Свет
Руски ‘Газпром’ почна со испорака на гас за Украина
Газпром“ до крајот на октомври во максимален режим може на украинската компанија „Нафтогаз“ да ѝ испорача 2,166 милиони кубни метри природен гас, соопшти во понеделникот челникот на рускиот енергетски гигант Алексеј Милер.
Газпром“ до крајот на октомври во максимален режим може на украинската компанија „Нафтогаз“ да ѝ испорача 2,166 милиони кубни метри природен гас, соопшти во понеделникот челникот на рускиот енергетски гигант Алексеј Милер.
Според соопштението, Украина побарала испораки на гас од 114 милиони кубни метри на дневно ниво, што одговара на годишната побарувачка на гас за Украина од 52 милијарди кубни метри. Така, преку максималната испорака на 114 милиони кубни метри гас, во следните 19 дена од октомври „Газпром“ може да ги испорача бараните 2,166 милијарди.
„Денеска ‘Газпром’ започна со испораката на гас за Украина. Од ‘Нафтогаз Украина’ е извршено авансирано плаќање од 234 милини долари од ветените 500 милиони за октомври“, изјави Милер за медиумите.
Операторот на украинските гасоводен систем „Укратрансгаз“ сепак немаат информации за обновувањето на испораките, изјавил за агенцијата ТАСС, портпаролот Максим Билавски.
Условите од ткн „зимски пакет“ за испорака на рускиот гас за Украина и неговиот транзит во Европа, за периодот од 1-ви октомври од 31-ви март беше договорен на 25-ти септември во Брисел за време на трипартитниот состанок, пред кој Русија и Европската комисија изјавија дека ќе потпишан финален договор. Но тогаш украинскиот министер за енергетика и јаглена индустрија Владимир Демчишин изјави дека за официјално потпишување на договорот „мора да биде спроведена правна процедура“, чија суштина не е објасни.
Подоцна рускиот министер за енергетика, Александар Новак, изјави дека Украина барала подигнување на статусот на трипартитниот договор за гасот на ниво на меѓувладин договор, што би било првпат во текот откако се одржуваат преговори меѓу Москва и Киев со посредство на Брисел.
Сепак, проблемот е во тоа што Европската комисија нема надлежност да потпишува договори со таков статус, а форматот на трипартитниот договор има статус на советодавно тело. Покрај тоа Москва, смета дека нема потреба овој договор да биде подигнат на меѓудржавно ниво.
На 25-ти септември Русија и Украина постигнаа договор за испораките на рускиот природен гас по намалена цена од 230 американски долари за илјада кубни метри гас во последниот квартал. Русија ја прекина испораката на гас за Украина во јули кога истече постојниот договор, по што Киев одби да продолжи да ја плаќа цената од 247 американски долари за илјада кубни метри гас.
Марош Шефчович, комесар на Европската комисија за енергија, изјави на прес-конференцијата дека прелиминарниот договор е „клучниот чекор“ за да се обезбеди дека Украина ќе има испораки на гас од октомври до март.
Русија и Украина со години се во спор околу испораките на гасот, што се влоши уште повеќе откако во февруари 2014 година беше соборен претседателот Виктор Јанукович. Во претходните спорови во 2000 и 2009 година, Москва ги прекина испораките за Украина обвинувајќи дека ги поткраднува испораките кои преку нејзината мрежа одат за Европа, предизвикувајќи недостиг од гасот, поради што и се реши на градењето на гасоводите коишто до 2019 година целосно ќе ја заобиколуваат Украина. Русија покрива повеќе од третина од европските потреби за гас, а половината од тоа оди преку украинскиот гасовод.
Во aприл 2014 година Русија објави дека го повлекува намалувањето на цената на својот гас за Украина постигнат во договор со сега соборениот украински претседател Виктор Јанукович, од декември 2013 година. Според тој договор, цената беше намалена за повеќе од третина и се симна на 268 долари за 1.000 кубни метри гас. Така веднаш по укинувањето на сите договори и попусти, цената на рускиот гас за украинските потрошувачи се зголеми на 485 долари за илјада кубни метри.
Намалувањето на цената на рускиот природен гас од дополнителни 100 долари за Украина беше предвидено со договорот од 2010 година, како дополнителен бонус што Москва покрај 100-те милиони долари годишно ги исплатуваше на својот сосед за користењето на воената поморска база на својата Црноморска флота кај Севастопол на полуостровот Крим до крајот на 2017 година, по што ќе следуваше друг анекс на договорот./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
РЕ-Ново
Жена лажирала дури 17 бремености во текот на 24 години, добила 100.000 евра
Италијанка завршила во затвор бидејќи лажирала дури 17 бремености во текот на 24 години за да добие речиси 100.000 евра породилни надоместоци.
Барбара Џоел (50) излажала дека родила пет деца и направила уште 12 спонтани абортуси, а за да успее измамата, носела перници под кошулата за да изгледа како да има труднички стомак, пренесува „Јутарњи лист“.
Го лажирала и начинот на кој оди за да изгледа како да носи дете, а со тоа акумулирала значителен број слободни денови од работа. Џоел ги отфрли сите обвинувања и продолжува да тврди дека нејзините пет деца навистина постојат и дека сите нејзини бремености, вклучително и спонтани абортуси, биле реални.
Џоел тврдеше дека го родила своето последно дете во декември, но полицајците рекоа дека ја набљудувале претходните девет месеци и дека целата бременост била лажна. Таа е обвинета и за кражба на изводи од матичната книга на родените и други документи од клиника во Рим, пренесува италијанскиот весник „Ил Матино“.
Со ваков вид измама се занимава од 2000 година и на тој начин обезбедила бенефиции од над 94.000 евра. Дејвид Пичинато, 55-годишниот партнер на Џоел, наводно ѝ кажал на полицијата сè, а за време на испрашувањето рекол дека „добро знаел“ дека таа никогаш не била бремена.
Се верува дека сведочел против Барбара за да добие помала казна, иако и самиот бил обвинет за помагање во нејзината измама.
„Направила лажни сертификати и ги донела“, наводно им рекол Пичинато на истражителите. „Тоа го знам од 2012 година, односно од почетокот на нашата врска. Џоел беше осудена на една година и шест месеци затвор, но не се појави на изрекувањето на пресудата. Нејзиниот адвокат наводно покажал две потврди, кои потврдуваат дека е болна.
Економија
Еврото го слави својот 25-ти роденден: Треба да се воведе во дигиталната ера
Неопходно е еврото да се внесе во дигиталната ера и да се изгради унија на пазарот на капитал и посилна банкарска унија, најавија европските лидери во пресрет на 25-годишнината на европската валута.
Еврото стапи на сила пред 25 години, на 1 јануари 1999 година, а денес е валута на дваесет земји со 350 милиони жители, од кои Хрватска стана последна членка на почетокот на оваа година.
Претседателот на Еврогрупата Пашал Донохое, претседателката на Европската централна банка (ЕЦБ) Кристин Лагард, претседателката на Европскиот парламент Роберта Мецола, претседателот на Европскиот совет Шарл Мишел и претседателката на Европската комисија Урсула фон дер Лајен ја одбележаа таа годишнина со заедничка напис објавен на веб-страницата на ЕЦБ.
„Заедничката валута го олесни животот“
Во написот објавен вчера, тие пишуваат дека заедничката валута ѝ даде на Европската унија „едноставност, стабилност и суверенитет“ и го олесни животот на европските граѓани кои сега можат лесно да ги споредуваат цените, трговијата и патувањето.
Со текот на годините, еврото се соочуваше со големи предизвици, вклучително и прашања за неговото опстанок, пишуваат европските лидери, нагласувајќи дека „секогаш ќе се најдат вистинските одговори“, како што е усогласениот систем на супервизија на банките по големата криза во 2008 година.
„Денес поддршката за заедничката валута меѓу граѓаните на еврозоната се приближува до рекордни нивоа“, посочија тие, предупредувајќи дека работата „не е завршена“ бидејќи Европа се соочува со нови предизвици со кои поединечни држави не можат да се справат сами.
Унијата се соочува со растечки геополитички тензии, првенствено руската „илегална војна“ против Украина, забрзана климатска криза и невидени предизвици за европската конкурентност од другите делови на светот.
Затоа, прашањата како одбраната, зелената и дигиталната транзиција ќе бидат клучни во иднина. Само за декарбонизација на економиите ќе бидат потребни 620 милијарди евра годишно до 2030 година, предупредија тие.
ЕУ мора да изгради вистинска унија на пазарите на капитал за да ги „мобилизира приватните финансии“, да ја зајакне банкарската унија и да ги реформира фискалните правила. Еврото треба да влезе во „дигиталната ера“ и мора да се подготват темелите за потенцијално „дигитално евро“ кое ќе биде комплементарно на готовината.
Лидерите предупредуваат дека „со неколку земји кои моментално се во процес на пристапување во ЕУ“, алијансата мора да го задржи капацитетот да „дејствува решително“.
„Проширувањето и продлабочувањето меѓусебно не се исклучуваат. Но, проширувањето може да бара промени во организацијата на ЕУ“, се заклучува во написот.
Свет
Убиени 41 член од исто семејство во Газа
Министерството за здравство во Појасот Газа соопшти дека 41 член на исто семејство загинале во израелското бомбардирање на нивната куќа во централниот дел на градот Газа.
Министерството објави список со имињата на 41 член на семејството Малка, од кои сите загинаа во нападот што се случи во зори во населбата Зајтун во Појасот Газа, пренесува AFP.
На ова следуваа реакциите на корисниците на социјалните мрежи на веста за смртта на толку голем број членови на исто семејство, кои споделија список со имињата на загинатите, како што наведоа.
Тие ги осудија злосторствата на окупацијата со која беа истребени цели семејства и избришани од матичната евиденција, наведуваат некои од нив во своите објави.