Култура
Премиера на „Геноцид 21“ од Љубиша Георгиевски
Новиот текст „Геноцид 21“ на Љубиша Георгиевски на 20 април премиерно ќе биде поставен на сцената на Драмски театар во Скопје.
Новиот текст „Геноцид 21“ на Љубиша Георгиевски на 20 април премиерно ќе биде поставен на сцената на Драмски театар во Скопје.Годишната програма на Драмски театар за 2011 година во целост е составена од дела на домашни автори. По „Олово на перница“ од Венко Андоновски и „Крвта не е вода“ на Сашо Кокаланов, ќе се одржи премиерата на „Геноцид 21“ од Љубиша Георгиевски.„Во текот на целата година Драмски театар ќе ги промовира националните драми и во својот репертоар ќе апсолвира се што е најдобро и со тоа ќе ги мотивира македонските автори што повеќе да пишуваат и да создаваат национално драмско богатство“ – нагласи Бранко Ѓорчев, директор на Драмски театар.До крајот на годината на сцената на Драмски ќе бидат поставени римејкот на „Грев или шприцер“ од Сашко Насев, кабаре со текстови од домашни автори и уште еден текст на Венко Андоновски со наслов „Глембаевци“.Претставата „Геноцид 21“ по текст на Љубиша Георгиевски ја режираше Владлен Александров, гостин од Бугарија и директор на Театарот во Пазарџик. Претходно Александров ја режираше претставата „Жената како воено поле“, исто така во Драмски театар.На денешната прес-конференција за новата премиера на Драмски театар присуствуваа режисерот Владлен Александров и актерите Јелена Жугиќ и Рубенс Муратовски.Како најава на претстојната премиера Љубиша Георгиевски со една реченица ги открива мотивите за пишувањето на текстот.„Пиесава ја посветувам на македонските мајки, кои раѓале по едно чедо повеќе отколку што крвниците можеле да потоморат“ – напиша Георгиевски.Покрај благодарноста за заемната соработка со Драмски театар, режисерот Александров го изнесе своето видување за текстот на претставата „Геноцид 21“.„Тоа е текст за мажот, за жената, за војната, за мирот, за лагата, за вистината, за злосторството, за казната, за мечтата, за убиството на една мечта, за тоа како може да се издржи насилието и навредите, за минатото и за бескрајот. Текстот зборува за важни теми од македонската историја. Нашата задача беше да направиме театар од сето тоа“ – изјави Владлен Александров.Љубиша Георгиевски е од оние интелектуалци кои имаат енциклопедиски знаења за светот и за театарот и поради тоа лесно ја употребува митологијата во своите текстови, нагласи Александров. Текстот зборува за падот на Троја, за Хекуба, кралицата на Троја, и Агамемнон, кралот на Елините кои ја покориле Троја, за понижувањето на Хекуба од страна на Агамемнон. Текстот зборува за цивилизацискиот геноцид што се случил тогаш, и кој се повторува во повеќе историски моменти на човековото опстојување.Актерската екипа ја сочинуваат Јелена Жугиќ, како Хекуба, Рубенс Муратовски, како Агамемнон, и Роберт Вељановски, како Еврипид. Станува збор за камерна претстава што се игра на голема сцена.„Една од главните теми во претставата е покајанието. Жената во претставата постојано инсистира мажот да се покае. Темата го анализира односот меѓу жртвата и крвникот, како жртвата станува крвник и како крвникот станува жртва. Тоа е аутопсија на еден злостор, односно геноцид на Елините извршен врз Троја. Меѓутоа во текстот има една теза која вели дека најголемата казна која може крвникот да ја доживее е заборавот. Значи, ако никој повеќе не се сеќава на злосторот што го прави крвникот, тогаш никој нема да може да се покае, и тогаш крвниците цел живот ќе бидат заробени од својот злостор“ – објасни Јелена Жугиќ.Претставата е направена во форма на дуо-драма. Режисерот Александров во текот на пробите успеал да ги нивелира сите бесови, агресии и страдања низ кои актерите минувале при подготовката на претставата.„Претставата се занимава и со сериозни политички теми. Во ова време – невреме, во овој свет – несвет, во овој бордел, јагнето е крвник оти им ја труе водата на кутрите, мирољубиви и од никого неразбрани волци, и затоа волкот по природа е демократ и има право да јаде јагниња без оглед на нивната боја на кожа, пол, нација, име…“ – потенцираше Жугиќ.Актерот Рубенс Муратовски во претставата толкува лик со чии ставови не се согласува, но токму во тој факт го препознал предизвикот во креирањето на улогата. Голема помош во тоа добил од режисерот, партнерката на сцената и од театарот.Премиерата на „Геноцид 21“ ќе се одржи на 20 април со почеток во 20 часот, на големата сцена на Драмски театар./крај/т.д.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Култура
Марко Бањоли во Чифте амам
На 23 април во 19 часот во Националната галерија на Македонија – Чифте амам, Скопје ќе се отвори мултимедијалната изложбата „Тркало на времето“ на истакнатиот италијански уметник Марко Бањоли.
„Со оваа изложба ја објавуваме одлуката на Советот на Остен „Земја во фокус“ на Остен Биеналето Скопје 2024 да биде Италија“, велат од Остен.
Изложбата е организирана во соработка со Зеринтија, Асоцијација за современа уметност, а со поддршка на Италијанска амбасада во Скопје и Италијанскиот културен институт во Белград.
Култура
Настап на Дуња Иванова и концерт посветен на Кире Костов во изведба на Биг бендот на фестивалот „Крај Вардарот џез“
Во рамки на втората фестивалска вечер на „Крај Вардарот Џез“, утревечер на 23 април во Македонската филхармонија со почеток во 20 часот на пијано ќе настапи Дуња Иванова.
Нејзиниот концертен настап „Мирисот на липите“ ќе биде проследен со текст и нарација на Тина Иванова. Музичко-поетски проект, кој раскажува приказна за познатите урбани и скриени места на Општина Центар. Липите на улицата „Орце Николов“, панкот од гаражите на „Плочник“, дружбите во дворот на „Песталоци“, графитите на Кеј, паркот на Горан Стефановски, кафеаната „Наџак“…
Ќе бидат изведени композицијата „Свита за Скопје“ од македонската композиторка Ана Пандевска, и песната „Ние сме од Скопје“ на Мирко Попов, чиј аранжман за пијано го направи Пандевска. Получасовно патување низ симболите на Скопје, погледнати низ интимна, лична перспектива на авторите. Во музиката, како и во нарацијата, провејува нишка на носталгија, а во исто време и крик за подобро утре на градот во кој пораснавме и без чиј воздух не можеме да живееме. „Мирисот на липите“ симболично ќе прикаже, преку звук и говор, еден живот на жител од Центар. Поетскиот наратив е оригинално креиран за овој уметнички перформанс, кој промовира иновативен пристап со содржина која пак, претставува ,,жива“ материја, блиска до човечкото срце.
Минатиот месец за „ПМГ Џез“, како 44 издание, излезе албум во живо, концерт на пијано на Дуња Иванова, кој беше реализиран во рамки на музичката програмата „Крај Вардарот Сесии во Аудиокултура“, која изведе композиции од Ана Пандевска.
Веднаш потоа во 21 часот на истата сцена ќе започне долгоочекуваниот концерт на Биг Бендот со музика од Кире Костов. Концерт посветен на еден од стожерите на современата џез композиција Кире Костов, преку интерпретација на негови избрани дела во современ аранжман од страна на Биг Бендот под диригентската палка на Љупчо Мирковски. Костов е едно од најзначајните имиња во современата џез музика, чија работа опфаќа бројни ангажмани и дела, меѓу кои: солист и диригент на Танцовиот оркестар на РТВ Скопје, наградуван трубач во Југославија, претставник во Биг бендот на Европската радиодифузија, автор на околу педесетина композиции во оркестарска изведба од областа на џезот и 300 песни во популарната музика и реализатор на сите изданија на Скопскиот фестивал од 1991. Подеднакво значајна ќе биде и изведбата на селектираните дела од Костов на еден од нашите најзначајни оркестарски формации, чија историја датира од далечната 1961 година (Биг Бендот на МРТ), кој во 2013 година се возобновува и продолжува да работи во музичка формација водена од Љупчо Мирковски како диригент.
Фестивалот ќе биде заокружен на 27 април во едукативно културниот центар Лабораториум со концертен настап на „Macedonian Free Society“ и со еден од највозбудливите музички проекти „Поетроника“.
Фестивалот е поддржан од Министерство за култура на Р.С. Македонија и се реализира во соработка со Македонска филхармонија и Лабораториум. Концертот „Мирисот на липите“ се реализира со поддршка на општина Центар.
Книги
МАИ ги додели наградите за изданијата меѓу два Саеми на книга
Комисијата за доделување на наградите на Македонската асоцијација на издавачи за периодот меѓу два саема, по разгледувањето на апликациите и на примероците од книгите доставени од издавачите, на состанокот на 15.04.2024 г. донесе одлуки за доделување на наградите на МАИ меѓу двата саема во мај 2023 и април 2024 година.
Признание за најдобра едиција, при што основен критериум бил уредничкиот пристап, концептот на едицијата и унифицираниот изглед/дизајн, со 1. место наградена е едицијата „ПРОаЗА“ („Или-или“), со 2. место едицијата „Бранови“ („Антолог“) и со 3. место едицијата „Современи класици“ („Арс ламина“).
Признание за најдобар оригинален дизајн на корица добија „Не кажувам“ од Петар Андоновски, дизајнирана од Марко Трпески („Полица“), „Базирано врз речиси вистинити настани“ од Ѕвездан Георгиевски, дизајнирана од Наталија Лукомска („Бегемот“) и „Кабинет на чуда со ѕидови од огледала“ од Владимир Јанковски, дизајнирана од Марко Трпески („Антолог“).
Признание за најдобро ликовно-графички уредено издание добија „Варшава го исцртува Скопје“ од Кинга Нетман-Мултановска; автор на дизајнот: Петер Личковски („Бегемот“), „Костимот во Македонија од појавата на фотографијата до денес“ од Зорка Тодорова Младеновиќ; графичко уредување на „Арс ламина“ и „Гени, мени, сени“ од Владимир Лукаш (текст и илустрации), со графичко уредување на „Супрема“.
Признание за оригинални целосно илустрирани книги за деца (сликовници) добија „Си беше еднаш – Најубавите бајки на сите времиња“ (прир. Оливера Ќорвезироска, со илустрации на Наталија Лукомска) („Арс ламина “), „Момчето од зборови / Девојчето од ноти“ од Катерина Николовска („Чудна шума“) и „Рокчето“ од Никола Маџиров, со илустрации на Анета Илиевска („Арс ламина“).
Во категоријата најкреативно издание каде влегуваат оригинални изданија за возрасни или за деца, кои се издвојуваат по својата нестандардност, признанија добија „Момчето од зборови / Девојчето од ноти“ од Катерина Николовска („Чудна шума“), „Шарени ириси“ од Јована Матевска Атанасова, со илустрации на Симонида Филипова Китановска („Арс ламина“) и „Мојата прва библиотека“ од Деспина Мукоска („Арс ламина“).
Признанието за автор на годината го доби Лидија Димковска („Три“).