Свет
Силни отпори против приватизацијата во Словенија
Петицијата против продажбата на државните компании и банки во Словенија досега ја потпишале 10.000 луѓе, и покрај предупредувањата на премиерот Миро Церар дека со приватизацијата и повлекувањето на државата од корпоративното управување е потребно да продолжи за да се врати довербата на европските институции и пазарите на капиталот.
Во својот говор пред словенечките дипломати на нивното редовно годишно советување, премиерот Миро Церар изјави дека Словенија со потезите коишто ќе ги направи дома мора да го врати меѓународниот кредибилитет, како и дека ќе продолжи со приватизацијата на државната сопственост што и’ е ветено на Европската унија и од страна на претходната влада, но во тоа владата се соочува со отпори, пишуваат во вторникот на словенечките медиуми.
Мариборскиот дневен весник Večer наведува дека Церар, според некои оцени, кога зборува за приватизацијата, мора да внимава на сопствената веродостојност бидејќи во предизборната кампања изразуваше резерви кон продолжување на приватизациската кампања започната во мандатот на претходна премиерка Аленка Братушек и дека токму затоа доби висок процент гласови на предвремените избори кон средината на минатата 2014 година.
На „недоследноста“ на Церар кога станува збор за повлекувањето на државата од сопственоста на водечките корпорации предупредува во друг коментар и љубљанскиот дневен весник Dnevnik. „Целосно недоследно е и речиси шизофрено е што Церар во поглед на приватизацијата се откажа од ветувањата кои им ги даде на гласачите, а сега инсистира на некои наводни ветувања на Европа, и тоа на штета на својата влада и целата држава“, пишува весникот.
Според Dnevnik, новиот словенечки премиер и самиот се свесен дека ветената продажба на Telekom Slovenijа, а најчесто како потенцијален купувач се наведува Deutsche Telekom, е „целосна глупост“, но и покрај тоа со продажбата продолжува за да се врати кредибилитетот кај инвеститорите и да го исполни ветувањата дадени на Брисел.
Петицијата против „распродажбата“ на државниот имот во средината на декември ја покренаа стотина интелектуалци и јавни личности, меѓу кои некои се истакнати универзитетски професори, економисти, поранешни уставни судии и креатори на јавното мнение. Тие наведуваат дека приватизацијата и продажбата на државната сопственост за Словенија долгорочно се штетни и дека владата на тоа мора да му се спротистави.
Од ветената приватизација на државната сопственоста полза ќе имаат само посредниците и лобистите, средствата добиени од продажбата нема значително да влијаат врз намалувањето на словенечкиот јавен долг или врз буџетскиот дефицит, тврди еден од потписниците, реномираниот макроекономист Јоже Менцингер. Според него, новиот бран приватизација на кој Словенија се согласува, всушност е распродажба на државниот имот и „идеолошко отуѓување“ на нешто што им припаѓа на граѓаните, кои според некои анкети во мнозинство се спротиставуваат на приватизацијата.
Во Словенија, инаку, не се продаваат само државните претпријатија, туку и словенечката сувереност. Европската комисија нема право да се меша во нашите законски прописи, а уште помалку од Словенија да бара приватизација, вели Менцингер за неделникот Mladina./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
РЕ-Ново
Жена лажирала дури 17 бремености во текот на 24 години, добила 100.000 евра
Италијанка завршила во затвор бидејќи лажирала дури 17 бремености во текот на 24 години за да добие речиси 100.000 евра породилни надоместоци.
Барбара Џоел (50) излажала дека родила пет деца и направила уште 12 спонтани абортуси, а за да успее измамата, носела перници под кошулата за да изгледа како да има труднички стомак, пренесува „Јутарњи лист“.
Го лажирала и начинот на кој оди за да изгледа како да носи дете, а со тоа акумулирала значителен број слободни денови од работа. Џоел ги отфрли сите обвинувања и продолжува да тврди дека нејзините пет деца навистина постојат и дека сите нејзини бремености, вклучително и спонтани абортуси, биле реални.
Џоел тврдеше дека го родила своето последно дете во декември, но полицајците рекоа дека ја набљудувале претходните девет месеци и дека целата бременост била лажна. Таа е обвинета и за кражба на изводи од матичната книга на родените и други документи од клиника во Рим, пренесува италијанскиот весник „Ил Матино“.
Со ваков вид измама се занимава од 2000 година и на тој начин обезбедила бенефиции од над 94.000 евра. Дејвид Пичинато, 55-годишниот партнер на Џоел, наводно ѝ кажал на полицијата сè, а за време на испрашувањето рекол дека „добро знаел“ дека таа никогаш не била бремена.
Се верува дека сведочел против Барбара за да добие помала казна, иако и самиот бил обвинет за помагање во нејзината измама.
„Направила лажни сертификати и ги донела“, наводно им рекол Пичинато на истражителите. „Тоа го знам од 2012 година, односно од почетокот на нашата врска. Џоел беше осудена на една година и шест месеци затвор, но не се појави на изрекувањето на пресудата. Нејзиниот адвокат наводно покажал две потврди, кои потврдуваат дека е болна.
Економија
Еврото го слави својот 25-ти роденден: Треба да се воведе во дигиталната ера
Неопходно е еврото да се внесе во дигиталната ера и да се изгради унија на пазарот на капитал и посилна банкарска унија, најавија европските лидери во пресрет на 25-годишнината на европската валута.
Еврото стапи на сила пред 25 години, на 1 јануари 1999 година, а денес е валута на дваесет земји со 350 милиони жители, од кои Хрватска стана последна членка на почетокот на оваа година.
Претседателот на Еврогрупата Пашал Донохое, претседателката на Европската централна банка (ЕЦБ) Кристин Лагард, претседателката на Европскиот парламент Роберта Мецола, претседателот на Европскиот совет Шарл Мишел и претседателката на Европската комисија Урсула фон дер Лајен ја одбележаа таа годишнина со заедничка напис објавен на веб-страницата на ЕЦБ.
„Заедничката валута го олесни животот“
Во написот објавен вчера, тие пишуваат дека заедничката валута ѝ даде на Европската унија „едноставност, стабилност и суверенитет“ и го олесни животот на европските граѓани кои сега можат лесно да ги споредуваат цените, трговијата и патувањето.
Со текот на годините, еврото се соочуваше со големи предизвици, вклучително и прашања за неговото опстанок, пишуваат европските лидери, нагласувајќи дека „секогаш ќе се најдат вистинските одговори“, како што е усогласениот систем на супервизија на банките по големата криза во 2008 година.
„Денес поддршката за заедничката валута меѓу граѓаните на еврозоната се приближува до рекордни нивоа“, посочија тие, предупредувајќи дека работата „не е завршена“ бидејќи Европа се соочува со нови предизвици со кои поединечни држави не можат да се справат сами.
Унијата се соочува со растечки геополитички тензии, првенствено руската „илегална војна“ против Украина, забрзана климатска криза и невидени предизвици за европската конкурентност од другите делови на светот.
Затоа, прашањата како одбраната, зелената и дигиталната транзиција ќе бидат клучни во иднина. Само за декарбонизација на економиите ќе бидат потребни 620 милијарди евра годишно до 2030 година, предупредија тие.
ЕУ мора да изгради вистинска унија на пазарите на капитал за да ги „мобилизира приватните финансии“, да ја зајакне банкарската унија и да ги реформира фискалните правила. Еврото треба да влезе во „дигиталната ера“ и мора да се подготват темелите за потенцијално „дигитално евро“ кое ќе биде комплементарно на готовината.
Лидерите предупредуваат дека „со неколку земји кои моментално се во процес на пристапување во ЕУ“, алијансата мора да го задржи капацитетот да „дејствува решително“.
„Проширувањето и продлабочувањето меѓусебно не се исклучуваат. Но, проширувањето може да бара промени во организацијата на ЕУ“, се заклучува во написот.
Свет
Убиени 41 член од исто семејство во Газа
Министерството за здравство во Појасот Газа соопшти дека 41 член на исто семејство загинале во израелското бомбардирање на нивната куќа во централниот дел на градот Газа.
Министерството објави список со имињата на 41 член на семејството Малка, од кои сите загинаа во нападот што се случи во зори во населбата Зајтун во Појасот Газа, пренесува AFP.
На ова следуваа реакциите на корисниците на социјалните мрежи на веста за смртта на толку голем број членови на исто семејство, кои споделија список со имињата на загинатите, како што наведоа.
Тие ги осудија злосторствата на окупацијата со која беа истребени цели семејства и избришани од матичната евиденција, наведуваат некои од нив во своите објави.