенген зоната без гранична контрола предизвика остри реакции...

Свет9 часа

Огромна победа за жените во Иран, укината полицијата за морал, можеби ќе падне и задолжителниот хиџаб

По неколкумесечните протести во кои загинаа повеќе од 300 луѓе, Иран одлучи да попушти и да ја укине моралната полиција....

Економија11 часа

Бо Буџетот за следната година 800 милиони евра капитални инвестиции

Капиталните инвестиции во Буџетот за 2023 се проектирани на 800 милиони евра. Владејачкиот СДСМ коментира дека буџетот за наредната година...

Економија11 часа

Бислимоски: Домаќинствата со 16,32 проценти помала потрошувачка на струја

Домаќинствата за 16,32 проценти ја намалиле потрошувачката на електрична енергија во скапа (висока) тарифа откако се воведени блок тарифите, покажуваат...

Македонија12 часа

Најстудено на Попова Шапка, снег во Маврово

Утрово најстудено е на Попова Шапка (минус еден степен), а најтопло во Гевгелија (9 степени). Управата за хидрометеоролошки работи соопшти...

Свет12 часа

Трамп повика на укинување на американскиот устав по објавата на интерните мејлови на Твитер

Поранешниот американски претседател Доналд Трамп повика на укинување на Уставот на САД со цел да се сменат резултатите од претседателските...

Македонија12 часа

ВМРО-ДПМНЕ: Предложени 458 проекти низ општините, граѓаните за првпат одлучуваат за што ќе се трошат нивните пари

„Огромна заинтересираност и предложени 458 проекти од страна на граѓаните за само еден ден низ општините каде градоначалниците се од...

Спорт23 часа

Австралија ги намачи, но Аргентинците закажаа дуел со Холандија

Аргентина е во четврт-финалето на Светското првенство и ќе игра против Холандија. „Гаучосите“ успеаја да ја победат Австралија со 2:1,...

Економија1 ден

Ковачевски: Повисоки пензии, повеќе пари за општините и здравството во буџетот за следната година

Премиерот Димитар Ковачевски и министерот за финансии Фатмир Бесими денеска, на заедничка прес-конференција, го претставија Предлог-буџетот за 2023 година, оценувајќи...

Македонија1 ден

МВР: Немало закани кон полицајци во Арачиново, случајот е целосно расчистен

МВР тврди дека никој не им се заканувал на полициски службеници во Арачиново, а случајот е целосно расчистен. „По извршени...

Македонија1 ден

Украдено возило на Итната помош во Кочани, полицијата го пронашла по пет часа

Доцна синоќа околу 03.40 часот од Општа болница Кочани било украдено службено обележано специјално возило „тојота“, сопственост на Итната медицинска...

Свет1 ден

(Видео) САД го претставија новиот стелт бомбардер, може да носи и нуклеарни бомби

САД синоќа го претставија својот нов стратешки стелт бомбардер Б-21 Рајдер, авион што може да лета без екипаж и да...

Македонија1 ден

Рашковски: Сингапур има биометрија, Србија сообраќаен софтвер, а Македонија ги има Трајчева и Русковска

Став на обвинетиот за предметот „Софтвери“ – поранешниот генерален секретар на Владата, Драги Рашкoвски: „Жителите на Сингапур од 2022 година...

Забава1 ден

Патниците наскоро ќе можат да ги користат сите опции на своите телефони во авионите

Патниците во авионите во ЕУ наскоро ќе можат да користат мобилни телефони за време на летот без да го вклучат...

Спорт2 дена

Џака: Дресот на Јашари беше за мојот млад соиграч од Македонија

Капитенот на Швајцарија, Гранит Џака, објасни зошто по победата над Србија носеше дрес со презимето Јашари. Играчот од средниот ред...

Македонија2 дена

Османи одржа предавање на колеџ во Варшава: „Нема место за агресија во Европа во 21. век“

Министерот за надворешни работи, Бујар Османи одржа предавање на Колеџот на Европа во кампусот Натолин во Варшава, следствено по учеството...

Свет2 дена

Белата куќа ја објасни изјавата на Бајден: Засега не планира да се среќава во Путин

Белата куќа ја појасни изјавата што американскиот претседател Џо Бајден ја даде претходно, истакнувајќи дека американскиот претседател во моментов не...

Свет2 дена

Британскиот министер: Путин би можел да ги искористи мировните преговори за обнова на армијата

Рускиот претседател, Владимир Путин, би можел да ги искористи мировните преговори за обнова на војската пред да почне со нова...