Култура
Вечерва се отвора филмскиот фестивал во Сан Себастијан
Меѓунaродниот филмски фестивал во Сан Себастијан ќе биде отворен вечерва со новиот филм на Хуан Карлос Фреснадил, „Intruders“, еден од најочекуваните шпански филмови оваа сезона, трилер со елементи на фантастика во кој играта Клив Оуен и Карис ван Хојтен.
Меѓуанродниот филмски фестивал во Сан Себастијан ќе биде отворен вечерва со новиот филм на Хуан Карлос Фреснадил, „Intruders“, еден од најочекуваните шпански филмови оваа сезона, трилер со елементи на фантастика во кој играта Клив Оуен и Карис ван Хојтен.До 24-ти септември на овој шпански филмски фестивал кој се вбројува во ткн А категорија, ќе бидат прикажани најдобрите нови филмски остварувања кои досега не учествувале на другите фестивали, а за наградите Златна и Сребрена школка ќе се натпреваруваат 16 филмови, меѓу кои некои ќе ја имаат својата светска премиера. Во главната програма светска премиера ќе доживеат филмовите „Аmen“ на јужнокорејскиот режисер Ким Ки-Дук за мистериозното патување на млада Кореанка во Европа и француската комедија „Intouchables“ на Ерик Толедан и Оливие Накаш, кој вон конкуренција ќе биде прикажан на затворањето на фестивалот. Исто така, ќе бидат проектирани и британскиот филм „The Deep Blue Sea“ на Теренс Дејвис, сторија во којашто главната улога ја толкува Ракел Велч сместена во Лондон во 1950-те, американската драма „Rampart“ на Орен Моверман во која настапуваат Вуди Харелсон, Роберет Рајт и Стив Бусеми, јапонскиот „Kiseki“ на режисерот Хироказу Коре-Еде, приказна за момченце коешто по разводот на родителите сака повторно да се сретне со братот, шведскиот „Happy End“ на Бјорн Рунге за физичките и психичките злоставувања коишто ги трпат жените во современото општество. Американската актерка Глен Клоуз на којашто на 18-ти септември во рамките на фестивалот во Сан Себастијан ќе и’ биде врачена наградата за животно дело, ќе го претстави својот најнов филм „Albert Nobbs“ чиешто дејствие е сместено во патријархална Ирска од 19-от век, во кој таа толкува жена којшто се маскира во маж за да добие работа во хотел. Во жирито со коешто претседава американската актерка Франсес Мекдормад, се и сенаристот и режисер Гилермо Ариага, режисерите Алекс дела Иглесиа и Берт Хармер, актерките Баи Линг и Софи Оконедо, како и сценаристката Софи Ментињо. На официјалната програма на фестивалот, фестивалот има секции кои носат филмови од другите важни фестивали, дебитантски филмови, трудови на славни режисери кои се во процес на создавање, одвоени програми на шпанските и баскиските филмови, како и студентски трудови и ретроспективи. Ретроспективата на Жак Деми на фестивалот ќе го одбележи доаѓањето на двете француски актерки, кои во 1960-те беа ѕвезди на неговите филмови, Катрин Денев која играше во „Шербурските чадори“ и Анук Еме од антологискиот филм „Лола“.Ова е 59-то издание на фестивалот во Сан Себастијан, како што пренесуваат шпанските медиуми, со ист ентузијазам како и во 1953 година кога е основан. Фестивалот почнал како меѓународна филмска недела посветена на филмовите од шпанското јазиччно подрачје, а веќе следната година се специјализираше за филмовите во колор-техника и иновативните филмови снимени во текот на годината, а во 1957 година го добива статусот на фестивал од А категорија. Многу брзо станува препознатлив по своето гледиште и целите на кои им остана доследна програмата на организаторите се’ до денес. Односно желбата, покрај претставувањето на најдобрите и иновативните филмови на годишно ниво, да се избегне од цензурата каква што постоеше во минатото но и денес. Импозантен е списокот на славните личности кои гостуваа на фестивалот во Сан Себастијан, од Алфред Хичкок, Кирк Даглас, Фриц Ланг и Хаурад Коукс, до Харисон Форд, Стивен Спилберг, Мел Гибсон и Киану Ривс, а за многумина фестивалот е потсетник на хронологијата од историјата на филмот. Од 1986 година фестивалот доделува награда за животно дело Доносите (што е баскиското име за градот Сан Себастијан), којјашто меѓу другите им беше доделена на Грегори Пек (1986), Бет Дејвис (1989), Ентони Перкинс (1991), Роберт Мичам, (1993), Ал Пачино (1996), Ванеса Редгрејв и Анџелика Хјустон (1999), Мајкл Кејн и Роберт Дениро (2000), Мерил Стрип и Антонио Бандерас (2008) и Џулија Робертс (2010)./крај/ро/сн (
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Култура
Марко Бањоли во Чифте амам
На 23 април во 19 часот во Националната галерија на Македонија – Чифте амам, Скопје ќе се отвори мултимедијалната изложбата „Тркало на времето“ на истакнатиот италијански уметник Марко Бањоли.
„Со оваа изложба ја објавуваме одлуката на Советот на Остен „Земја во фокус“ на Остен Биеналето Скопје 2024 да биде Италија“, велат од Остен.
Изложбата е организирана во соработка со Зеринтија, Асоцијација за современа уметност, а со поддршка на Италијанска амбасада во Скопје и Италијанскиот културен институт во Белград.
Култура
Настап на Дуња Иванова и концерт посветен на Кире Костов во изведба на Биг бендот на фестивалот „Крај Вардарот џез“
Во рамки на втората фестивалска вечер на „Крај Вардарот Џез“, утревечер на 23 април во Македонската филхармонија со почеток во 20 часот на пијано ќе настапи Дуња Иванова.
Нејзиниот концертен настап „Мирисот на липите“ ќе биде проследен со текст и нарација на Тина Иванова. Музичко-поетски проект, кој раскажува приказна за познатите урбани и скриени места на Општина Центар. Липите на улицата „Орце Николов“, панкот од гаражите на „Плочник“, дружбите во дворот на „Песталоци“, графитите на Кеј, паркот на Горан Стефановски, кафеаната „Наџак“…
Ќе бидат изведени композицијата „Свита за Скопје“ од македонската композиторка Ана Пандевска, и песната „Ние сме од Скопје“ на Мирко Попов, чиј аранжман за пијано го направи Пандевска. Получасовно патување низ симболите на Скопје, погледнати низ интимна, лична перспектива на авторите. Во музиката, како и во нарацијата, провејува нишка на носталгија, а во исто време и крик за подобро утре на градот во кој пораснавме и без чиј воздух не можеме да живееме. „Мирисот на липите“ симболично ќе прикаже, преку звук и говор, еден живот на жител од Центар. Поетскиот наратив е оригинално креиран за овој уметнички перформанс, кој промовира иновативен пристап со содржина која пак, претставува ,,жива“ материја, блиска до човечкото срце.
Минатиот месец за „ПМГ Џез“, како 44 издание, излезе албум во живо, концерт на пијано на Дуња Иванова, кој беше реализиран во рамки на музичката програмата „Крај Вардарот Сесии во Аудиокултура“, која изведе композиции од Ана Пандевска.
Веднаш потоа во 21 часот на истата сцена ќе започне долгоочекуваниот концерт на Биг Бендот со музика од Кире Костов. Концерт посветен на еден од стожерите на современата џез композиција Кире Костов, преку интерпретација на негови избрани дела во современ аранжман од страна на Биг Бендот под диригентската палка на Љупчо Мирковски. Костов е едно од најзначајните имиња во современата џез музика, чија работа опфаќа бројни ангажмани и дела, меѓу кои: солист и диригент на Танцовиот оркестар на РТВ Скопје, наградуван трубач во Југославија, претставник во Биг бендот на Европската радиодифузија, автор на околу педесетина композиции во оркестарска изведба од областа на џезот и 300 песни во популарната музика и реализатор на сите изданија на Скопскиот фестивал од 1991. Подеднакво значајна ќе биде и изведбата на селектираните дела од Костов на еден од нашите најзначајни оркестарски формации, чија историја датира од далечната 1961 година (Биг Бендот на МРТ), кој во 2013 година се возобновува и продолжува да работи во музичка формација водена од Љупчо Мирковски како диригент.
Фестивалот ќе биде заокружен на 27 април во едукативно културниот центар Лабораториум со концертен настап на „Macedonian Free Society“ и со еден од највозбудливите музички проекти „Поетроника“.
Фестивалот е поддржан од Министерство за култура на Р.С. Македонија и се реализира во соработка со Македонска филхармонија и Лабораториум. Концертот „Мирисот на липите“ се реализира со поддршка на општина Центар.
Книги
МАИ ги додели наградите за изданијата меѓу два Саеми на книга
Комисијата за доделување на наградите на Македонската асоцијација на издавачи за периодот меѓу два саема, по разгледувањето на апликациите и на примероците од книгите доставени од издавачите, на состанокот на 15.04.2024 г. донесе одлуки за доделување на наградите на МАИ меѓу двата саема во мај 2023 и април 2024 година.
Признание за најдобра едиција, при што основен критериум бил уредничкиот пристап, концептот на едицијата и унифицираниот изглед/дизајн, со 1. место наградена е едицијата „ПРОаЗА“ („Или-или“), со 2. место едицијата „Бранови“ („Антолог“) и со 3. место едицијата „Современи класици“ („Арс ламина“).
Признание за најдобар оригинален дизајн на корица добија „Не кажувам“ од Петар Андоновски, дизајнирана од Марко Трпески („Полица“), „Базирано врз речиси вистинити настани“ од Ѕвездан Георгиевски, дизајнирана од Наталија Лукомска („Бегемот“) и „Кабинет на чуда со ѕидови од огледала“ од Владимир Јанковски, дизајнирана од Марко Трпески („Антолог“).
Признание за најдобро ликовно-графички уредено издание добија „Варшава го исцртува Скопје“ од Кинга Нетман-Мултановска; автор на дизајнот: Петер Личковски („Бегемот“), „Костимот во Македонија од појавата на фотографијата до денес“ од Зорка Тодорова Младеновиќ; графичко уредување на „Арс ламина“ и „Гени, мени, сени“ од Владимир Лукаш (текст и илустрации), со графичко уредување на „Супрема“.
Признание за оригинални целосно илустрирани книги за деца (сликовници) добија „Си беше еднаш – Најубавите бајки на сите времиња“ (прир. Оливера Ќорвезироска, со илустрации на Наталија Лукомска) („Арс ламина “), „Момчето од зборови / Девојчето од ноти“ од Катерина Николовска („Чудна шума“) и „Рокчето“ од Никола Маџиров, со илустрации на Анета Илиевска („Арс ламина“).
Во категоријата најкреативно издание каде влегуваат оригинални изданија за возрасни или за деца, кои се издвојуваат по својата нестандардност, признанија добија „Момчето од зборови / Девојчето од ноти“ од Катерина Николовска („Чудна шума“), „Шарени ириси“ од Јована Матевска Атанасова, со илустрации на Симонида Филипова Китановска („Арс ламина“) и „Мојата прва библиотека“ од Деспина Мукоска („Арс ламина“).
Признанието за автор на годината го доби Лидија Димковска („Три“).