Забава
„Јутјуб“ го врати каналот на Трамп
„Јутјуб“ повторно го активираше профилот на Доналд Трамп по двегодишната суспензија од платформата за споделување видео.
Овој потег уследи по сличните одлуки што ги донесе „Мета“ – компанијата сопственик на „Фејсбук“ и „Инстаграм“ – и „Твитер“ во сопственост на Илон Маск.
На поранешниот американски претседател му беше забрането да објавува видеа на „Јутјуб“ во јануари 2021 година. Веб-платформата тогаш соопшти дека неговиот канал ги прекршил правилата против поттикнување насилство.
Но, неговиот профил сега е повторно онлајн, се наведува во прес-профилот на „Јутјуб“.
„Почнувајќи од денес, каналот на Доналд Џеј Трамп повеќе не е ограничен и може да поставува нови содржини,“ твитна веб-платформата во сопственост на „Гугл“.
„Внимателно го проценивме континуираниот ризик од насилство во реалниот свет, притоа балансирајќи ја можноста гласачите подеднакво да слушнат од главните национални кандидати во пресрет на изборите,“ се наведува во твитот.
„Овој канал и понатаму ќе подлежи на нашите политики, исто како и секој друг канал на ‘Јутјуб’.“
„Јутјуб“ претходно му забрани на Трамп да објавува видеа неколку дена откако неговите поддржувачи упаднаа во американскиот Капитол во Вашингтон, на 6 јануари 2021 година.
Стотици демонстранти влегоа во комплексот додека Конгресот се обидуваше да ја потврди победата на Џо Бајден на претседателските избори.
По немирите, сметките на Трамп на „Фејсбук“, „Инстаграм“ и „Твитер“ исто така беа суспендирани.
Но, минатата година Трамп најави дека ќе се кандидира за претседател на САД во 2024 година и оттогаш неговите профили на сите овие платформи се вратија.
Тој има над 2.6 милиони претплатници на „Јутјуб“, заедно со неговите 87 милиони следачи на „Твитер“, 34 милиони на „Фејсбук“ и 23 милиони на „Инстаграм“.
Во петокот, тој се огласи на „Фејсбук“ за првпат по повеќе од две години, со кусо видео од неговиот победнички говор во 2016 година и порака: I’AM BACK! („Сe вратив“).
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
С.О.С. фестивалот се враќа на домашната сцена
С.О.С. фестивалот се враќа на домашната сцена и ги носи Забрањено пушење, кои годинава одбележуваат јубилејни 40 години од првиот студиски материјал „Das ist Walter“, најдоброто од Игор Џамбазов придружуван од Гуру Харе со неговиот бенд и екс-ју ретроспективата на Rootboy Selector.
Јубилеј слави и домаќинот „Фреш унион“ – полни 20 години од првиот настан и стартот на реализацијата на идејата за развој на урбаната музичката култура. 20 години за портфолио во коe се запишани соработки со светски познати имиња, но и еминентни имиња од Балканот и, секако, дел од домашната музичка елита.
Овогодинешното издание на С.О.С. фестивалот е закажано на 15 јуни, со почеток во 20:00 часот, на Ракометно игралиште во Битола, и тоа ќе биде своевидно музичко патување низ времето и уживање во хитовите на Забрањено пушење – „Зеница блуз“, „Хаџија или бос“, „Гузоњин син“, „Памтим то као да је било данас“, „Можеш имат моје тијело“… ќе имате можност да го чуете и „Најдоброто од Игор Џамбазов“ придружуван од неговиот Гуру Харе со својот бенд. Планирана е изведба на неговите најголеми хитови: „Диши длабоко“, „Да си жив и здрав“, „Каква е оваа ситуација“, „Скопјанец в Битола“, „Скопје – Сарај – Матка“, „Племето и семето“, „Фотографија“, „Време за плачење“, „Хотел Македонија“, „Во бестрага“, на материјалот од новиот албум „Првите триесет“, како и анегдоти од над 30-годишната кариера.
Забава
Хороскопски знаци кои го пикаат носот секаде: ги интересира се и повеќе отколку што треба
Хороскопските знаци кои го пикаат носот насекаде се оние кои се обидуваат да дознаат за работи кои апсолутно не ги засегаат.
Хороскопските озборувачи се и хороскопските знаци кои сакаат да знаат сè и ништо не им бега. Тие се многу љубопитни и имаат тенденција да го пикаат носот дури и во ситуации кои не се нивна работа, или поради озборувања или затоа што само сакаат да ги имаат сите информации и да бидат разузнавачка служба која може да има контрола над сите.
Хороскопски знаци кои го пикаат носот насекаде
Близнаци
Ова е знакот што прво на сите им паѓа на ум. Тие се луди по озборувања и сакаат да знаат сè. Ништо не им бега и лесно ќе научат сè за никого. Дури и тој да разговара со вас, а некои други да зборуваат малку подалеку, тие сигурно со едно уво слушаат што се случува. Близнаците извршуваат повеќе задачи и можат многу работи одеднаш.
Шкорпија
Вторите на листата дефинитивно се Шкорпиите и тоа не е случајно. Тие делумно гледаат на озборувањата како на антишпионска алатка. Колку повеќе знаат, толку е полесно да се заштитат. Тие ве имаат во свои раце и можат да го искористат она што го знаат за вас во секое време против вас. Таа го слуша секој разговор, набљудува и надгледува сè и тешко ќе го скриете она што таа сака да го знае.
Бик
Ова е можеби изненадувачки бидејќи никој не очекува Бикот на оваа листа. Можеби изгледаат сериозно и одмерено, но треба да знаете дека се што ги интересира се тајните озборувања. Претставниците на овој знак сакаат да се мешаат во се, полни се со сомнеж и не веруваат никому. Во сè се многу слични на Шкорпијата. Иако овие знаци се хороскопски спротивни, тие имаат некои заеднички елементи како одмаздата која се сервира ладна.
Hitech
(Видео) 7 милиони прегледи: Мајкрософт објави снимка со вештачка интелигенција на Мона Лиза како рапува
Мајкрософт ја претстави новата технологија за вештачка интелигенција наречена VASA-1, која може да комбинира фотографија и аудио клип и да генерира реални видеа.
Тие ја претставија новата технологија со видео на кое Мона Лиза рапува на песната Папараци, но ова не е хит на Лејди Гага, туку рап песна што Ен Хатавеј ја напиша и изведе во ток-шоуто на Конан О’Брајан во 2011 година.
Microsoft just dropped VASA-1.
This AI can make single image sing and talk from audio reference expressively. Similar to EMO from Alibaba
10 wild examples:
1. Mona Lisa rapping Paparazzi pic.twitter.com/LSGF3mMVnD
— Min Choi (@minchoi) April 18, 2024
Видеото набрзо стана вирално и беше прегледано повеќе од 7,1 милиони пати на само еден профил на „Икс“.
„Ова е толку смешно, плачев од смеење“, „Уште едно страшно видео со вештачка интелигенција“, „Ова е морничаво“, „Кога би можел Да Винчи да го види ова“, се дел од коментарите.