Daily news
Доделени наградите на овогодишниот Let’s CEE фестивал
![](https://makfax.com.mk/wp-content/uploads/2017/04/LETS-CEE-Award-Ceremony.jpg)
Легендарниот унгарски режисер Бела Тар ја доби наградата за доживотно дело – „Звездата на Уранија“ (The Star of the Urania) на овогодишниот Let’s CEE фестивал во Австрија.
По овој повод, неговиот сонародник, унгарско-австрискиот публицист Пол Лендави одржа емотивен говор, потенцирајќи: „бидете храбри, не правете компромиси. Не чукајте на вратите, туку срушете ги“.
Во категоријата најдобра главна улога победи Атила Тил, исто така, од Унгарија со гангстерската комедија „Kills on Wheels“, каде играат актери – аматери во колички. Посебно внимание доби рускиот филм „The Student“ од Кирил Серебреников, кој предупредува на опасностите од фундаментализмот.
Во категоријата документарни филмови, каде се натпреваруваа десет различни филмови, победи романскиот филм „A Mere Breath“, претставен од Моника Лажурен-Горган, која слика тивок и деликатен семеен портрет додека ги снима нејзините протагонисти како се соочуваат со животот во текот на седум години.
„Illegitimate“ од романскиот режисер Адриан Ситару, „Death in Sarajevo“ од добитникот на Оскар, Денис Тановиќ и предизвикувачкиот унгарски политички дебитант „The Citizen“ од Роланд Враник си заминаа со празни раце.
Исто така, светската сензација и музички документарец „Liberation day“, која раскажува за одржан концерт на бендот Лајбах во Северна Кореја и личниот портрет на Зосја Родкевич „My Friend Boris Nemtsov“, не успеаја целосно да го убедат жирито да бидат наградени.
Во категоријата ветувачки дебитанти, каде за првото место се бореа единаесет неверојатни филмови, наградата ја добија Григор Лефтеров и Тодор Матсано за „Hristo“ – бугарско-италијанска копродукција. Оваа автентична социјална драма која што се врти околку адолесцент кој е бездомник беше наградена со наградата „Уранија“, дизајнирана од Тон Финк.
Понатамошните единаесет награди се доделуваа во категоријата кратки филмови под овогодинешното мото „World in Transition“. „Buzzing of a Bumblebee“ од Владимир Белдиан од Русија го доби првото место, а другата руска композиција „Masterpiece“ од Ирина Стороженко, словенскиот „A New Home“ од Жига Вирц и Азербејџанско-литванската продукција „Shanghai,Baku“ од Теимур Хајев добија пофални зборови.
Наградата од публиката во категоријата кратки филмови ја доби Олга Косановиќ за „Undercooling“, а српскиот режисер Милош Радович ја однесе наградата за неговата целосна продукција за трагичната комедија „Train Driver’s Diary“.
Наградата за најдобра актерска изведба беше доделена на хрватската актерка Ксенија Маринковиќ, која се појави во три различни продукции покажани на филмскиот фестивал Let’s Cee. /крај/со/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Daily news
Награда за „Бизнисот на задоволството“ на фестивалот во САД, кој ги откри Спилберг и Џорџ Лукас
![](https://makfax.com.mk/wp-content/uploads/2024/05/thumbnail_The_Business_of_Pleasure_2.jpg)
Долгометражниот филм „Бизнисот на задоволството“ на Гоце Цветaновски е добитник на наградата „Сребрено реми“ на „Хјустон интернешнал филм фестивал“ (WorldFest-Houston International Film Festival) во САД.
Овој значаен фестивал, кој постои цели 57 години е еден од најстарите во Америка и најстар во светот за независни филмови. Се гордее со тоа што во својата историја им ги доделил првите награди на легендарни режисери како што се Стивен Спилберг, Џорџ Лукас, Анг Ли, браќата Коен, Ридли Скот, Брајан де Палма, Оливер Стоун, Роберт Родригез, Спајк Ли, Дејвид Линч и уште многу други.
„Ова е голем успех. Да бидеш награден во конкуренција од над 4.000 филмови од 70 држави, е признание кое ја потврдува естетската вредност на филмот. Дефинитивно влеговме во убаво друштво, со оглед на тоа кој се’ е добитник на „Реми награда“ во историјата на фестивалот. И’ честитам на целата екипа којашто допринесе за меѓународниот успех на филмот и едвај чекам сите да се собереме повторно и во септември да го претставиме филмот пред македонската публика.“, рече режисерот Гоце Цветановски.
Наградата е деветта по ред на филмските фестивали во светот, а трета во САД, откако претходно „Бизнисот на задоволството“ го доби признанието за најдобар филм на „Риверсајд филм фестивал“ во Калифорнија и за највпечатлив филм во Седона, Аризона.
Улогите ги толкуваат Муса Исуфи, Слаѓана Вујошевиќ, Исмаил Касуми, Дамјан Цветановски, Осман Ахмети, Елени Декидис, Мендим Муртези, Егзона Салиху, Авни Далипи и Катерина Коцевска, а Цветановски го потпишува и сценариото. Продуценти на филмот се Дритон Рамадани, Богдан Јончевски и Гоце Цветановски.
Снимен е со поддршка на Агенцијата за филм.
Daily news
Прва правна конференција Tres Partes
![](https://makfax.com.mk/wp-content/uploads/2018/03/1-1-3.jpg)
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
![](https://makfax.com.mk/wp-content/uploads/2018/08/gruevski-sud.jpg)
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.